EJEKIEL 26:14 - Bibəl ta Sar̄

¹⁴ M-ā m̄-rāāī kadə̄ ā ī-tél mbal̄ kə́ dɔn ndágə doy, kə́ ngé ndo̰ kānjə̄ gə̄ a najən̄ rə́ng yādə́ gə̄ tū tə́. Deē a tél yā rāāī gogə́ rang alé. A̰á̰ā̰, i mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

Bible sar

¹⁴ M-ā m̄-rāāī kadə̄ ā ī-tél mbal̄ kə́ dɔn ndágə doy, kə́ ngé ndo̰ kānjə̄ gə̄ a najən̄ rə́ng yādə́ gə̄ tū tə́. Deē a tél yā rāāī gogə́ rang alé. A̰á̰ā̰, i mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

EJEKIEL 26:14 Referans Kwoze

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

Makətūbə̄ yā Job 12:14

Yá̰á̰ ń ni nujəń kɔ̄ɔ́ ní, deē a rāā gogə́ to̰ alé. Deē ń ni-əhɔn dəngáý ní deē a əya̰n dɔɔ́ alé.

IJAI 14:27

Dan ń Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ ní, i náā n asə kəhɔn dɔ tə́ ní? Dan ń ni un jīn kə́ ɓir̄ əla kə̄ dɔɔ́ ní, i náā n asə tūr̄ jīn ní kum kə̄ loo kə́ rang tə́ ní?

NDŪ NAJƏ̄ 13:16

ā ī-tɔ̄lī de kə́ kem ɓē ń noō tə́ gə̄ ō, yá̰a̰ kul̄ kə́ kemeé gə̄ ō, kɔ̄ɔ́ malang kə kəyā kaskaraá. Gō tə́ anī ā ī-*bāāī dɔ ɓē ní ō, yá̰a̰ malang kə́ kemeé ō, tām̄ yā Nə́ɓā tə́.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

EJEKIEL 26:12

Nin̄ a ɓogən̄ yá̰a̰ kənge yāí gə̄ ō, a ɔyn̄ yá̰a̰ gātə̄ yāí gə̄ dɔ gúú tə́ ō. A mbə́rēn̄ ndogə̄ mbal̄ yāí gə̄ yā tə́nī nang tə́ kɔ̄ɔ́ ō, a nujən̄ kújə yāí gə̄ ń yá̰a̰ i ngá̰ý tū tə́ ní ō, ba a ɔyn̄ mbal̄ kə́ tū tə́ gə̄ ō, kāgə̄ kə́ tū tə́ gə̄ ō, butə̄ yá̰á̰ kə́ tū tə́ gə̄ ń a na̰y ní ō, yā ɓōkə́ gír bāá kɔ̄ɔ́.

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

EJEKIEL 21:32

Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

EJEKIEL 5:17

M-ā m-ə̄nī ɓō dɔsí tə́ ō, m-ā m̄-ɓōkə́ dā̰ kə́ do̰ gə̄ dɔsí tə́ ō kadə̄ tɔ̄lə̄n̄ ngánsí gə̄. Mo̰y ngāl̄bɔ̄gīí ō, yá̰á̰ kə́ rāā kə dɔ́nɔ́ ō, rɔ̄ɔ̄ ō, a nujən̄ sesí kɔ̄ɔ́. I mā Kɔ́ɔ̄ɓē n m-ɔ̄r̄ najə̄.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

Makətūbə̄ yā Job 40:8

Kə́ rɔ̄kum tə́ ní ī-ndigə tútə sarya yāḿ kɔ̄ɔ́ a? Ī-ndigə kəndā najə̄ dɔḿ tə́ yā kɔjəń na yá̰a̰ rāāí na i gōtə́ a?

IJAI 23:12

Ni-əda na: Sḭḭ̄ de kə́ Sidon gə̄, ā ásiī rāā nāā to̰ alé, ī-toī tītə̄ ngōmandə kə́ deē sāān dɔ gúu tə́ beē. Ká ré sḭḭ̄ āwī ō, ī-gāngī bā bo āwī bátə́ ūgī dor̄ kə́ Sipər tə́ ō gə̄gē anī, nú gə̄gē ní, ā ásiī kɔr̄ koō alé.

EJEKIEL 47:10

Adə̄ ngé ndo̰ kānjə̄ gə̄ a ran̄ dɔ gɔ́sə bā tə́. Əla gír En Gedi bátə́ En Egəlaim tə́ ní, de gə̄ a tḛ́ḛ̄n̄ kem réng gə̄ yā najə. Gír kānjə̄ kə́ tayā gə̄ a i ngá̰ý tītə̄ ngé kə́ kum bā bo tə́ gə̄.