EJEKIEL 26:13 - Bibəl ta Sar̄

¹³ M-ā m̄-dəba tā pā yāí gə̄ kɔ̄ɔ́, adə̄ deē a oō kōō kənde yāí gə̄ to̰ alé.

Bible sar

¹³ M-ā m̄-dəba tā pā yāí gə̄ kɔ̄ɔ́, adə̄ deē a oō kōō kənde yāí gə̄ to̰ alé.

EJEKIEL 26:13 Referans Kwoze

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

IJAI 23:16

Ḭ̄ dəyá̰ ájə́ba ń dɔ de gə̄ malang ndígə̄nal dɔí tə́ ní, ún kənde kógə̄ḿ jīí tə́ ba ī-gīr̄ gidə ɓē! Úgə kənde ādə̄ majə kə gō ń tɔ́gí asəń ní, ə̄nī pā ngá̰ý ādə̄ əgań kem de gə̄ dɔí tə́!

JEREMI 25:10

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, kōō mbal̄ kusə yá̰a̰ ō, hor lámba ō gətóon̄ kɔ̄ɔ́ ɓēé loodə́.

JEREMI 16:9

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé: M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a dəba loo ń toō tə́, ɓāl̄ yāsí tə́ ō, ta kumsí tə́ ō.

IJAI 14:11

Bo yāí risə kə gō ndū kənde yāí gēé aw̄ń ɓádá loo yā de kə́ koy gə̄ tə́. Matəlā yāí i yá̰á̰ kə́ ndum ō, bájo yāí i kəde gə̄ ō.

OJEE 2:11

I tām̄ najə̄ ń toō tə́ n dan yā sāā kōō gémē gə̄ tə́ anī, m-ā m̄-tél yā reē taā gémē yāḿ ní ō, m-ā m̄-tél yā reē taā kasə nduú yāḿ kə́ kijə dan yā mbə́rē kan̄ nduú gə̄ tə́ ní ō. M-ā m̄-taā kūbə̄ bḭḭ̄ batə̄ yāḿ kɔ̄ɔ́ ō, m-ā m̄-taā kūbə̄ lḛ́ḛ yāḿ kɔ̄ɔ́ ō, yá̰a̰ gə̄ ń noō ń majə kadə̄ ni utə̄ń gidə rɔ̄n ní.

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

IJAI 23:7

Ɓē yāsí ń kété rɔ̄nel̄ i ngá̰ý kemeé ní, i ni n toó a? Ɓē kə́ jóó ngá̰ý ń toō ń kété əla de gə̄ loo kə́ sa̰y gə̄ tə́ kadə̄ aw̄ rāān̄ kújə gātə̄ gə̄ ní, i ni n toó a?

IJAI 22:2

Jerusalem, i tām̄ rí tə́ á ḭ̄ i ɓē bo kə́ kōō de gə̄ kə́ kemií tə́ ɓār̄ ngá̰ý beē ō, de kə́ kemií tə́ gə̄ a̰a̰n̄ woy woy beé ō ní? De kə́ koy yāí gə̄ oyn̄ i ta rɔ̄ɔ̄ tə́ alé, i rɔ̄ɔ̄ n tɔ̄l̄də́ alé.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

PĀ GƏ̄ 137:2

Jə-naā kənde yājí gə̄ dɔɔ́ ta jī kāgə̄ gə̄ ń ran̄ ta man̄ tə́ ní.

IJAI 23:12

Ni-əda na: Sḭḭ̄ de kə́ Sidon gə̄, ā ásiī rāā nāā to̰ alé, ī-toī tītə̄ ngōmandə kə́ deē sāān dɔ gúu tə́ beē. Ká ré sḭḭ̄ āwī ō, ī-gāngī bā bo āwī bátə́ ūgī dor̄ kə́ Sipər tə́ ō gə̄gē anī, nú gə̄gē ní, ā ásiī kɔr̄ koō alé.