EJEKIEL 27:22 - Bibəl ta Sar̄

²² Ngé rāā gātə̄ gə̄ kə́ Saba ō, kə́ Ragəma ō a mbélə̄n̄ gíŕ yá̰a̰ gə̄ i seí ḭ̄ḭ́. Nin̄ a mbélə̄n̄ gíŕ yá̰a̰ gātə̄ yāí gə̄ ní i kə ítər kə́ majə ngá̰ý gə̄ ō, i kə mbal̄ gə̄ kə́ gātə̄də́ i ngá̰ý gə̄ kə́ tayā tayā gə̄ ō, i kə lɔ́r ō.

Bible sar

²² Ngé rāā gātə̄ gə̄ kə́ Saba ō, kə́ Ragəma ō a mbélə̄n̄ gíŕ yá̰a̰ gə̄ i seí ḭ̄ḭ́. Nin̄ a mbélə̄n̄ gíŕ yá̰a̰ gātə̄ yāí gə̄ ní i kə ítər kə́ majə ngá̰ý gə̄ ō, i kə *mbal̄ gə̄ kə́ gātə̄də́ i ngá̰ý gə̄ kə́ tayā tayā gə̄ ō, i kə lɔ́r ō.

EJEKIEL 27:22 Referans Kwoze

TA KƏLA 10:7

Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.

EJEKIEL 38:13

De kə́ Saba gə̄ ō, kə́ Dedan gə̄ ō, ngé rāā gātə̄ kə́ Tarsis gə̄ ō, ngé kə́ kem ɓē gə̄ kə́ kadə tə́ ō, a dəjenī najə̄ a ədan̄ na: Ḭ̄ ɔ́sə dɔ ngé rɔ̄ɔ̄ yāí gə̄ kə̄ naā tə́ i yā kɔyń yá̰a̰ dɔ gúú tə́ a? I yā kɔyń nar ō, lɔ́r ō, ɓūtə̄ yá̰a̰ kul̄ gə̄ ō, yá̰a̰ kənge gə̄ ō a? I yā kɔyń yá̰a̰ kənge kə́ ta rɔ̄ɔ̄ tə́ ngá̰ý a?

PĀ GƏ̄ 72:15

Ādə̄ dɔn ngan̄g májə́ májə́! A adə̄nən̄ lɔ́ŕ kə́ Saba ō, a ndɔ̄ȳn̄ ngándáńg tām̄ yān tə́ ō, a dəjen̄ kə dɔ ndɔ̄ gə̄ kadə̄ Nə́ɓā rāā majə seneé ō.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

1 YÁ̰A̰ GƏ̄ 1:9

Ngán Kus gə̄ i Seba ō, Habila ō, Sabəta ō, Ragəma ō, Sabəteka ō. Ngán Ragəma gə̄ i Saba ō, Dedan ō.

TA KƏLA 43:11

Bɔbə̄də́ Israel ədadə́ na ré i tītə̄ ń noō ɓáa kə rāān̄ yá̰á̰ ń toō: Kə ɔyn̄ yá̰á̰ kə́ majə kə́ ɓē yādə́ tə́ gə̄ kem ngɔngɔɔ́, kə aw̄ kə ndējə̄n̄ deē ní. Kə ɔyn̄ nō kāgə̄ kə́ kotə majə sḛ́ý, bomə ō, adəragantə ō, ladanum ō, yibə̄ tejə sḛ́ý ō, kan̄ kāgə̄ pistasə ō, kan̄ kāgə̄ amand ō.

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

EJEKIEL 23:42

De gə̄ i ngá̰ý noō ō, deē a oō i kōō kósə de kə́ ngá̰ý gə̄ kə́ usədə́ yá̰a̰ aĺ ō. De kə́ dəngam gə̄ kə́ ḭḭn̄ kə̄ loo gə̄ tə́ malang kem dəla loo tə́ i noó ō. Nin̄ tə́lan̄ nə̄ngá gə̄ jī ngákó̰o̰ naā kə́ dəyá̰ kə́ jōó gə̄ ní tə́ ō, əlan̄ jākā mbang kə́ majə ngá̰ý dɔdə́ tə́ ō.