EJEKIEL 24:14 - Bibəl ta Sar̄

¹⁴ I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

Bible sar

¹⁴ I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 24:14 Referans Kwoze

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

EJEKIEL 18:30

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí sḭḭ̄ Israel gə̄ najə̄ ń toō ní: M-ā m̄-rāā sarya sesí kógə̄ḿ kógə̄ḿ i kə gō háĺsí. I beé ní, ī-tūrī háĺsí, ī-tūrī gidəsí kɔ̄ɔ́ ta yá̰a̰ rāāsí kə́ gōtə́ aĺ gə̄ tə́. I tītə̄ ń noō n ā ə̄sōīiń kum majaĺ tə́ to̰ aĺ ní.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

1 SAMUEL 15:29

Kɔ́ɔ̄ɓē ń i tɔ́gə yā ngán Israel gə̄ ní, a sor̄ aĺ ō, a tūr̄ ndūn aĺ ō, tɔdɔ̄ ni i deē á a tūr̄ ndūn alé.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

EJEKIEL 36:19

Mā m̄-rāā adə̄ nin̄ aw̄n̄ kə̄ dan nápar de gə̄ tə́, dɔ nang yā tə̄rā gə̄ tə́. Adə̄ m̄-gān̄g sarya dɔdə́ tə́ sɔɔ̄ń i háĺdə́ ō, yá̰a̰ rāādə́ gə̄ ō.

EJEKIEL 23:29

Nin̄ a rāāīn̄ yá̰á̰ kə́ tōr̄ tām̄ nel̄də́ seí aĺ ngá̰ý. Yá̰a̰ malang ń ḭ̄ ə́nge kə ta kūl̄ kəla rāāí ní, nin̄ a ɓogən̄ kɔ̄ɔ́. Nin̄ a əya̰īn̄ gírí karī. Loo ń noō tə́ de gə̄ malang a gerə̄n̄ hálí kə́ to rɔ̄sɔl̄ ń i hál rāā ájə́ba ní.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 16:43

Əga kemií dɔ yá̰á̰ ń m̄-rāā tām̄ yāí tə́ dan ń ī-na̰yń ngōn̄ ɓáý tə́ ní alé. Adə̄ ī-rāā adə̄ wōn̄g rāām̄ sɔɔ̄ń yá̰a̰ rāāí gə̄. Ń toō ɓáa ta i yāḿ kadə̄ m̄-rāāī kadə̄ ə̄gā kə̄rā yá̰a̰ rāāí gə̄. I mā Kɔ́ɔ̄ɓē Nə́ɓā n m-ə́da najə̄ ń noō ní. Tām̄ hálí ń ī-rāā ní to rɔ̄sɔl̄ ngá̰ý, tá ī-ra dɔ tə́ noō ī-rāā yá̰á̰ kə́ majaĺ ngá̰ý gə̄ ādə̄ nə́ɓā kə́ rɔ̄kum aĺ gə̄.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

JEREMI 4:18

I hálí ō, kəla rāāí gə̄ ō n reēn̄ kə yá̰a̰ gə̄ ń noō kə̄ dɔí tə́ ní I yá̰á̰ ń kem ndul yāí ojə adī ní n noó. I yá̰á̰ kə́ atə̄ rɔ̄kum ba aw̄ bátə́ ɔtə̄ ngarā̰ kemií tə́.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

Makətūbə̄ yā Job 27:22

Urnən̄ kanjə̄ ka̰a̰ kum tō ndoō yān, ba ni-əhɔ rɔ̄n tɔgə yā teē kɔ̄ɔ́ ta jī nge kur gərā tə́.

EJEKIEL 24:15

Kɔ́ɔ̄ɓē ɔr̄ najə̄ seḿ, ədam̄ na:

JAKARI 8:14

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Dan ń kaasí gə̄ rāāmə̄n̄ adə̄ wōn̄g rāām̄ ní, m̄-gḛy rāāsí yá̰á̰ kə́ majaĺ ō, yá̰á̰ ń m̄-gír̄ rāā ní, m̄-lōō gírí aĺ ō.

EJEKIEL 7:3

Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

EJEKIEL 7:8

Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

EJEKIEL 17:24

Loo ń noō tə́ kāgə̄ kə́ kem bembeé gə̄ malang a gerə̄n̄ kadə̄ Kɔ́ɔ̄ɓē i mā. Mā i nge rāā kāgə̄ kə́ ngāl̄ gə̄ tə́lən̄ kə̄ nang tə́ ō, nge rāā kadə̄ kāgə̄ kə́ dūú gə̄ tɔgən̄ ō, nge rāā kadə̄ kāgə̄ kə́ mbōl̄ gə̄ tutən̄ ō, nge rāā kadə̄ kāgə̄ kə́ tutə gə̄ hútə̄n̄ ō. I mā Kɔ́ɔ̄ɓē n m-ɔ̄r̄ najə̄ ō, yá̰á̰ ń m-ə́dá ní m-ā m̄-rāā ō.

EJEKIEL 30:9

Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!