EJEKIEL 26:15 - Bibəl ta Sar̄

¹⁵ Yá̰á̰ ń mā Kɔ́ɔ̄ɓē Nə́ɓā m-ə́da ɓē kə́ Tir ní n toó: Kum mbang ń a nujiīń tə́ ní, a tɔ̄lə̄n̄ de gə̄ malang ń ndin̄ kem ndogə̄ mbal̄ yāí tə́ ní ō, de gə̄ ń əngen̄ dɔ ní, a oōn̄ kōōdə́ loo nōō tə́ ō. Kum mbang ngeé ń noō tə́ ní, de gə̄ ń ndin̄ dor̄ kə́ sa̰y gə̄ tə́ ní, ɓōĺ a rāādə́ adə̄ nin̄ a ndewn̄.

Bible sar

¹⁵ Yá̰á̰ ń mā Kɔ́ɔ̄ɓē Nə́ɓā m-ə́da ɓē kə́ Tir ní n toó: Kum mbang ń a nujiīń tə́ ní, a tɔ̄lə̄n̄ de gə̄ malang ń ndin̄ kem ndogə̄ mbal̄ yāí tə́ ní ō, de gə̄ ń əngen̄ dɔ ní, a oōn̄ kōōdə́ loo nōō tə́ ō. Kum mbang ngeé ń noō tə́ ní, de gə̄ ń ndin̄ dor̄ kə́ sa̰y gə̄ tə́ ní, ɓōĺ a rāādə́ adə̄ nin̄ a ndewn̄.

EJEKIEL 26:15 Referans Kwoze

EJEKIEL 27:35

De gə̄ malang ń ndin̄ kə̄ dɔ dor̄ loo gə̄ tə́ ní, rɔ̄də́ nel̄də́ aĺ ngá̰ý najə̄ yāí ḭ̄ tə́. Ɓōĺ rāā mban̄g yādə́ gə̄ adə̄ ndewn̄ ngangan ō, deē a̰a̰ ɓōĺ kə́ ngá̰ý dɔ kumdə́ tə́ ger̄ ō.

JEREMI 49:21

Əsōn̄ kəsō kə́ to ɓōĺ ngá̰ý adə̄ dɔ nang ndebə. Kōōdə́ ɓār̄ bátə́ ugə̄ bā tə̄ɓā gə̄ tə́.

EJEKIEL 31:16

Dan ń m-ā m̄-rāā kadə̄ kāgə̄ ngeé ń toō aw̄ ɓádá gō ngé gə̄ ń ton̄ ɓádá tə́ ní anī, nápar de gə̄ ń a oōn̄ kōōn loo kəsō tə́ ní, ɓōĺ a rāādə́ adə̄ nin̄ a ndewn̄. Yá̰a̰ malang kə́ gírí nang tə́ ń i kāgə̄ gə̄ malang kə́ Eden tə́ ō, kāgə̄ gə̄ kə́ dɔ mbal̄ kə́ Liban tə́ i kāgə̄ gə̄ kə́ majən̄ tɔȳ madə̄ gə̄ ō, rāān̄ man̄ dɔ tə́ tɔȳ yā gotə gə̄ ō ní, a rāān̄ rɔ̄nel̄.

EJEKIEL 26:18

Ngɔlaā ní, gír de gə̄ ń ndin̄ kə gō kadə bā boó ní ndewn̄, tɔdɔ̄ ḭ̄ ī-gətóo kɔ̄ɔ́. Ngé gə̄ ń ndin̄ dɔ dor̄ gə̄ tə́ ní, ndíĺdə́ a̰ȳ, tɔdɔ̄ ḭ̄ ī-hində̄ lim kɔ̄ɔ́.

EJEKIEL 32:10

Rɔ̄ gír de gə̄ ngá̰ý a nel̄də́ alé najə̄ yāí tə́. Dan ń m-ā m-ə̄nī kaskar yāḿ no mban̄g yādə́ gə̄ tə́ anī, ndíl mban̄g yādə́ gə̄ a a̰ȳ. Ndɔ̄ ń ḭ̄ ā ə̄sōń tə́ ní, a asədə́ nin̄ ndew alé, tām̄ nin̄ kógə̄ḿ kógə̄ḿ ní a ɓōlə́n̄ tām̄ yā rɔ̄də́ nin̄ kɔ́ gə̄ tə́.

EJEKIEL 27:28

Dan ń de gə̄ ń ndin̄ kə gō kadə bā boó ní a oōn̄ kōō ngé rāā kəla kem to bo yāí gə̄ tə́ loo gán̄g kɔŕ tə́ anī, ɓōĺ a rāādə́ adə̄ nin̄ a ndewn̄ ngangan.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 41:5

Yá̰á̰ ń rāā yá̰á̰ ní gír de gə̄ ń ndin̄ sa̰y ní a̰a̰n̄ ō, ɓōĺ rāādə́ ō. De gə̄ ń nin̄ ndin̄ i ta ngóy dɔ nang tə́ ní, nin̄ ndɔ́tə̄n̄ kə̄ kété i kə rɔ̄ ndeweé.

EJEKIEL 26:10

Dan ń nin̄ a a̰ȳn̄ ngɔ̄də̄ anī, sə́nda yādə́ kə́ ngá̰ý gə̄ a rāān̄ kadə̄ bumbə́ru əga nding dɔí tə́. Kōō ngé kal̄ sə́nda gə̄ ō, kōō nja púsə rɔ̄ɔ̄ gə̄ ń a ndūbə̄rūn̄ ní ō, a rāān̄ ndogə̄ mbal̄ yāí gə̄ kadə̄ a ndewn̄. Nin̄ a udən̄ kem ɓēé kə ta róbə yāí gēé, tītə̄ ń deē a udəń kem ɓēé gō tɔ́sə̄ kə́ ni tɔ́sə̄ ndogə̄ mbal̄ kə́ gidə ɓēé mbutə tə́ ní.

EJEKIEL 26:21

Ɓōĺ a rāā de gə̄ malang kadə̄ a ndewn̄ najə̄ yāí ḭ̄ tə́, tɔdɔ̄ ā ī-ndi to̰ alé. De gə̄ a ndəleīn̄, banī de kə́ yā kəngeī a gətóo i kə́ bátə́ gə̄ tə́. Najə̄ ń Kɔ́ɔ̄ɓē Nə́ɓā əda ní n noó.