EJEKIEL 26:17 - Bibəl ta Sar̄

¹⁷ Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

Bible sar

¹⁷ Nin̄ a unən̄ pā yo ń toō dɔí tə́: Ajá, nujiīn̄ kɔ̄ɔ́, ḭ̄ ɓē ń rīí ɓār̄ ngá̰ý ní, ī-gətóo kɔ̄ɔ́ dan bā boó! Kété ní, de gə̄ ń ndin̄ kemií tə́ ní, tɔ́gə́də́ i ngá̰ý dɔ bā bo tə́, adə̄ de gə̄ malang ɓōlə́n̄də́.

EJEKIEL 26:17 Referans Kwoze

IJAI 14:12

I ba̰ý á ḭ̄ ń i dɔgə́ loo tīī kə́ ā ī-ndə́lē ní, ḭ́ḭ dɔ rā̰ tə́ ə̄sō ní? Ḭ̄ ń kété ī-mbə́rē nápar de gə̄ī-tə́nīdə́ ní, ənīn̄ nang tə́!

EJEKIEL 19:1

Kɔ́ɔ̄ɓē ədam̄ na kə m-ə̄nī pā yo ń toō tām̄ yā ngār gə̄ kə́ Israel tə́.

EJEKIEL 32:16

Pā yo kə́ kadə̄ dəyá̰ gə̄ kə́ dan nápar de gə̄ tə́ malang ənīn̄ dɔ ɓē kə́ Ejiptə tə́ ō, dɔ de gə̄ yān gə̄ kə́ nin̄ i ngá̰ý tə́ ō, ní n noó. I Kɔ́ɔ̄ɓē Nə́ɓā n əda najə̄ ń noó ní.

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

EJEKIEL 19:14

Banī hor kógə̄ḿ teē ɓōdə̄n tə́, o̰o̰ ta jīn gə̄ ō, kanə̄n gə̄ ō. Ta jīn kə́ ngan̄g kə́ yā kadə̄ tél kāgə̄ jī yā mban̄g to̰ gətóo. A ənīn̄ pā ń toō i tītə̄ loo kənī pā yo beé.

IJAI 23:4

Ḭ̄ ɓē kə́ Sidon, ḭ̄ ń i loo ɓɔ̄ɔ̄ rɔ̄ yā bā bo ní, ādə̄ rɔ̄í sɔlī. Tām̄ bā bo ɔr̄ najə̄ i beé: m̄-ndigə kadə̄ rɔ̄ḿ gə̄ tōr̄mə̄n̄ aĺ ō, m̄-ndigə kojə ngán gə̄ aĺ ō. m̄-ndigə kətō ngáń kə́ dəngam gə̄ aĺ ō, m̄-ndigə ngɔ̄m̄ ngáń kə́ dəyá̰ gə̄ kadə̄ tɔgən̄ aĺ ō.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

ABƏDIAS 1:5

Ré ngé ɓogə gə̄, aláa ngé kɔy yá̰a̰ yā de gə̄ dɔ gúú tə́ gə̄, reēn̄ ɓēé looí ndɔ̄ɔ́ anī, yá̰a̰ malang ń nin̄ a asən̄ kɔy ní, a ɔyn̄ ō, yá̰á̰ kógə̄ḿ kə́ a na̰y tām̄ yāí tə́ a gətóo ō. Ré ngé kəla gə̄ reēn̄ kəja kan̄ nduú kem ndɔr̄ kāgə̄ nduú yāí tə́ anī, nin̄ a əya̰n̄ i dɔ bəran kə́rēý gə̄ ngóy.

JOEL 1:18

Yá̰a̰ kul̄ gə̄ tṵ́ṵ̄n rus rus, man̄g gə̄ dáȳn̄ biriri kə̄ loo gə̄ tə́, tɔdɔ̄ mu kə́ mbōl̄ gətóo. Tá ɓūtə̄ yá̰a̰ kul̄ kə́ dūú gə̄ gə̄gē a oyn̄ ō.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 9:20

Tɔdɔ̄ yo al̄ ko̰rō̰ kújə yājí kə́ majə ngá̰ý gə̄ tə́, ba udə kemeé. Ni-reē tɔ̄l̄ ngán gə̄ kum róbó ō, tɔ̄l̄ balsáa gə̄ ndágə loo gə̄ tə́ ō.

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

IJAI 23:8

Kété ní ɓē kə́ Tir i ɓē kə́ nge nə̄ɓō de gə̄ jākā mbang gə̄. Kété ní ngé kigə yá̰a̰ yān gə̄ i ngán ngār gə̄. Kété ní ngé rāā gātə̄ yān gə̄ i de kə́ bo gə̄ kə́ dɔ nang tə́ laā. I náā n un ndūn yā nujə ɓē ń toō ní?

2 SAMUEL 1:19

Israel, i tām̄ rí tə́ á go̰ rɔ̄ɔ̄ gə̄ oyn̄ ní? Ngé rɔ̄ɔ̄ yāí gə̄ ń i yá̰a̰ kɔsə gɔn yāí ní i tām̄ rí tə́ á nīńdə́ to dɔ ngōn̄ mbalá ní?

JOJUE 19:29

Dɔ nin̄ ní tūr̄ rɔ̄n aw̄ kum kə̄ Rama, aw̄ bátə́ ugə̄ ɓē kə́ ngan̄g ń rīn na i Tir ní tə́. Gō tə́ anī aw̄ kum kə̄ Hosa, aw̄ ugə̄ bā bo tə́, ba mān̄ i Mahalabə ō, Akjib ō,

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

JEREMI 50:23

Kété ní Babilon i mūú kə́ nge rējə̄ de gə̄ malang kə́ dɔ nang tə́. Ba ń toō ɓáa, tétə̄nən̄ naā tə́ rárák kɔ̄ɔ́. Ní, rāān̄ yá̰á̰ ń noō i ba̰ý? Babilon tél i ɓē kə́ nujə sák sák kɔ̄ɔ́ dan ɓē gə̄ yā nápar de gə̄ tə́.

EJEKIEL 32:23

Dɔ ɓádə gə̄ ní ton̄ i gə́le loo kə́ ɓádá tə́, kə gō gidə dɔ ɓádə mban̄g. Nin̄ malang ní tɔ̄lə̄n̄də́ i ta rɔ̄ɔ̄ tə́, nin̄ ń kété rāān̄ de kə́ ndi kə kumdə́ gə̄ adə̄ ɓōĺ rāādə́ adə̄ ndewn̄ ní.

EJEKIEL 32:27

Dubə̄n̄də́ naā tə́ kə go̰ rɔ̄ɔ̄ kə́ kété jóo gə̄ gə̄ ń rāān̄ de gə̄ kə́ ndin̄ kə kumdə́ adə̄ ɓōĺ rāādə́ adə̄ ndewn̄ ní. Ngé rɔ̄ɔ̄ gə̄ ngeé ń toō ní aw̄n̄ ɓádá i kə yá̰a̰ rɔ̄ɔ̄ yādə́ gēé. Taān̄ dɔdə́ i kə kaskar yādə́ ō, ənīn̄ der yādə́ i dɔ nīńdə́ tə́ ō.