EJEKIEL 26:7 - Bibəl ta Sar̄

⁷ Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

Bible sar

⁷ Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ *Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

EJEKIEL 26:7 Referans Kwoze

DANIEL 2:37

Ḭ̄ i mban̄g kə́ ī-bo ī-tɔȳ mban̄g gə̄ malang. Nə́ɓā kə́ dɔ rāā tə́ adī ko̰o̰ ɓē ō ngan̄g ō tɔ́gə ō kɔsə gɔn ō.

ESDRAS 7:12

m̄-rāāsí lápə́ya! I mā Artajerses, mban̄g kə́ dɔ mban̄g gə̄ tə́ n m̄-ndang makətūbə̄ ń toō m-ādə̄ Esdras nge tun̄ yá̰a̰, kə́ nge ndóō de gə̄ ndū najə̄ yā Nə́ɓā kə́ dɔ rā̰ tə́ ní. Ta gotə najə̄ kə́ rang gə̄ i ta tə́ noō ɓáý to̰.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

OJEE 8:10

Ni-adə̄ nápar de gə̄ yá̰a̰ karī. Ba ngɔlaā ní, m-ā m̄-ɓoodə́ naā tə́ ō, sḛ́ý laā anī nin̄ a a̰a̰n̄ tápə̄ gír mban̄g kə́ tɔ́gən tɔȳ yā mban̄g gə̄ tə́ ō.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

JEREMI 52:32

Ni ɔr̄ najə̄ seneé kə kemən kə́ majaá ō, adə̄n kōr̄ kāgə̄ mban̄g kə́ bo tɔȳ yā mban̄g kə́ rang gə̄ ń ndin̄ Babilon tītə̄ yān ní ō.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

IJAI 10:8

Ni-əda na: Go̰ rɔ̄ɔ̄ yāḿ gə̄ malang nin̄ i mban̄g gə̄ aĺ a?

EJEKIEL 28:7

Tām̄ najə̄ ń noō tə́ ní, m-ā m-ə́la kə nápar de gə̄ ń nin̄ i ngé rāā yá̰a̰ kə dɔ́nɔ́ tɔȳ de gə̄ malang ní kadə̄ rɔ̄ɔ̄īn̄. Nin̄ a nujən̄ yá̰á̰ kə́ majə gə̄ ń ī-rāā kə ta kūl̄ kum kedə̄ yāí ní kɔ̄ɔ́ kə kaskaraá ō, nin̄ a kídə̄n̄ bo yāí ō.

EJEKIEL 26:3

Tām̄ najə̄ ń noō tə́ ní, Kɔ́ɔ̄ɓē Nə́ɓā əda na: Ɓē kə́ Tir, m-ā m̄-rāā yá̰á̰ kə́ tōr̄ seí. M-ā m̄-rāā kadə̄ nápar de kə́ ngá̰ý gə̄ a ḭḭn̄ seí yā rɔ̄ɔ̄ī, tītə̄ ń bā bo rāań adə̄ bəngálən gə̄ ḭḭn̄ ní.

EJEKIEL 17:14

yā kadə̄ ɓē ko̰o̰ ndiń gotə kógə̄ḿ loo kə́ dūú tə́ ba aw̄ń kum kə̄ kété aĺ ō, kadə̄ deē ní ra dɔ ndūdə́ ń ənīn̄ adə̄n̄ naā tə́ ní ō.

JEREMI 25:22

mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.