EJEKIEL 24:12 - Bibəl ta Sar̄

¹² Banī yá̰a̰ malang ń noō rāā yá̰á̰ kógə̄ḿ alé. Kārā malang ń rosə kem ní, aw̄ kum hor tə́ kɔ̄ɔ́ alé.

Bible sar

¹² Banī yá̰a̰ malang ń noō rāā yá̰á̰ kógə̄ḿ alé. Kārā malang ń rosə kem ní, aw̄ kum hor tə́ kɔ̄ɔ́ alé.

EJEKIEL 24:12 Referans Kwoze

JEREMI 9:5

Rāān̄ dɔ́nɔ ba tél rāān̄ ɓáý to̰ ō, gólə̄n̄ loo ba tél gōlə̄n̄ ɓáý to̰ ō. Nin̄ mbātə́n̄ gerə̄m̄ mā Kɔ́ɔ̄ɓē.

HABAKUK 2:13

I tām̄ najə̄ ń noō tə́ n kɔr rāā nápar de gə̄ tām̄ yā hor tə́ ō, de kə́ kem ɓēé gə̄ a̰a̰n̄ tápə̄ kanjə̄ kumən ō ní. Yá̰a̰ gə̄ ń noō malang ḭḭn̄ i rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ aĺ a?

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

EJEKIEL 24:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.

IJAI 47:13

Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

JEREMI 6:29

Ndúbə ɓār̄ kə̄ dɔɔ́ kə̄ dɔɔ́ ō, hor əsa gində̄ pəlɔm adə̄ gətóo kɔ̄ɔ́ ō. Banī nge nōō yá̰a̰ nōō yá̰á̰ ní i ndāńg karī, yedə̄n teē kɔ̄ɔ́ alé.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?