EJEKIEL 27:16 - Bibəl ta Sar̄

¹⁶ Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ lḛ́ḛ gə̄ ō, i məde kɔ̄l̄ gə̄ ō, i mbal̄ rubis gə̄ ō gírí n taānəń yá̰a̰ gə̄ ní.

Bible sar

¹⁶ Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ *lḛ́ḛ gə̄ ō, i məde kɔ̄l̄ gə̄ ō, i mbal̄ *rubis gə̄ ō gírí n taānəń yá̰a̰ gə̄ ní.

EJEKIEL 27:16 Referans Kwoze

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

2 SAMUEL 15:8

Tɔdɔ̄ dan ń m̄-ndi Gesur dɔ nang kə́ Aram tə́ ní, m-ə̄nī ndūḿ m-ādə̄ Kɔ́ɔ̄ɓē m-ə́da na ré Kɔ́ɔ̄ɓē tél reē seḿ gogə́ Jerusalem anī, m-ā m̄-tun̄ yá̰a̰ yā kadə̄n kem ɓē kə́ Hebron tə́.

2 SAMUEL 10:6

Amon gə̄ a̰a̰n̄ kadə̄ Dabid əhɔdə́ kemən tə́ najə̄ yá̰á̰ ń nin̄ rāān̄ tə́ ní, adə̄ əlan̄ kəla rɔ̄ Aram gə̄ kə́ Bet Rehob tə́ ō, kə́ Soba tə́ ō, kadə̄ rɔ̄ɔ̄n̄ Dabid sedə́ ba kadə̄ n-adə̄n̄də́ nar. Adə̄ ngé rɔ̄ɔ̄ gə̄ kə́ ngé njə̄rā kə njadə́ gə̄ reēn̄ dūbú kutə jōó ō, de gə̄ yā mban̄g kə́ Maaka i dūbú kógə̄ḿ ō, de gə̄ kə́ Tob i dūbú kutə̄ gidə i jōó ō.

2 SAMUEL 8:5

Loo ń noō tə́ Aram gə̄ kə́ Damas reē dḭḭ̄n̄ Hadadejer mban̄g kə́ Soba. Banī Dabid tɔ̄l̄ de gə̄ dūbú kutə jōó gidə i jōó dandə́ tə́,

TA KƏLA 28:5

Isaak adə̄ Jakob aw̄ Mesopotami rɔ̄ Laban ngōn̄ Betuel tə́. Betuel i Aram. Laban i ngōkó̰o̰ Rebeka kə́ dəngam. Rebeka i kó̰o̰ Jakob nin̄ kə Esau.

TA KƏLA 10:22

Ngán Sem gə̄ n toó: Elam ō, Asur ō, Arpaksad ō, Lud ō, Aram ō.

EJEKIEL 16:10

M-ādī kūbə̄ kə́ kɔsə desḛ̄ḛ tū tə́ ō, sākə̄rāá ndāŕ kə́ majə ngá̰ý ō, kəlā lḛ́ḛ kə́ yā kadə̄ ə́hɔń ɓōdīí ō, kūbə̄ səwāa ō.

EJEKIEL 16:13

Yá̰á̰ súū rɔ̄ yāí gə̄ i kə́ rāān̄də́ kə lɔ́rɔ́ ō, kə gində̄ arjā̰a̰á̰ ō, kūbə̄ yāí gə̄ i kə́ rāān̄də́ kə lḛ́ḛ́ ō, səwāa ō, ɔsən̄ desḛ̄ḛ tū tə́ ō. Yá̰a̰ kəsa yāí i ndujə̄ kə́ majə ngá̰ý ō, i yibə̄ tejə ō, i yibə̄ kan̄ kāgə̄ olibə ō. I beé n ī-mandəń ngá̰ý al̄ naā ní. Adə̄ gə̄rāīn̄ kadə̄ ḭ̄ i mban̄g kə́ dəyá̰.

EJEKIEL 16:18

Ḭ̄ ūtə̄ gidədə́ kə kūbə̄ yāí kə́ kɔsə desḛ̄ḛ tū tə́ gə̄ ō, yibə̄ gə̄ kə kajaja gə̄ ń m-ādī ní, ḭ̄ āwń ī-ndējə̄də́ ō.

EJEKIEL 16:57

I kété pá tá kadə̄ teēn̄ dɔ kem ndul yāí tə́ ɓáý. Ń toō ɓáa ta i dɔí tə́ kadə̄ kadə̄ ɓē gə̄ kə́ Sodom ō, ngán ɓē gə̄ kə́ kadədə́ gə̄ tə́ ō, naā tə́ kə ɓē gə̄ yā Pilistin gə̄ ō tájīīn̄ tā. Tām̄ nin̄ kídīn̄ i kə̄ ta gə̄ tə́.