EJEKIEL 26:16 - Bibəl ta Sar̄

¹⁶ Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

Bible sar

¹⁶ Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

EJEKIEL 26:16 Referans Kwoze

EJEKIEL 32:10

Rɔ̄ gír de gə̄ ngá̰ý a nel̄də́ alé najə̄ yāí tə́. Dan ń m-ā m-ə̄nī kaskar yāḿ no mban̄g yādə́ gə̄ tə́ anī, ndíl mban̄g yādə́ gə̄ a a̰ȳ. Ndɔ̄ ń ḭ̄ ā ə̄sōń tə́ ní, a asədə́ nin̄ ndew alé, tām̄ nin̄ kógə̄ḿ kógə̄ḿ ní a ɓōlə́n̄ tām̄ yā rɔ̄də́ nin̄ kɔ́ gə̄ tə́.

JONAS 3:6

Mban̄g kə́ Ninibə oō kōō yá̰á̰ ní. Anī ni-ḭḭ kɔ̄ɔ́ dɔ kōr̄ kāgə̄ mbang yān tə́. Ni-ɔr̄ kūbə̄ mban̄g kə́ rɔ̄n tə́ kɔ̄ɔ́, ba əla kūbə̄ kəhɔ ndoō rɔ̄n tə́ ō, ndi kum bū tə́ ō.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

Makətūbə̄ yā Job 8:22

Rɔ̄ madə̄ ba̰ā̰í gə̄ a sɔl̄də́ ō, kújə tandā yā ngé kem ndul gə̄ a gətóo kɔ̄ɔ́ ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

PĀ GƏ̄ 35:26

Ngé gə̄ ń rāān̄ rɔ̄nel̄ tām̄ yá̰á̰ kə́ to kum kaȳ aĺ kə́ teē dɔḿ tə́ ní, ādə̄ rɔ̄də́ sɔl̄də́ malang! Ngé gə̄ ń ɔjən̄ rɔ̄də́ dɔḿ tə́ ní, ādə̄ rɔ̄sɔl̄ əhɔdə́ ō, ādə̄ əlan̄ rɔ̄sɔl̄ dɔdə́ tə́ ō.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

EJEKIEL 7:8

Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

IJAI 52:2

Ī-gógə̄ bumbə́rú ń utə̄ gidə rɔ̄í ní kɔ̄ɔ́. Jerusalem, ḭ̄ ń i dəngáý ní, ḭ́ḭ dɔɔ́ ba ī-ndi gotií tə́! Siyo̰, ḭ̄ ń i dəngáý ní, ɔ̄r̄ súĺ kə́ kɔ́ɔ́í tə́ kɔ̄ɔ́!

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

PĀ GƏ̄ 132:18

M-ā m-ə́la rɔ̄sɔl̄ rɔ̄ madə̄ ba̰ā̰n gə̄ tə́ tītə̄ kūbə̄ beé, banī jākā mbang yān a ndə́lē pipir nɔtə non tə́.

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

PĀ GƏ̄ 109:18

Ni-əla ndɔ̄ĺ kūbə̄ tə́ rɔ̄n tə́ ní, ādə̄ ndɔ̄ĺ əla loo kemən tə́ tītə̄ man̄ beé ō, taā loo jīn gə̄ tə́ kə̄ njan gə̄ tə́ tītə̄ yibə̄ beé ō!

Teē Ngán Israel gə̄ 15:15

ngār kə́ Edom gə̄ ndin̄ i kə sōlōó kekəre ō, ɓōĺ rāā ngār kə́ dɔ nang kə́ Moab tə́ gə̄ ngá̰ý ō, tɔ́gə Kanaan gə̄ ur̄ wak kɔ̄ɔ́ ō.

JEJU TEĒ KUM JA̰A̰ 18:9

Dan ń mban̄g kə́ dɔ nang tə́ gə̄ ń ɓīīn̄ seneé loo ájə́ba tə́ ō, tə́ndān̄ yá̰á̰ kə́ majə ngá̰ý yādə́ gə̄ kə ta naá ō, a a̰a̰n̄ sa hor kə́ dɔn tə́ anī, a nōōn̄ ō, a əndan̄ kadədə́ najə̄ yān tə́ ō.

IJAI 41:5

Yá̰á̰ ń rāā yá̰á̰ ní gír de gə̄ ń ndin̄ sa̰y ní a̰a̰n̄ ō, ɓōĺ rāādə́ ō. De gə̄ ń nin̄ ndin̄ i ta ngóy dɔ nang tə́ ní, nin̄ ndɔ́tə̄n̄ kə̄ kété i kə rɔ̄ ndeweé.

JEREMI 48:39

I rí n rāā yá̰á̰ á tɔ́gə Moab ur̄ wak kɔ̄ɔ́ ní? I ba̰ý á ni tūr̄ gidən kə̄ rɔ̄sɔlɔ̄ɔ́ ní? Ī-nōōī ɓoo ɓoo, tɔdɔ̄ Moab tél kur̄ kəgō yā de gə̄ malang ń ndi gīrə̄n̄ gidən ní ō, tél yá̰á̰ kə́ a əla ɓōĺ kemdə́ tə́ ō.

EJEKIEL 7:27

Mban̄g a əhɔ ndoō ō, ngōn̄ ngār a əndā kemən dɔ yá̰á̰ kógə̄ḿ tə́ to̰ aĺ ō, ɓōĺ a rāā de kə́ kem ɓēé gə̄ malang kadə̄ a ndewn̄ ō, yá̰á̰ ń m-ā m̄-rāā sedə́ ní, a sɔɔ̄ń i dɔ háĺdə́ ō, m-ā m̄-gān̄g sarya dɔdə́ tə́ tɔdɔ̄ asə kadə̄ əngen̄ sarya. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 16:10

M-ādī kūbə̄ kə́ kɔsə desḛ̄ḛ tū tə́ ō, sākə̄rāá ndāŕ kə́ majə ngá̰ý ō, kəlā lḛ́ḛ kə́ yā kadə̄ ə́hɔń ɓōdīí ō, kūbə̄ səwāa ō.

EJEKIEL 26:21

Ɓōĺ a rāā de gə̄ malang kadə̄ a ndewn̄ najə̄ yāí ḭ̄ tə́, tɔdɔ̄ ā ī-ndi to̰ alé. De gə̄ a ndəleīn̄, banī de kə́ yā kəngeī a gətóo i kə́ bátə́ gə̄ tə́. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.

EJEKIEL 31:15

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń kāgə̄ sedər a aw̄ń ɓádá ní, m-ā m̄-rāā kadə̄ yá̰a̰ malang ń jī deē rāā aĺ ní əhɔ ndoō. M-ā m-ɔ̄gə̄ man̄ kə́ bo kə́ gíŕ nángāá nūgə́ najə̄ yān tə́ ō, m-ā m̄-dəba bā yān gə̄ ō, m-ā m-ə́hɔ man̄ kə́ ngá̰ý gotə kógə̄ḿ ō. Mbal̄ gə̄ kə́ Liban tə́ a ndulən̄ najə̄ yān ni tə́ ō, kāgə̄ malang kə́ bembeé a tutən̄ ō.