EJEKIEL 28:10 - Bibəl ta Sar̄

¹⁰ Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

Bible sar

¹⁰ Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

EJEKIEL 28:10 Referans Kwoze

EJEKIEL 31:18

Kem ndɔr̄ kə́ Eden tə́ ní, kāgə̄ kə́ majə tītīí gətóo ō, kə́ bo tītīí gətóo ō. Ɓá tā ba m-ā m̄-rāāī kadə̄ āw̄ gíŕ nángāá naā tə́ kə kāgə̄ gə̄ ń noō. Ā ī-to loo ń noō tə́ kə de gə̄ kə́ əjan̄ mɔtədə́ aĺ ō, kə de gə̄ kə́ oyn̄ yo rɔ̄ɔ̄ ō. Yá̰á̰ ń a rāā mban̄g kə́ Ejiptə ō, a rāā gír deē yān gə̄ malang ō ni n noó. I Kɔ́ɔ̄ɓē Nə́ɓā n əda najə̄ ń noō ní.

EJEKIEL 32:19

Ə́dádə́ na: Sḭḭ̄ ī-majə ī-tɔyī gotə de gə̄ a? Ī-risə āwī ɓádá, naā tə́ kə gotə de kə́ rang gə̄ ń əjan̄ mɔtədə́ aĺ á tɔ̄lə̄n̄də́ ta rɔ̄ɔ̄ tə́ ní!

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

EJEKIEL 32:21

Ɓádá ní, ngé rɔ̄ɔ̄ gə̄ kə́ nin̄ əhɔn̄ rɔ̄də́ tɔgə tɔȳ madə̄də́ gə̄ ō, de gə̄ kə́ kété jóo nin̄ ɓoon̄ rɔ̄də́ tū yā de kə́ Ejiptə tə́ ō, a ədan̄ na: Ngé kəja mɔtə aĺ gə̄ ń noō ń tɔ̄lə̄n̄də́ ta rɔ̄ɔ̄ tə́ ní, nin̄ reē ton̄ danjí tə́.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

JA̰A̰ 8:24

I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

EJEKIEL 44:9

Mā Kɔ́ɔ̄ɓē Nə́ɓā m-ə́da najə̄ ń toō: Tə̄rā ń əja mɔtə kə́ dan wur tə́ aĺ ō, oō taḿ aĺ ō ní, a udə kem loo yāḿ kə́ táĺ tə́ to̰ alé, ká ni ndiń i dan Israel gə̄ tə́ gə̄gē ní.

EJEKIEL 44:7

Dan ń ā ī-ndējə̄mīiń núsə́ yá̰a̰ kəsa kə́ tām̄ yāḿ tə́ ní, adə̄ i yibə̄ dā̰ kə́ tun̄ gə̄ ō, mósə dā̰ kə́ tun̄ gə̄ ō ní, tə̄rā gə̄ ń əjan̄ mɔtədə́ aĺ ō, oōn̄ taḿ aĺ ō ní, sḭḭ̄ ə́ya̰īdə́ adə̄ nin̄ udən̄ kem loo yāḿ kə́ táĺ tə́. Sḭḭ̄ ī-kídī kújə yāḿ i tītə̄ ń noō. Sḭḭ̄ ī-nujiī madə̄ naā ń do̰ō̰ rɔ̄sí tū yāḿ tə́ ní kɔ̄ɔ́, kə yá̰a̰ rāāsí kə́ majaĺ ngá̰ý gə̄ malang.

EJEKIEL 28:7

Tām̄ najə̄ ń noō tə́ ní, m-ā m-ə́la kə nápar de gə̄ ń nin̄ i ngé rāā yá̰a̰ kə dɔ́nɔ́ tɔȳ de gə̄ malang ní kadə̄ rɔ̄ɔ̄īn̄. Nin̄ a nujən̄ yá̰á̰ kə́ majə gə̄ ń ī-rāā kə ta kūl̄ kum kedə̄ yāí ní kɔ̄ɔ́ kə kaskaraá ō, nin̄ a kídə̄n̄ bo yāí ō.

EJEKIEL 11:9

M-ā m̄-tə̄ɓāsí kɔ̄ɔ́ kem ɓē kə́ Jerusalem tə́, m-ā m-ə́lásí kem jī tə̄rā gə̄ tə́. M-ā m-ún sarya gāngə̄ḿ yā rāań yá̰a̰ sesí.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

LEBI GƏ̄ 26:41

Adə̄ na m-mbātə́ najə̄ tadə́ tə́ ō, na m-āw̄ sedə́ ɓē madə̄ ba̰ā̰də́ gēé ō. Adə̄ majanī a sɔlə̄n̄ dɔdə́ ō, m-ā m̄-tɔ̄l̄ ta ndéý ń m-ə́ndádə́ tām̄ yá̰á̰ kə́ majaĺ ń nin̄ rāān̄ tə́ ní ō.

EJEKIEL 28:9

Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

EJEKIEL 28:11

Kɔ́ɔ̄ɓē ɔr̄ najə̄ seḿ ɓáý to̰, ni ədam̄ na: