EJEKIEL 27:12 - Bibəl ta Sar̄

¹² De kə́ Tarsis gə̄ adīn̄ yá̰a̰ kənge kə́ tayā tayā gə̄ ngá̰ý mbél̄nəń gíŕ yá̰a̰ seí. Nin̄ mangən̄ yá̰a̰ gātə̄ yāí gə̄ i kə gində̄ arjā̰a̰á̰ ō, gində̄ kə́ karīí ō, kə gində̄ etḛ̄ḛḛ́ ō, kə gində̄ pəlɔm ō.

Bible sar

¹² De kə́ Tarsis gə̄ adīn̄ yá̰a̰ kənge kə́ tayā tayā gə̄ ngá̰ý mbél̄nəń gíŕ yá̰a̰ seí. Nin̄ mangən̄ yá̰a̰ gātə̄ yāí gə̄ i kə gində̄ arjā̰a̰á̰ ō, gində̄ kə́ karīí ō, kə gində̄ etḛ̄ḛḛ́ ō, kə gində̄ pəlɔm ō.

EJEKIEL 27:12 Referans Kwoze

EJEKIEL 38:13

De kə́ Saba gə̄ ō, kə́ Dedan gə̄ ō, ngé rāā gātə̄ kə́ Tarsis gə̄ ō, ngé kə́ kem ɓē gə̄ kə́ kadə tə́ ō, a dəjenī najə̄ a ədan̄ na: Ḭ̄ ɔ́sə dɔ ngé rɔ̄ɔ̄ yāí gə̄ kə̄ naā tə́ i yā kɔyń yá̰a̰ dɔ gúú tə́ a? I yā kɔyń nar ō, lɔ́r ō, ɓūtə̄ yá̰a̰ kul̄ gə̄ ō, yá̰a̰ kənge gə̄ ō a? I yā kɔyń yá̰a̰ kənge kə́ ta rɔ̄ɔ̄ tə́ ngá̰ý a?

IJAI 23:10

Ḭ̄ ɓē kə́ Tir, ī-ndɔr̄ dɔ nang tītə̄ gō nang kə́ bā Nil i tū tə́ beē, tɔdɔ̄ ta kā̰ā̰ yāí gətóo kɔ̄ɔ́.

1 MBAN̄G GƏ̄ 10:22

Mban̄g Salomo̰ aw̄ kə to bo gə̄ kə́ Tarsis kə́ a əladə́ loo kə́ sa̰y gə̄ tə́ naā tə́ kə to bo gə̄ yā Hiram. Kə dɔ ɓāl̄ mətá gə̄ malang noō to bo gə̄ ní a télən̄ kə lɔ́r gə̄, kə gində̄ arjā̰a̰ gə̄, kə ngān̄g dā̰ gə̄, kə ɓetə̄ gə̄ kə yel̄ pá̰a̰ gə̄.

TA KƏLA 10:4

Ngán Yaban gə̄ i Elisa ō, Tarsis ō, Kitim ō, Rodanim ō.

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.

EJEKIEL 27:18

Yá̰á̰ kə́ tayā tayā gə̄ ń ḭ̄ ī-rāādə́ ngá̰ý ní, de kə́ Damas gə̄ mangən̄ jīí tə́ ō. Nin̄ a mangən̄ jīí tə́ i kə kasə nduú kə́ Helbon ō, i kə kūbə̄ bḭḭ̄ batə̄ kə́ Sahar ō

EJEKIEL 27:16

Edom gə̄ mangən̄ yá̰a̰ jīí tə́ ngá̰ý. Nin̄ adīn̄ i mbal̄ gə̄ kə́ gātə̄də́ i ngá̰ý gə̄ ō, i ta kūbə̄ kə́ kɔsə desḛ̄ḛ tū tə́ gə̄ ō, i kūbə̄ lḛ́ḛ gə̄ ō, i məde kɔ̄l̄ gə̄ ō, i mbal̄ rubis gə̄ ō gírí n taānəń yá̰a̰ gə̄ ní.

JEREMI 10:9

Ɓesə̄ gə̄ ní i njár̄ gində̄ arjā̰a̰ kə́ hɔɔ́lɔ̄ kə́ ḭḭn̄neé Tarsis ō, i lɔ́ŕ kə́ Upajə ō ń nge tɔ́ĺ yá̰a̰ ō, nge nōō yá̰a̰ ō rāān̄ ní. Əlan̄ kūbə̄ kə́ kərē gusə gusə ō, kərē bḭḭ ō rɔ̄də́ tə́. Nin̄ malang i yá̰a̰ gə̄ ń de kə́ jīdə́ ger̄ yá̰a̰ gə̄ rāān̄ ní.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 23:14

Sḭḭ̄ to bo gə̄ kə́ dan ɓūl̄ bā bo tə́ gə̄, úniī pā yo, tām̄ loo kə́ ngan̄g ngá̰ý yāsí i kə́ nujəń kɔ̄ɔ́.

IJAI 23:6

Ə́ndaī bā bo ī-gāngī, āwī bátə́ ūgī Tarsis. Sḭḭ̄ de gə̄ ń ī-ndiī kadə bā tə́ ní, úniī pā yo.

IJAI 2:16

Ni a rɔ̄ɔ̄ too bo gə̄ malang ō, ngé kɔy yá̰a̰ gātə̄ kə́ majə ngá̰ý kaw̄ń gə̄ malang ō.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

1 MBAN̄G GƏ̄ 22:48

Tá ɓáý to̰ ní dan ngeé ń noō tə́ ní mban̄g gətóo dɔ nang kə́ Edom tə́, ba i mban̄g kə́ Juda n əndā nge ko̰o̰ ɓē kógə̄ḿ dɔ nang kə́ Edom tə́ ní.

JEJU TEĒ KUM JA̰A̰ 18:12

Yá̰a̰ gə̄ ní i lɔ́r ō, gində̄ arjā̰a̰ ō, mbal̄ gə̄ kə́ gātə̄də́ i ngá̰ý gə̄ ō, məde gə̄ ō, kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kūbə̄ səwāa ō, kūbə̄ kə́ kəla kum man̄ yá̰á̰ kə́ kərē bḭḭ tə́ ō, kāgə̄ malang kə́ kotə majə ō, yá̰a̰ malang kə́ rāā kə ngān̄g dā̰á̰ ō, kə kāgə̄ kə́ gātə̄n i ngá̰ý ō, kə gində̄ nə̄ngá kasaá ō, kə gindīí ō, kə mbal̄ máŕbər ō.

EJEKIEL 27:11

De kə́ Arbad gə̄ kum naā tə́ kə ngé rɔ̄ɔ̄ yāí gēé ngɔ̄mə̄n̄ ndogə̄ mbal̄ yāí gə̄ ō, de kə́ Gamad gə̄ ngɔ̄mə̄n̄ kújə́ kə́ ngāl̄ ɓururu yāí gə̄ ō. Nin̄ náān̄ der yādə́ gə̄ kadə ndogə̄ mbal̄ gə̄ ń gīrə̄n̄ gidií tə́ ní ō, rāān̄ adə̄ ī-majə ɔ̄tə̄ kə taá i tītə̄ ń noō ō.

EJEKIEL 27:13

Gír de gə̄ kə́ dɔ nang kə́ Gəresə tə́ ō, kə́ gō nang kə́ Tubal tə́ ō, kə́ Mesek tə́ ō, a rāān̄ gātə̄ i seí ḭ̄ḭ́. Nin̄ adīn̄ ɓəlo gə̄ ō, yá̰á̰ kə́ rāā kə gində̄ nə̄ngá kasaá gə̄ ō, gíŕ yá̰a̰ gātə̄ yāí gə̄ tə́.

EJEKIEL 27:33

Dan ń yá̰a̰ gātə̄ yāí gə̄ teēn̄ kem to bo yāí gə̄ tə́ ní, ḭ̄ ī-rāā adə̄ gír de kə́ ngá̰ý gə̄ ndānə̄n̄. Yá̰a̰ yāí kə́ ngá̰ý gə̄ ō, yá̰a̰ gātə̄ yāí kə́ ngá̰ý ō, rāā adə̄ mban̄g gə̄ kə́ dɔ nang tə́ əngen̄ yá̰á̰ ngá̰ý.

EJEKIEL 28:5

Ḭ̄ ī-rāā adə̄ yá̰a̰ kənge yāí ḭḭ dɔ madə̄ tə́ kə ta kūl̄ ger̄ kə́ ī-ger̄ rāā gātə̄ ngá̰ý, ba yá̰a̰ kənge ní rāā adə̄ kɔjə rɔ̄ i ngá̰ý kemií tə́.

EJEKIEL 28:16

Gātə̄ yāí tél gātə̄ kə́ bo. I nge ń noō n rāāī adə̄ údə kem rāā yá̰a̰ kə dɔ́nɔ́ tə́ ní, adə̄ ī-rāā yá̰á̰ kə́ majaĺ. Loo ń noō tə́ m̄-tə̄ɓāī kɔ̄ɔ́ dɔ mbal̄ yāḿ tə́, ba m-ə̄ndāī dan de kə́ karī gə̄ tə́. Ḭ̄ ń i Serubḛ kə́ nge ngɔ̄m̄ loo ní, m-ā m̄-tə̄ɓāī kɔ̄ɔ́ dan mbal̄ kə́ ndə́lē ngá̰ý gə̄ tə́.

2 YÁ̰A̰ GƏ̄ 9:21

Tɔdɔ̄ mban̄g aw̄ kə to bo gə̄ kə́ a əlań Tarsis kə ngé kəla gə̄ yā Hiram. Kə dɔ ɓāl̄ kə́ nge ko̰ mətá gə̄ malang ń noō to bo gə̄ ní a tél reēn̄ kə lɔ́r ō, kə gində̄ arjā̰a̰ ō, kə ngān̄g dā̰á̰ ō, kə ɓetə̄ gēé ō, kə yel̄ pá̰a̰ gēé ō adə̄nən̄.