EJEKIEL 24:6 - Bibəl ta Sar̄

⁶ Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

Bible sar

⁶ Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

EJEKIEL 24:6 Referans Kwoze

EJEKIEL 22:2

Ḭ̄ ngōn̄ deē, ā ī-gān̄g sarya dɔ ɓē kə́ Jerusalem tə́ tɔdɔ̄ tɔ̄l̄ naā i ngá̰ý kemeé. Majə kadə̄ ɔ́jən yá̰a̰ rāān kə́ majaĺ ngá̰ý gə̄ ādə̄ ger̄.

NAHUM 3:1

Yá̰á̰ kə́ to kum kaȳ aĺ kə́ ba̰ý beē tām̄ yā Ninibə tə́, Ninibə ń i ɓē ń mósə a̰ȳ kemeé ní! Sor̄ ō, yá̰a̰ rāā kə́ kə dɔ́nɔ́ ō, taān̄ loo kem ɓēé ō, gír kɔy yá̰a̰ yā de gə̄ dɔ gúú tə́ gān̄g aĺ ō!

NAHUM 3:10

Ɓá tā ba əhɔn̄ de kə́ Tebə gə̄ aw̄n̄ sedə́ dɔ ɓē kə́ rang tə́ dɔ gúú tə́, tītə̄ dəngáy gə̄ beé ō. Ngáń kə́ dūú ngá̰ý kə́ kem ɓēé gə̄ gə̄gē ní, madə̄ ba̰ā̰də́ gə̄ réjēn̄də́ dɔ gajə róbə gə̄ tə́ malang. Nin̄ túgə̄n̄ wə̄lā dɔ ngār yān gə̄ tə́ malang ō, tṵ́ṵ̄n̄ de kə́ bo yān gə̄ malang kə súĺ ō.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

ABƏDIAS 1:11

Kum mbang ń madə̄ ba̰ā̰də́ gə̄ ɔȳneé yá̰a̰ yādə́ gə̄ kɔ̄ɔ́ malang ō, dan ń tə̄rā gə̄ reē udən̄neé kem ɓē bo yādə́ tə́ ō ní, sḭḭ̄ ī-raī i kə gōsí. Dan ń de gə̄ ngeé ń noō a túgə̄n̄neé wə̄lā dɔ yá̰a̰ kənge kə́ Jerusalem tə́ ní, sḭḭ̄ ī-rāāī tītə̄ yādə́ ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

JEJU TEĒ KUM JA̰A̰ 18:24

Ngé koō ta gə̄ ō, deē yā Nə́ɓā gə̄ ō, de kə́ dɔ nang tə́ gə̄ malang ń tɔ̄lə̄n̄də́ ō ní, mósə́də́ a̰ȳ nang tə́ i kem ɓē kə́ Babilon tə́.

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

MATIYE 23:35

Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.

JONAS 1:7

Gō tə́ anī, ngé rāā kəla kem to boó gə̄ ədan̄ naā dɔ dáńdə́ tə́ na: Ādə̄ jə-túgī wə̄lā yā gerə̄ń dɔ deē ń reē kə yá̰á̰ kə́ to kum kaȳ aĺ ń toō dɔjí tə́ ní. Nin̄ túgə̄n̄ wə̄lā anī, wə̄lā əhɔ i Jonas.

JOEL 3:3

M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō, Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.

EJEKIEL 24:9

A̰á̰ā̰, mā Kɔ́ɔ̄ɓē Nə́ɓā m-ə́da na: Ɓē ń mósə taā loo kə́ kemeé malang ní na yá̰á̰ kə́ to kum kaȳ aĺ i tām̄ yān tə́, tɔdɔ̄ m-ā m̄-kán̄ kīr̄ kə̄ dɔ naā tə́ yā rāań hor kógə̄ḿ kə́ bo ngá̰ý!

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 11:11

Jerusalem a ngɔ̄m̄sí tītə̄ ń jóo a ngɔ̄məń yá̰á̰ ní alé, sḭḭ̄ i dā̰ kə́ tə́jā ń jóo a ngɔ̄m̄ ní alé. Banī m-ā m̄-gān̄g sarya dɔsí tə́ dɔ nang kə́ Israel tə́.

JEREMI 6:29

Ndúbə ɓār̄ kə̄ dɔɔ́ kə̄ dɔɔ́ ō, hor əsa gində̄ pəlɔm adə̄ gətóo kɔ̄ɔ́ ō. Banī nge nōō yá̰a̰ nōō yá̰á̰ ní i ndāńg karī, yedə̄n teē kɔ̄ɔ́ alé.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

2 SAMUEL 8:2

Ni-tetə Moab gə̄ rɔ̄ɔ̄ ō, laadə́ nang tə́ ba tɔ̄l̄ kə́rēý gə̄ ō, əya̰ kə́rēý gə̄ ō. Ré nin̄ i mətá anī tɔ̄l̄ kə́ jōó gə̄ ba əya̰ kógə̄ḿ. Loo ń noō tə́ Moab gə̄ télən̄ ɓəlo yā Dabid gə̄ ō, nin̄ a tīrə̄n̄ dɔ yá̰a̰ gə̄ a adə̄nən̄ ō.

JOJUE 10:22

Gō tə́ anī Jojue mēr̄ teē ta bəlo mbal̄ ń mban̄g yā Amor kə́ mí gə̄ ton̄ kemeé, ba kadə̄ teēn̄ sedə́ ndága reēn̄ sedə́ rɔ̄n tə́.

2 MBAN̄G 24:3

I Kɔ́ɔ̄ɓē n rāā adə̄ yá̰á̰ kə́ majaĺ gə̄ malang ń noō reēn̄ dɔ ɓē ko̰o̰ kə́ Juda tə́ ní, tām̄ ni gḛy ka̰a̰ ɓē ko̰o̰ kə́ Juda ta kumən tə́ to̰ alé. Tɔdɔ̄ mban̄g Manase rāā majaĺ ngá̰ý,

EJEKIEL 11:3

Nin̄ ədan̄ na: J-a jə-rāāī kújə gə̄ loo ń toō tə́ laā i ngɔr ń toō tə́ aĺ ɓáý. Jerusalem rāā rɔ̄n i jóo ndīr̄ yá̰á̰ tə́, ba jḭḭ̄ i dā̰ kə́ kemeé.

EJEKIEL 22:3

Ā ədan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Jerusalem, de kə́ ngé ndi kemií tə́ gə̄ tɔ̄lə̄n̄ de gə̄ kem ɓēé, ba i tītə̄ ń noō n nin̄ a əndānəń dɔ kum mbang kə́ yā nujəń seí kɔ̄ɔ́ sák sák naā tə́ ní. Nin̄ rāān̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ tām̄ yādə́ tə́ yā rāań kadə̄ ī-tél ɓē kə́ yḛr.

EJEKIEL 24:3

Ī-rāā ngōn̄ yá̰á̰ kógə̄ḿ kə́ sḛ́ý beē ta kum ngán Israel gə̄ tə́. Nin̄ i ɓūtə̄ de kə́ dɔdə́ ngan̄g gə̄. Ā ə́dádə́ na i najə̄ kə́ i mā Kɔ́ɔ̄ɓē Nə́ɓā n m-ɔ̄r̄ sedə́. Ə̄ndā dɔ jóo ndīr̄ yá̰a̰ naā tə́. Ī-ɓōkə́ man̄ kemeé ādə̄ rosə.

NDŪ NAJƏ̄ 23:13

Ā ī-rāā loo kə́rēý gidə gérger tə́ ndágá kadə̄ āw̄ ta wa tə́ tū tə́.

JEREMI 2:22

Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.