EJEKIEL 26:6 - Bibəl ta Sar̄

⁶ Nin̄ a nujən̄ ɓē kə́ kadə tə́ gə̄ kə gō kadə bāá. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

Bible sar

⁶ Nin̄ a nujən̄ ɓē kə́ kadə tə́ gə̄ kə gō kadə bāá. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 26:6 Referans Kwoze

EJEKIEL 26:8

Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

EJEKIEL 25:17

M-ā m̄-dal ba̰ā̰ kə́ ngá̰ý dɔdə́ tə́, m-ā m-ə́ndádə́ ndéý kə́ to ɓōĺ ngá̰ý. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 25:14

M-ā m-ə́yá̰ Israel gə̄ ń i gír deē yāḿ gə̄ ní kadə̄ dalən̄ ba̰ā̰ dɔ Edom gə̄ tə́ adə̄mə̄n̄. Israel gə̄ a rāān̄də́ yá̰á̰ ń wōn̄g yāḿ kə́ ngá̰ý ndḛḛ̄ kadə̄ yā rāā sedə́ ní. I tītə̄ ń noō tá Edom gə̄ a gerə̄n̄ kadə̄ rāā majaĺ seḿ māá i yá̰á̰ kə́ a ojə yá̰á̰ kə́ tōr̄ ngá̰ý. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 25:11

M-ā m-ún sarya ń m̄-gān̄g dɔ Moab tə́ ní yā rāań kəla. I tītə̄ ń noō tá nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 25:7

I beé ɓá ní, m-ā m-ɔ́jə́sí tɔ́gə́ḿ dɔdə́ tə́, m-ā m-ə́lásí kem jī tə̄rā gə̄ tə́ kadə̄ a ɔyn̄ yá̰a̰ yāsí dɔ gúú tə́. M-ā m̄-rāā kadə̄ nápar deē yāsí gə̄ a gətóon̄ kɔ̄ɔ́, m-ā m̄-rāā kadə̄ ɓē yāsí a gətóo, m-ā m̄-nujəsí sák sák kɔ̄ɔ́.

EJEKIEL 25:5

Raba ń i ɓē bo yāsí ní, m-ā m̄-rāā kadə̄ a tél loo ko̰o̰ yā jámbal gə̄. Dɔ nang kə́ Amon malang a tél loo ra yā batə̄ gə̄. Tītə̄ ń noō ɓáa ā ī-gerī kadə̄ Kɔ́ɔ̄ɓē i mā.

EJEKIEL 16:48

Tītə̄ ń mā Kɔ́ɔ̄ɓē Nə́ɓā m̄-ndiń kə kumḿ rɔ̄kum noó, Jerusalem, yá̰á̰ ń m-ə́daī ní n toó: Sodom ń i ngōkó̰ó̰í kə́ dəyá̰ ní ō, ngán ɓē kə́ dūú gə̄ kə́ kadən tə́ ō ní, yá̰á̰ kə́ majaĺ ń nin̄ rāān̄ ní asə kə yāí aĺ ō, asə kə yā ngán ɓē kə́ dūú gə̄ kə́ kadií tə́ aĺ ō.

JEREMI 49:2

Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

EJEKIEL 16:53

M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.