EJEKIEL 24:13 - Bibəl ta Sar̄

¹³ Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

Bible sar

¹³ Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

EJEKIEL 24:13 Referans Kwoze

EJEKIEL 22:24

Ḭ̄ ngōn̄ deē, ə́dá ngán Israel gə̄ na ɓē yādə́ to i tītə̄ dɔ nang kə́ man̄ edə tū tə́ aĺ beē. Ndɔ̄ wōn̄g yāḿ tə́ ní man̄ edə dɔ tə́ alé.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

EJEKIEL 16:42

M-ā m̄-bə̄gā wōn̄g yāḿ kə́ ngá̰ý dɔí tə́ bátə́ ta tɔ̄l̄ ta tə́. Ba dan ń kum rāā jang yāḿ a gətóo anī, m-ā m̄-tél yā ndi jəke gogə́, wōn̄g a rāām̄ to̰ alé.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

EJEKIEL 24:11

Gō tə́ anī, ə̄ndā jóo ndīr̄ yá̰á̰ ń kemən i karī ní, dɔ yā̰l̄ hor gə̄ tə́ ādə̄ təngā ō, ādə̄ gində̄ jóo tawá ní kərē káláńg káláńg ō. Loo ń noō tə́ yá̰á̰ kə́ yḛr kə́ kemeé gə̄ a gətóon̄ kɔ̄ɔ́ ō, hor a o̰o̰ kārā kɔ̄ɔ́ ō.

JEREMI 31:18

M-ōō kōō Epəraim kə́ a nōō rɔ̄n. Ī-rāām̄ ādə̄ dɔḿ tetə, tītə̄ ń a tetən̄neé dɔ duĺ man̄g kə́ dɔ ngan̄g ní. Ī-rāā ādə̄ m̄-tél m̄-reē rɔ̄í tə́ yā kadə̄ m̄-reē rɔ̄í tə́ kə́ rɔ̄kum tə́, tɔdɔ̄ Kɔ́ɔ̄ɓē ḭ̄ i Nə́ɓā yāḿ.

IJAI 22:14

Banī Kɔ́ɔ̄ɓē kə́ bo kə́ tɔ́gən i ngá̰ý ədam̄ najə̄ ń toō adə̄ m-ōō, ni-əda na: m̄-túbə, yá̰á̰ kə́ gōtə́ aĺ ń ī-rāāī toó, a mā̰ȳn̄ rɔ̄də́ dɔ tə́ yā kadə̄sí alé i bátə́ kadə̄ óyiīń. Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n noó.

NŌŌ RƆ̄ 1:9

Tə́ra yḛr ní to tu kūbə̄ kə́ gírən tə́. I yá̰á̰ kə́ ni-əndā kemən dɔ tə́ kadə̄ a rāā yá̰a̰ alé. Ni-əsō i kəsō kə́ to ɓōĺ ngá̰ý, de kə́ a asə sɔl̄ kemən gətóo. Adə̄ əda na: Kɔ́ɔ̄ɓē á̰a̰ rɔ̄sɔl̄ yāḿ, tɔdɔ̄ madə̄ ba̰ā̰ḿ tetəm̄ rɔ̄ɔ̄.

JAKARI 6:8

Loo ń noō tə́ Kɔ́ɔ̄ɓē ɓārə́m̄, ba ədam̄ na: Á̰a̰ā̰: ngé gə̄ ń aw̄n̄ kə̄ dām̄ mbɔ́r ɓē kə́ ko̰ó̰ tə́ ní, a aw̄n̄ yā rāā kadə̄ ndílə́ḿ risə gō nang ngeé ń noō tə́.

LEBI GƏ̄ 13:55

Ré tə́gon̄ yá̰á̰ ní oy anī, nge tun̄ yá̰a̰ a əndā ma̰ȳ. Ré ɓál mə̄rō ní to i kum gotən, aké aw̄ kum kə̄ kété aĺ gə̄gē anī, yá̰á̰ ní i kə́ yḛr. Ká ré i kemən n əɓa mə̄rō, aké i gidən n əɓa mə̄rō gə̄gē anī, ā ə̄nīī yá̰á̰ ní horoó kɔ̄ɔ́ kadə̄ hor o̰o̰.

LEBI GƏ̄ 14:43

Ré ró̰ȳn̄ mbal̄ kə́ nujə gə̄ ní kɔ̄ɔ́ ō, kūsə́n̄ kem kújə́ ní ba ló̰ȳn̄ nán̄g kə́ rang longnə̄ń oy pá tá mə̄rō ní tél teē kemeé ɓáý to̰ anī,

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

NŌŌ RƆ̄ 5:22

Ā ī-mbātə́jí kɔ̄ɔ́ i kə́ njɔ́ḿ gə̄ tə́ a? Wōn̄g rāāī sejí adə̄ al̄ naā!

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.