EJEKIEL 26:8 - Bibəl ta Sar̄

⁸ Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

Bible sar

⁸ Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

EJEKIEL 26:8 Referans Kwoze

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

JEREMI 52:4

Kem ɓāl̄ ko̰o̰ ɓē yā Sedekias kə́ nge ko̰ ndōhó tə́ ní, kə nāā kə́ nge ko̰ kutə, kə ndɔ̄ kə́ nge ko̰ kutə kógə̄ḿ yā nāā anī, Nabukodonosor, mban̄g kə́ Babilon reē kə́ ɓūtə̄ áskar yān gēé malang yā rɔ̄ɔń ɓē kə́ Jerusalem. Ni-əndā gérger yān adə̄ sɔɔ̄ ta ɓē. De kə́ Babilon gə̄ ndērə̄n̄ bəlo adə̄ gīr̄ gidə ɓē.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

2 SAMUEL 20:15

Joab nin̄ kə deē yān gēé reē gīrə̄n̄ gidə ɓē kə́ Abel Bet Maaka tɔdɔ̄ Seba i kemeé. Nin̄ ɔsən̄ nán̄g kə̄ nja ndogə̄ mbal̄ tə́ adə̄ ra dɔ naā tə́ bing, gidən asə naā kə ta ndogə̄ mbalá dɔɔ́. Gō tə́ anī ndērə̄n̄ gír ndogə̄ mbal̄ kadə̄ tetə.

Najə̄ kə́ Majə yā Jeju ń Luk ndang ní 19:43

Tɔdɔ̄ ndɔ̄ gə̄ a reēn̄ noó kadə̄ madə̄ ba̰ā̰í gə̄ a ɔrən̄ gɔng yā rɔ̄ɔ̄īneé ō, a gīrə̄n̄ gidií njek njek ō, a utə̄nī kə̄ loo gə̄ tə́ malang ō,

EJEKIEL 26:6

Nin̄ a nujən̄ ɓē kə́ kadə tə́ gə̄ kə gō kadə bāá. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 26:9

Nin̄ a mbə́rēn̄ ndogə̄ mbal̄ yāí gə̄ kə yá̰a̰ rɔ̄ɔ̄ yādə́ gēé yā tə́nī. Nin̄ a tɔ́sə̄n̄ kújə yāí kə́ ngāl̄ ɓururu gə̄ kə sáā gində̄ gēé yā tɔ́sə̄ nujəń.

HABAKUK 1:10

De gə̄ ngeé ń noō ní, i ngé mbóo kə ngār gēé. Nin̄ kídə̄n̄ ngé ko̰o̰ ɓē gə̄ ō, ɓōlə́n̄ ɓē gə̄ kə́ de gə̄ ngɔ̄mə̄n̄ majə ngá̰ý gə̄ aĺ ō, nin̄ ɔsən̄ nán̄g kə̄ dɔ naā tə́ yā taāń ɓē gə̄ ní malang.