EJEKIEL 23:8 - Bibəl ta Sar̄

⁸ Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

Bible sar

⁸ Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

EJEKIEL 23:8 Referans Kwoze

EJEKIEL 23:19

Ni-rāā ájə́ba i kum kə̄ kété kété, tītə̄ ń rāań kem ɓē kə́ Ejiptə tə́ dan mandən tə́ ní.

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

Teē Ngán Israel gə̄ 32:4

Aaro̰ taā nō horoó rāā ngōn̄ man̄g tə́. Anī ngán Israel gə̄ ədan̄ na: Á̰a̰ī nə́ɓā yājí ń teē sejí kem ɓē kə́ Ejiptə tə́ kɔ̄ɔ́ ní n toó.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

2 MBAN̄G 10:29

Ɓá tā ba ni un rɔ̄n kɔ̄ɔ́ gō yá̰á̰ kə́ majaĺ gə̄ ń Jeroboam ngōn̄ Nebat rāā á sə̄lā Israel gə̄ adə̄ rāān̄ ní tə́ alé. Yá̰á̰ kə́ majaĺ gə̄ ní i man̄g lɔ́r gə̄ ń ran̄ Betel ō, Dan ō ní.

1 MBAN̄G GƏ̄ 12:28

Gír̄ kógə̄ḿ reē dɔ mban̄g Jeroboam tə́, adə̄ ni mēr̄ rāā duĺ man̄g lɔ́r gə̄ jōó, ba əda de gə̄ na: Israel gə̄, ngándáńg ā āwī i Jerusalem, ba ngɔlaā ní asə tā. Nə́ɓā ń teē sesí kɔ̄ɔ́ kem ɓē kə́ Ejiptə tə́ ní ni n toó.

EJEKIEL 23:21

Oholiba, ḭ̄ ī-téĺ úń gíŕ ájə́ba yāí tītə̄ kə́ kété dan mandií tə́: Dan ngeé ń noō tə́ ní, ḭ̄ ə́ya̰ de kə́ Ejiptə gə̄ adə̄ kógə̄n̄ naā kə mbaaí ō, wār̄yān̄ kadií ń i kadə ngōmandə ní ō.

JEJU TEĒ KUM JA̰A̰ 11:8

Ba nīńdə́ a to ndágə loo kə́ kem ɓē bo ń unən̄ gidə rī kə̄ gogə́ əndān̄ dɔ tə́ na i Sodom ō Ejiptə ō ní tə́. Əndan̄ Kɔ́ɔ̄ɓē yādə́ kə mayá̰ tū kāgə̄ kə́ dēsə́ tə́ i loo ngeé ń noō tə́.

EJEKIEL 20:7

M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

EJEKIEL 23:34

Ḭ̄ ā ā̰ȳ yá̰á̰ kə́ kem bay ní bátə́ kadə̄ təgā ō, ā ī-tɔ̄ɔ̄ bay ní kə gɔgií ō, gájən gə̄ ɓáa ā ī-já̰a̰ń dɔ mbaaí gə̄ ō. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.