EJEKIEL 28:16 - Bibəl ta Sar̄

¹⁶ Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

Bible sar

¹⁶ Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i *Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

EJEKIEL 28:16 Referans Kwoze

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

JA̰A̰ 2:16

ba əda ngé kigə dér dum gə̄ na kə ɔyn̄ yá̰á̰ ń noō kɔ̄ɔ́, ba kə lōōn̄ rāā kújə yā Bɔbə̄n kújə gātə̄ tə́.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

TA KƏLA 3:24

Kɔ́ɔ̄ɓē Nə́ɓā tə̄ɓādə́ kɔ̄ɔ́ ba əndā de kə́ dɔ rā̰ tə́ gə̄ kə́ ngé ngɔ̄m̄ loo gə̄ ta ndɔr̄ kə́ Eden tə́, dām̄ kə́ dūn̄ ɓē tə́, kə kaskar kə́ to tītə̄ ndo̰ hor kə́ tūr̄ gidə naā tə́, kadə̄ ngɔ̄mə̄n̄ ta róbə́ kə́ yā kaw̄ń kə̄ rɔ̄ kāgə̄ kə́ deē əsa anī a ndi kə kumuú ní tə́.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

EJEKIEL 28:14

Kété ní m̄-gə̄rāī kadə̄ ḭ̄ i Serubḛ kə́ nge ngɔ̄m̄ loo kə́ ī-jā̰ā̰ bɔ̄gīí. Ī-ndi dɔ mbal̄ yāḿ kə́ táĺ tə́ ō, ā ī-njə̄rā i dan mbal̄ kə́ ndə́lē ngá̰ý gə̄ tə́ ō.

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

IJAI 22:19

Kɔ́ɔ̄ɓē əda na: M-ā m̄-tə̄ɓāī kɔ̄ɔ́ loo kəla yāí tə́. M-ā m-ɔ̄rī kɔ̄ɔ́ loo ń ī-ra tū tə́ ní tə́.

TA KƏLA 6:11

De kə́ dɔ nang tə́ gə̄ nujən̄ kɔ̄ɔ́ ta kum Nə́ɓā tə́. De gə̄ malang rāān̄ yá̰a̰ i kə dɔ́nɔ́.

ABƏDIAS 1:3

Kɔjə rɔ̄ yāí kə́ ngá̰ý gólī! Ḭ̄ ī-ndi i bəlo mbal̄ gə̄ tə́, ī-rāā kújə yāí gə̄ i loo kə́ kḭḭ kə̄ dɔɔ́ gə̄ tə́. Ḭ̄ ə́da rɔ̄í na: I náā n asə rāām̄ kadə̄ m̄-risə nang tə́ ní.