EJEKIEL 24:21 - Bibəl ta Sar̄

²¹ ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

Bible sar

²¹ ngán *Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ *táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

EJEKIEL 24:21 Referans Kwoze

EJEKIEL 23:47

Ī-tə́nīdə́ kə mbalá gēé ō, ī-tɔ̄līdə́ kə kaskaraá ō! Ī-tɔ̄lī ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō, ī-tə́laī hor dɔ kújə yādə́ gə̄ tə́ ō!

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

JEREMI 7:14

kújə́ ń rīḿ i dɔ tə́ ō, ī-taāī kemən mámák ō, loo ń m-ādə̄sí ō, m-ādə̄ kaasí gə̄ ō ní, ngɔlaā m-ā m̄-rāań yá̰á̰ ń m̄-rāā kə Silo ní.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

EJEKIEL 24:16

Ḭ̄ ngōn̄ deē, dəyá̰ ń ka̰a̰n nelī ngá̰ý ní, m-ā m̄-taān̄ jīí tə́ kɔ̄ɔ́ i taā kə́ rétə́ ngá̰ý. Ā ī-rāā yon aĺ ō, ā ī-sɔ̄ḿ aĺ ō, ā ī-nōō aĺ ō.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

PĀ GƏ̄ 84:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ Gat. I pā yā ngán yā Kore gə̄.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

EJEKIEL 9:7

Anī Kɔ́ɔ̄ɓē adə̄ ndūn əda na: Ī-rāāī kújə yā Kɔ́ɔ̄ɓē ādī téĺ kə́ yḛr, ādī nīń gə̄ taān̄ loo ndágə loo kə́ gīr̄ gidə kújə yān gə̄ tə́, ba gō tə́ anī ī-teēī ndágá!

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

JEREMI 9:21

Ɔ̄r̄ najə̄ ə́da na, najə̄ ń Kɔ́ɔ̄ɓē əda ní n toó: Nīń de gə̄ tə́sō, tītə̄ yedə̄ yá̰á̰ kə́ seĺ kem ndɔrɔ́ ō, tītə̄ dɔ kōō kə́ teē tə́sō gō nge sāā kōō tə́ ō, ba de kə́ yā kɔy gətóo ō.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

PĀ GƏ̄ 132:8

Kɔ́ɔ̄ɓē, ḭ́ḭ dɔɔ́ ī-reē loo kɔr̄ koō yāí tə́, ḭ̄ ō, sandúkə kə́ táĺ ń tɔ́gə yāí i kemeé ní ō!

PĀ GƏ̄ 105:4

Ī-sāāī Kɔ́ɔ̄ɓē ō, tɔ́gən ō, ī-sāāī kadə̄ ī-ndiī ta kumən tə́ ngándáńg.

PĀ GƏ̄ 96:6

Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ táĺ tə́.

PĀ GƏ̄ 79:1

Pā yā Asap. Nə́ɓā, nápar de gə̄ taān̄ loo dɔ nang yāí tə́. Nin̄ rāān̄ adə̄ kújə́ kə́ táĺ yāí téĺ kújə́ kə́ yḛr ō, nin̄ nujən̄ ɓē kə́ Jerusalem sák sák kɔ̄ɔ́ ō.

PĀ GƏ̄ 74:7

Nin̄ əlan̄ hor dɔ loo kə́ táĺ yāí tə́ tétə̄n̄ kújə ndií nang tə́ kɔ̄ɔ́ ō, rāān̄ adə̄ tél loo kə́ yḛr ō.

LEBI GƏ̄ 26:19

M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō.

EJEKIEL 7:24

M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.

EJEKIEL 24:20

Anī m̄-téĺ m-ə́dádə́ na: Yá̰á̰ Kɔ́ɔ̄ɓē mērə̄m̄ kədasí sḭḭ̄

EJEKIEL 24:22

Loo ń noō tə́ ā ī-r̄āāī yá̰a̰ tītə̄ yā Ejekiel. Adə̄ ā ī-selíī yá̰a̰ ta kumsí tə́ aĺ ō, ā ó̰o̰ī mur̄ yo aĺ ō.

EJEKIEL 24:25

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Loo kə́ táĺ ń i loo ɓɔ̄ɔ̄ rɔ̄ yādə́ ō, i loo kə́ nel̄də́ ka̰a̰ ngá̰ý ō, i loo ń nin̄ a ɔjənə̄ń rɔ̄də́ ō, a əndān̄ kemdə́ dɔ tə́ ō ní, m-ā m̄-taā jīdə́ tə́ kɔ̄ɔ́. Ngáńdə́ kə́ dəngam gə̄ ō kə́ dəyá̰ gə̄ ō ní, m-ā m̄-taādə́ jīdə́ tə́ kɔ̄ɔ́ ō.

EJEKIEL 33:28

M-ā nujə ɓē kɔ̄ɔ́, m̄-rāā kadə̄ ɓē tél dəla loo. Tɔ́gə́ ń rāā adə̄ de kə́ kemeé gə̄ ɔjən̄ rɔ̄də́ ngá̰ý ní a gətóo kɔ̄ɔ́. De gə̄ a əya̰n̄ mbal̄ bo gə̄ kə́ Israel tə́ kɔ̄ɔ́, deē a mān̄ noó to̰ alé.

OJEE 9:16

Əndan̄ Epəraim ndéy jī ngá̰ý. Ngəran gə̄ tutən̄ kɔ̄ɔ́, ni a an̄ to̰ alé. Ká ré dəyá̰ gə̄ aw̄n̄ kə ngán gə̄ ɓáý gə̄gē anī, ngán kemdə́ gə̄ ń gātə̄də́ i ngá̰ý ní, m-ā m̄-rāā kadə̄ oyn̄ kɔ̄ɔ́.

MALASI 2:12

Ré deē kógə̄ḿ rāā yá̰á̰ kə́ tītə̄ ń noō anī, ādə̄ Kɔ́ɔ̄ɓē rāā adə̄ gír kojə yān malang gətóo kɔ̄ɔ́, dan ngán Israel gə̄ tə́! Ādə̄ de kə́ nge kadə̄ Kɔ́ɔ̄ɓē kə́ bo kə́ tɔ́gən i ngá̰ý yá̰a̰ ndējə̄ gə̄ kə rīneé to̰ gətóo!

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

PĀ GƏ̄ 84:3

Kɔ́ɔ̄ɓē, ɓō kaw̄ ndágə loo kə́ gīr̄ gidə kújə yāí tə́ rāām̄ tītə̄ kə́ yā tɔ̄lə̄m̄ kɔ̄ɔ́ beē. Rɔ̄ḿ malang əga kɔŕ kə̄ dɔ Nə́ɓā kə́ ndi kə kumneé tə́.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.