EJEKIEL 24:7 - Bibəl ta Sar̄

⁷ Mósə́ ń Jerusalem ɓōkə́ nang tə́ ní to kem ɓēé ɓáý. Ɓōkə́n̄ mósə́ ní i dɔ mbal̄ kə́ ndágə doy tə́. De kə́ ɓōkə́ mósə́ ní dɔ dā̰ nang tə́ gətóo ō, de kə́ əga nán̄g dɔ tə́ gətóo ō.

Bible sar

⁷ Mósə́ ń Jerusalem ɓōkə́ nang tə́ ní to kem ɓēé ɓáý. Ɓōkə́n̄ mósə́ ní i dɔ mbal̄ kə́ ndágə doy tə́. De kə́ ɓōkə́ mósə́ ní dɔ dā̰ nang tə́ gətóo ō, de kə́ əga nán̄g dɔ tə́ gətóo ō.

EJEKIEL 24:7 Referans Kwoze

LEBI GƏ̄ 17:13

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní aw̄ ndo̰ tə́ ba əhɔ dā̰, aláa əhɔ yel̄ kə́ to kəsa anī, a ənī mósən nang tə́ ba a əga nán̄g dɔ tə́.

NDŪ NAJƏ̄ 12:16

Ɓá tā banī ā ə́saī mósə dā̰ alé. Ā ī-ɓōkíī i nang tə́ tītə̄ man̄.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

Makətūbə̄ yā Job 16:18

Dɔ nang, ɓɔ́ ī-lōō kəga nán̄g kutə̄ń dɔ mósə́ḿ, ādə̄ de gə̄ oōn̄ kɔŕ yāḿ kə̄ loo gə̄ tə́!

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

NDŪ NAJƏ̄ 12:24

Ā ə́saī alé ba ā ī-ɓōkíī i nang tə́ tītə̄ man̄ beé.

EJEKIEL 22:4

De gə̄ malang ń oyn̄ noó najə̄n i dɔí tə́. Ḭ̄ ī-tél ɓē kə́ yḛr sɔɔ̄ń yá̰a̰ gə̄ ń de kə́ ngé ndi kemií tə́ gə̄ a tɔ́sə̄n̄ ní, ḭ̄ ī-ndɔ́tə̄ kə ndɔ̄ koyií ī-reēń ngɔr rɔ̄í tə́ i kə ta kūl̄ yá̰á̰ ń noō. A nujən̄ seí ngɔr. I tām̄ najə̄ ń noō tə́ n m-ə́la rɔ̄sɔl̄ dɔí tə́ ta kum nápar de gə̄ tə́ ní. De gə̄ kə́ kem ɓē gə̄ tə́ malang a mbóōn̄ seí.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

EJEKIEL 23:45

Banī de kə́ dəngam kə́ gōtə́ gə̄ a rāān̄ sarya kə dəyá̰ gə̄ ngeé ń toō, tītə̄ ń a rāānəń sarya kə ngé rāȳ gə̄ ō, kə ngé tɔ̄l̄ de gə̄ ō ní. Tɔdɔ̄ nin̄ rāān̄ rāȳ ō, jīdə́ i mósə ō.