EJEKIEL 26:10 - Bibəl ta Sar̄

¹⁰ Dan ń nin̄ a a̰ȳn̄ ngɔ̄də̄ anī, sə́nda yādə́ kə́ ngá̰ý gə̄ a rāān̄ kadə̄ bumbə́ru əga nding dɔí tə́. Kōō ngé kal̄ sə́nda gə̄ ō, kōō nja púsə rɔ̄ɔ̄ gə̄ ń a ndūbə̄rūn̄ ní ō, a rāān̄ ndogə̄ mbal̄ yāí gə̄ kadə̄ a ndewn̄. Nin̄ a udən̄ kem ɓēé kə ta róbə yāí gēé, tītə̄ ń deē a udəń kem ɓēé gō tɔ́sə̄ kə́ ni tɔ́sə̄ ndogə̄ mbal̄ kə́ gidə ɓēé mbutə tə́ ní.

Bible sar

¹⁰ Dan ń nin̄ a a̰ȳn̄ ngɔ̄də̄ anī, sə́nda yādə́ kə́ ngá̰ý gə̄ a rāān̄ kadə̄ bumbə́ru əga nding dɔí tə́. Kōō ngé kal̄ sə́nda gə̄ ō, kōō nja púsə rɔ̄ɔ̄ gə̄ ń a ndūbə̄rūn̄ ní ō, a rāān̄ ndogə̄ mbal̄ yāí gə̄ kadə̄ a ndewn̄. Nin̄ a udən̄ kem ɓēé kə ta róbə yāí gēé, tītə̄ ń deē a udəń kem ɓēé gō tɔ́sə̄ kə́ ni tɔ́sə̄ ndogə̄ mbal̄ kə́ gidə ɓēé mbutə tə́ ní.

EJEKIEL 26:10 Referans Kwoze

EJEKIEL 27:28

Dan ń de gə̄ ń ndin̄ kə gō kadə bā boó ní a oōn̄ kōō ngé rāā kəla kem to bo yāí gə̄ tə́ loo gán̄g kɔŕ tə́ anī, ɓōĺ a rāādə́ adə̄ nin̄ a ndewn̄ ngangan.

EJEKIEL 26:15

Yá̰á̰ ń mā Kɔ́ɔ̄ɓē Nə́ɓā m-ə́da ɓē kə́ Tir ní n toó: Kum mbang ń a nujiīń tə́ ní, a tɔ̄lə̄n̄ de gə̄ malang ń ndin̄ kem ndogə̄ mbal̄ yāí tə́ ní ō, de gə̄ ń əngen̄ dɔ ní, a oōn̄ kōōdə́ loo nōō tə́ ō. Kum mbang ngeé ń noō tə́ ní, de gə̄ ń ndin̄ dor̄ kə́ sa̰y gə̄ tə́ ní, ɓōĺ a rāādə́ adə̄ nin̄ a ndewn̄.

JEREMI 47:3

əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

JEREMI 39:3

Tā anī, de kə́ bo gə̄ malang yā mban̄g kə́ Babilon, adə̄ i Nergal Sareser kə́ Simagir ō, Nebu Sarsekim ngol ngé kəla gə̄ kə ndogó mbangāá ō, Nergal Sareser kə́ ngol ngé rɔ̄ɔ̄ gə̄ malang ō, tá de kə́ bo kə́ rang gə̄ malang yā mban̄g ō, ndɔ́tə̄ aw̄ ton̄ ndágə loo kə́ bo kə́ kem ɓēé tə́.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

EJEKIEL 26:9

Nin̄ a mbə́rēn̄ ndogə̄ mbal̄ yāí gə̄ kə yá̰a̰ rɔ̄ɔ̄ yādə́ gēé yā tə́nī. Nin̄ a tɔ́sə̄n̄ kújə yāí kə́ ngāl̄ ɓururu gə̄ kə sáā gində̄ gēé yā tɔ́sə̄ nujəń.