EJEKIEL 28:12 - Bibəl ta Sar̄

¹² Ḭ̄ ngōn̄ deē, ún pā yo kógə̄ḿ dɔ mban̄g kə́ Tir tə́. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Kété ní ḭ̄ i yá̰á̰ ndájə̄ kə́ majə ɔtə̄ kə taá, kum kedə̄ yāí i ngá̰ý ō, ī-majə deē ngá̰ý ō.

Bible sar

¹² Ḭ̄ ngōn̄ deē, ún pā yo kógə̄ḿ dɔ mban̄g kə́ Tir tə́. Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Kété ní ḭ̄ i yá̰á̰ ndájə̄ kə́ majə ɔtə̄ kə taá, kum kedə̄ yāí i ngá̰ý ō, ī-majə deē ngá̰ý ō.

EJEKIEL 28:12 Referans Kwoze

EJEKIEL 19:1

Kɔ́ɔ̄ɓē ədam̄ na kə m-ə̄nī pā yo ń toō tām̄ yā ngār gə̄ kə́ Israel tə́.

EJEKIEL 26:17

Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

KOLOSƏ 2:3

Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

KOLOSƏ 1:9

I tām̄ najə̄ ń toō tə́ n əla gír ndɔ̄ ń j-oōń najə̄ ń toō tə́ ní, jə-lōō ndɔ̄ȳ tām̄ yāsí tə́ aĺ ní. Jə-dəje Nə́ɓā kadə̄ rāā sesí, kadə̄ ī-gerī yá̰a̰ malang ń kemən ndigə ní, kə ta kūl̄ Ndíl ń i nge rāā kadə̄ kumsí edə̄ ō, kemsí ger̄ yá̰á̰ ō ní.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

Makətūbə̄ ń Pol ndang adə̄ Rom gə̄ ní 15:28

Ré m̄-gān̄g gír najə̄ń toō kɔ̄ɔ́ adə̄ m-ādə̄də́ yá̰á̰ ń tɔ́sə̄n̄ dɔ naā tə́ ní oy anī, m-ā m-āw̄ Esəpa̰y, banī m-ā m̄-teē dɔsí tə́ pá tá.

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

Najə̄ kə́ Majə yā Jeju ń Luk ndang ní 2:40

Jeju tɔgə ō, ngan̄g ō, kumən edə̄ ngá̰ý ō, Nə́ɓā rāā kem majə seneé ō.

EJEKIEL 32:16

Pā yo kə́ kadə̄ dəyá̰ gə̄ kə́ dan nápar de gə̄ tə́ malang ənīn̄ dɔ ɓē kə́ Ejiptə tə́ ō, dɔ de gə̄ yān gə̄ kə́ nin̄ i ngá̰ý tə́ ō, ní n noó. I Kɔ́ɔ̄ɓē Nə́ɓā n əda najə̄ ń noó ní.

EJEKIEL 27:32

Dan ń wurdə́ tōr̄də́ ngá̰ý ní, nin̄ unən̄ pā yo ń toō dɔí tə́, nin̄ nōōn̄ ədan̄ na: Ɓē kə́ to tītə̄ ɓē kə́ Tir gətóo, ba ngɔlaā ɓáa i ni n nujənən̄ kɔ̄ɔ́ dan bā bo tə́ toō!

EJEKIEL 19:14

Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 10:13

Tām̄ mban̄g ngeé ń toō əda na: Yá̰a̰ malang ń m̄-rāā ní, i kə ta kūl̄ tɔ́gə́ḿ ō, kum kedə̄ yāḿ ō, tɔdɔ̄ mā i de kə́ m̄-ger̄ yá̰a̰. m̄-rāā adə̄ dɔ nin̄ loo gə̄ yā gír de gə̄ gətóo kɔ̄ɔ́ ō, m̄-ɓogə yá̰a̰ kənge yādə́ gə̄ kə́ to loo ɓɔ̄ɔ̄ tə́ ō. m̄-rāā mban̄g gə̄ adə̄ risən̄ kɔ̄ɔ́ dɔ kōr̄ kāgə̄ mbang yādə́ gə̄ tə́ ō.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

TA KƏLA 3:5

Tām̄ Nə́ɓā ger̄ kadə̄ ndɔ̄ ń ā ə́saī tə́ anī, kumsí a teē kadə̄ ā ī-toī tītə̄ Nə́ɓā ō, ā ī-gerī yá̰á̰ kə́ majə ō, yá̰á̰ kə́ majaĺ ō.

EJEKIEL 28:11

Kɔ́ɔ̄ɓē ɔr̄ najə̄ seḿ ɓáý to̰, ni ədam̄ na:

EJEKIEL 28:15

Əla gír ndɔ̄ ń rāāīnəń tə́ ní, najə̄ kə́ majaĺ kə́ yā kəda dɔí tə́ gətóo, bátə́ ndɔ̄ ń háĺ kə́ majaĺ ɔjəń rɔ̄n kə̄ ndágá rɔ̄í tə́ ní.

EJEKIEL 43:10

Ba ḭ̄ ngōn̄ deē, kújə́ yā Kɔ́ɔ̄ɓē ní, ɔ́jə́ Israel gə̄ loon ādə̄ gerə̄n̄. Ādə̄ rɔ̄də́ sɔl̄də́ najə̄ yá̰a̰ rāādə́ kə́ gōtə́ aĺ gə̄ tə́ ō, ādə̄ əndān̄ ma̰ȳ loo rāā kújə́ yā Kɔ́ɔ̄ɓē ń toō kə gōó majə ō!

JAKARI 9:2

Hamat ń i ngɔr kə̄ Damas ní, ni-ɔr̄ najə̄ tū tə́ ō, ɓē gə̄ kə́ Tir ō, kə́ Sidon ō, ń de kə́ kemeé gə̄ jīdə́ ger̄ yá̰á̰ ngá̰ý ní, ni-ɔr̄ najə̄ tū tə́ ō.