EJEKIEL 26:3 - Bibəl ta Sar̄

³ Tām̄ najə̄ ń noō tə́ ní, Kɔ́ɔ̄ɓē Nə́ɓā əda na: Ɓē kə́ Tir, m-ā m̄-rāā yá̰á̰ kə́ tōr̄ seí. M-ā m̄-rāā kadə̄ nápar de kə́ ngá̰ý gə̄ a ḭḭn̄ seí yā rɔ̄ɔ̄ī, tītə̄ ń bā bo rāań adə̄ bəngálən gə̄ ḭḭn̄ ní.

Bible sar

³ Tām̄ najə̄ ń noō tə́ ní, Kɔ́ɔ̄ɓē Nə́ɓā əda na: Ɓē kə́ Tir, m-ā m̄-rāā yá̰á̰ kə́ tōr̄ seí. M-ā m̄-rāā kadə̄ nápar de kə́ ngá̰ý gə̄ a ḭḭn̄ seí yā rɔ̄ɔ̄ī, tītə̄ ń bā bo rāań adə̄ bəngálən gə̄ ḭḭn̄ ní.

EJEKIEL 26:3 Referans Kwoze

JEREMI 51:42

Bā bo un dɔ Babilon, bəngál man̄ kə́ ngá̰ý gə̄ taān̄ dɔn.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

Najə̄ kə́ Majə yā Jeju ń Luk ndang ní 21:25

Yá̰á̰ kə́ yáā gə̄ ō, kə́ yā kɔjəń dɔ yá̰a̰ gə̄ ń a reēn̄ ní ō, a teēn̄ kum mbang tə́ ō, kum nāā tə́ ō, kum tə́yō̰ gə̄ tə́ ō. Adə̄ dɔ nang tə́ ní, kem gíŕ nápar de gə̄ a tetə man̄ ō, a sōlə̄n̄ kekəre tām̄ yā kōō bā bo kə́ a ɓār̄ tə́ ō, tām̄ yā bəngál bā bo tə́ ō.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

NAHUM 2:12

Ɓē ń ɓɔl gə̄ ndin̄ tū tə́ kété ní, tél i rí? Kété ní, ngán ɓɔl gə̄ a əngen̄ yá̰a̰ kəsa yādə́ i kem ɓē ní tə́. Dan ń ɓɔl aw̄ sāā yá̰a̰ kəsaá anī, de kə́ ɔdə rɔ̄ ngánən gə̄ gətóo.

EJEKIEL 38:3

Ā ə́dan na: Najə̄ gə̄ Kɔ́ɔ̄ɓē Nə́ɓā ɔr̄ ní n toó: Ngār kə́ bo yā gír de gə̄ kə́ Mesek ō kə́ Tubal ō, m-ā m̄-rāā yá̰á̰ kə́ tōr̄ seí.

EJEKIEL 28:22

Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Sidon, m-ā m̄-rāā yá̰á̰ kə́ tōr̄ seí! I tītə̄ ń noō n m-ā m̄-rāań kadə̄ de gə̄ a̰a̰n̄ kɔsə gɔn yāḿ kem ɓēé ní. M-ā m̄-rāāī yá̰á̰ ń m̄-sāā rāā seí ní. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. I tītə̄ ń noō n m-ā m-ɔ́jəń kadə̄ Nə́ɓā kə́ táĺ i mā ní.

EJEKIEL 27:26

Ngé háy gə̄ nēlīn̄ aw̄n̄ seí dan ɓūlūú ō, néĺ kə́ dūn̄ ɓē tə́ a tétī rárák dan bā boó ō.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

PĀ GƏ̄ 107:25

Kɔ́ɔ̄ɓē əda najə̄ tan kógə̄ḿ anī nél balway əla, néĺ ní rāā adə̄ bəngál man̄ ḭḭ kə̄ dɔɔ́ kə̄ dɔɔ́.

EJEKIEL 26:19

A̰á̰ā̰, mā Kɔ́ɔ̄ɓē Nə́ɓā m-ə́da na: M-ā m̄-rāāī kadə̄ ā ī-to tītə̄ ɓē gə̄ ń nujən̄də́ kɔ̄ɔ́ ní, ɓē gə̄ ń de kə́ kemeé gə̄ gətóon̄ kɔ̄ɔ́ ní. M-ā m̄-rāā kadə̄ man̄ kə́ ngá̰ý ḭḭ gír bā bo tə́ reē un dɔí kɔ̄ɔ́.

EJEKIEL 29:10

Tām̄ najə̄ ń noō tə́ ní m-ā m̄-rɔ̄ɔ̄sí sḭḭ̄ kə bā yāí. M-ā m̄-rāā ɓē kə́ Ejiptə kadə̄ tél kūbə̄rū mbal̄ kə́ ra dɔ naā tə́ bing. Ɓē a tél dəla loo, a əla gír i Migədol bátə́ ɓē kə́ Asuwan tə́ ō, dɔ nin̄ ɓē kə́ Etiopi tə́ ō.

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

JAKARI 9:4

Banī Kɔ́ɔ̄ɓē a taā ɓē kə́ Tir kɔ̄ɔ́. Ndogə̄ mbal̄ gə̄ yā ɓē kə́ Tir ń a rɔ̄ɔń dɔ rɔ̄n tə́ ní, Kɔ́ɔ̄ɓē a rāādə́ kadə̄ a tə́sōn̄ kum bā bo tə́ ō, hor kógə̄ḿ a o̰o̰ ɓē ngeé ń toō ō.

JEREMI 25:22

mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,