EJEKIEL 27:21 - Bibəl ta Sar̄

²¹ De kə́ Arab tə́ gə̄ ō, ngār gə̄ malang kə́ Kedar gə̄ ō rāān̄ gātə̄ i seí ḭ̄ḭ́. Nin̄ a mangən̄ yá̰a̰ jīí tə́ i kə ngán batə̄ gēé ō, i kə batə̄ gēé ō, i kə bə̄yā̰ gēé ō.

Bible sar

²¹ De kə́ Arab tə́ gə̄ ō, ngār gə̄ malang kə́ Kedar gə̄ ō rāān̄ gātə̄ i seí ḭ̄ḭ́. Nin̄ a mangən̄ yá̰a̰ jīí tə́ i kə ngán batə̄ gēé ō, i kə batə̄ gēé ō, i kə bə̄yā̰ gēé ō.

EJEKIEL 27:21 Referans Kwoze

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

TA KƏLA 25:13

Rī ngán Ismael gə̄ kə gō kojədə́ gēé n toó: Nebayot ō, Kedar ō, Adəbeel ō, Mibəsam ō,

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

KƏLA RĀĀ 2:11

Jipə húŕ gə̄ ō, Jipə tél gə̄ ō, Kəretə gə̄ ō, Arabə gə̄ ō nin̄ i danjí tə́. Banī ngámbang kəla gə̄ ədan̄ najə̄ yá̰á̰ kə́ bo bo gə̄ ń Nə́ɓā rāā ní kə ta ɓē yājí gēé adə̄ j-oōī.

JEREMI 25:24

mban̄g Arabə gə̄ malang ō, mban̄g gə̄ malang kə́ no ɓē tə́ ń ndin̄ kem dəla loo tə́ ní ō,

IJAI 21:16

Tɔdɔ̄ yá̰á̰ ń Kɔ́ɔ̄ɓē ədam̄ ní n toó: Ɓāl̄ kógə̄ḿ ta asə naā anī, yá̰a̰ malang kə́ to rī ɓār̄ yā Kedar a gətóo kɔ̄ɔ́.

PĀ KƏ́ MAJƏ 1:5

Ngáń kə́ dəyá̰ kə́ Jerusalem gə̄, mā i de kə́ m̄-kərē kasə ō, m̄-majə deē ō. m̄-to tītə̄ kújə tandā gə̄ kə́ rāān̄də́ kə bḭḭ̄ dā̰ kə́ ndul gusə gusə beē, m̄-to tītə̄ kūbə̄ tapīi gə̄ kə́ gātə̄n i ngá̰ý beē.

2 YÁ̰A̰ GƏ̄ 17:11

De gə̄ ḭḭn̄ kə kadə̄ karī gə̄ ō, nar ō, dɔ yá̰á̰ kə́ tīr̄ gə̄ ō, ɓē Pilistin gēé reēn̄neé adə̄n̄ Josapat. Arabə gə̄ reēn̄ kə yá̰a̰ kul̄ gēé adə̄nən̄ ō, adə̄nən̄ bal batə̄ gə̄ dūbú sīrí kə ɓú mí ō, bal bə̄yā̰ gə̄ dūbú sīrí kə ɓú sīrí ō.

1 YÁ̰A̰ GƏ̄ 1:29

Gír kojə yādə́ gə̄ n toó: Nebayot i hágə Ismael. Gō tə́ anī Ismael ojə Kedar ō, Adəbeel ō, Mibəsam ō,

1 MBAN̄G GƏ̄ 10:15

kanjə̄ tə́da yā ngé njə̄rā mbā gə̄ ō, yā ngé rāā gātə̄ gə̄ ō, yā mban̄g gə̄ malang kə́ no ɓē tə́ ō, yā ngé ko̰o̰ ɓē gə̄ kə́ kem ɓēé ō.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

IJAI 21:13

Najə̄ yā dɔ nang kə́ Araba. Sḭḭ̄ ɓūtə̄ ngé njə̄rā mbā dəla loo tə́ gə̄ kə́ Dedan, āw̄ ī-toī ndɔ̄ɔ́ kem bembeé dɔ nang kə́ Araba tə́ ādə̄ loo tīī dɔsí tə́.

JEREMI 49:28

Kə́ tām̄ yā Kedar tə́ ō, ɓē ko̰o̰ kə́ Hasor tə́ ō ń Nabukodonosor, mban̄g kə́ Babilon tetədə́ rɔ̄ɔ̄ ní, najə̄ ń Kɔ́ɔ̄ɓē əda ní n toó: Ḭ́ḭī dɔɔ́, āw̄ ə̄nīī Kedar rɔ̄ɔ̄ ō, āw̄ ī-nujiī kə yá̰a̰ yā ngáń kə́ gír ɓē tə́ gēé malang kɔ̄ɔ́ ō.

Gōsə̄ najə̄ gə̄ 27:26

Ə̄jō bḭḭ̄ batə̄ yāí gə̄ kūbə̄ tə́ ō, ígə bal bə̄yā̰ yāí gə̄ ī-mangəń loo ndɔr̄ ō,

IJAI 42:11

Ādə̄ deē oō kōō pā loo gə̄ ń de gə̄ ndin̄ tū tə́ dəla loo tə́ ní, loo gə̄ ń ngé njə̄rā dɔɔ́ kə́ Kedar gə̄ əhɔn̄ loo ndin̄ tū tə́ yā kḭḭ kə̄ kété ní tə́! Ādə̄ de gə̄ ń ndin̄ Ros ní ɔjən̄ rɔ̄nel̄ yādə́ kə̄ ndágá, ādə̄ ran̄ ta tél mbal̄ bo gə̄ tə́ dɔɔ́ əgan̄neé kɔŕ rɔ̄nel̄!

JEREMI 2:10

Ī-mān̄ āwī dor̄ gə̄ kə́ Kitim tə́ á̰a̰ī ō. Ə́laī de gə̄ Kedar ō, ī-dəjeī gír najə̄ kə gōó ō. Ə̄ndāī ma̰ȳ á̰a̰ī ké yá̰á̰ kə́ tītə̄ ń noō rāā yá̰a̰ aĺ ɓáý wa.