EJEKIEL 23:5 - Bibəl ta Sar̄

⁵ Banī Ohola rāā ájə́ba, tá ni i yāḿ mā. Madə̄ ɓēn gə̄ ń i de kə́ Asiri gə̄ ní, ni gḛydə́ ngá̰ý ō, rāādə́ i ngé sāān gə̄ tə́ ō.

Bible sar

⁵ Banī Ohola rāā ájə́ba, tá ni i yāḿ mā. Madə̄ ɓēn gə̄ ń i de kə́ Asiri gə̄ ní, ni gḛydə́ ngá̰ý ō, rāādə́ i ngé sāān gə̄ tə́ ō.

EJEKIEL 23:5 Referans Kwoze

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

2 MBAN̄G 17:3

Salmanasar, mban̄g kə́ Asiri, reē rɔ̄ɔ̄ Ose. Anī Ose əla dɔn gíŕ tɔ́gən tə́ ō, tīr̄ yá̰a̰ adə̄n ō.

2 MBAN̄G 16:7

Akaj əla əda Tigəlatə Pileser mban̄g kə́ Asiri na: Mā i nge kəla yāí ō, ngōnīí ō. Ī-reē ī-taām̄ jī mban̄g kə́ Aram tə́ ō, mban̄g kə́ Israel tə́ ō, tɔdɔ̄ nin̄ ḭḭn̄ seḿ kə rɔ̄ɔ́.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

EJEKIEL 16:28

Ájə́ba ń ī-rāā kété ní tɔ̄l̄ ɓōí alé, adə̄ ī-rāā ájə́ba kə de kə́ Asiri gə̄ ɓáý. Nge ń noō gə̄gē ní asiī aĺ ɓáý.

JEREMI 50:38

Ādī kaskar ɔdə kum man̄ yān gə̄ adə̄ iīn̄ kɔ̄ɔ́. Babilon i ɓē yā ɓesə̄ kə́ tɔ́sə̄ gə̄. I yá̰á̰ kə́ to yḛr kum gə̄ kə́ rāān̄ ngé rāā ɓesə̄ gə̄ ní adə̄ ɔrə̄n̄ najə̄ mbitə mbitə.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

EJEKIEL 23:20

Nú ní, ni gḛy dəngam gə̄ kə́ ngé sāā dəyá̰ loo kaya tə́ gə̄ ngá̰ý. Sāā dəyá̰ yādə́ i tītə̄ yā dā̰ gə̄ beé. Nin̄ əhɔn̄ rɔ̄də́ loo sāā naā tə́ alé tītə̄ yā kərō gə̄, aláa tītə̄ yā sə́nda gə̄ beé.

EJEKIEL 23:16

Dan ń ni a̰a̰də́ anī, ni gḛydə́ kə̄ ta jī tə́ noō ngá̰ý, adə̄ ni-əla de gə̄ dɔ nang yādə́ tə́.

EJEKIEL 23:12

Ni gḛy Asiri gə̄ ń i madə̄ ɓē gə̄ ní ngá̰ý. Nin̄ i ngé ko̰o̰ ɓē gə̄ ō, ngé gān̄g sarya gə̄ ō, kə́ kūbə̄ ko̰ō̰də́ gə̄ i kūbə̄ kə́ majə ngá̰ý gə̄. Nin̄ gerə̄n̄ kal̄ sə́nda ngá̰ý ō, nin̄ malang i ngásáā gə̄ ō, majən̄ deē ngá̰ý ō.

EJEKIEL 23:9

I tām̄ najə̄ ń noō tə́ n m-ə́lan kem jī ngé sāān gə̄ tə́ ní, adə̄ i jī Asiri gə̄ ń ni gḛydə́ ngá̰ý ní tə́.

EJEKIEL 23:7

Ohola rāā ájə́ba kə Asiri gə̄ kə́ ngé rāā kəla kə́ bo gə̄ ń noō malang. Kə dɔ gḛy ń ni a gḛy deē kógə̄ḿ ngá̰ý dan dəngam gə̄ ń noō tə́ malang noó, ni rɔȳ nə́ɓā yādə́ kə́ rɔ̄kum aĺ gə̄ téləń de kə́ yḛr.

EJEKIEL 16:37

Tām̄ najə̄ ń toō tə́ ní, ngé sāāí gə̄ malang ń nel̄də́ seí adə̄ i ngé gə̄ ń nelī sedə́ ō, ngé gə̄ ń nelī sedə́ aĺ ō ní, m-ā m-ɔ́sə dɔdə́ naā tə́ malang. M-ā m-ɔ́ýdə́ kə̄ loo gə̄ tə́ malang yā reē sedə́, ba m-ā m-ɔ̄r̄ kūbə̄ rɔ̄í tə́ ta kumdə́ tə́, kadə̄ nin̄ a a̰a̰n̄ rɔ̄í kə́ karī.

1 MBAN̄G GƏ̄ 21:26

Ni-rāā yá̰á̰ kə́ majaĺ ngá̰ý tɔdɔ̄ ni rāā ɓesə̄ gə̄ tītə̄ yā Amor gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní.

1 MBAN̄G GƏ̄ 15:30

Yá̰a̰ gə̄ ń noō malang rāān̄ yá̰a̰ i tɔdɔ̄ Jeroboam rāā yá̰á̰ kə́ majaĺ ō, ni sə̄lā ngán Israel gə̄ adə̄ rāān̄ yá̰á̰ kə́ majaĺ ō. Yá̰a̰ gə̄ ń ni-rāā ní adə̄ Kɔ́ɔ̄ɓē Nə́ɓā yā Israel gə̄ wōn̄g ngá̰ý.

1 MBAN̄G GƏ̄ 15:26

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ni ndájə̄ kəla rāā bɔbə̄n ō, yá̰á̰ kə́ majaĺ ń bɔbə̄n rāā ba sə̄lā Israel gə̄ kadə̄ rāān̄ ní ō.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

1 MBAN̄G GƏ̄ 14:9

Ḭ̄ ī-rāā yá̰á̰ kə́ majaĺ tɔȳ de gə̄ malang ń reēn̄ kété noí tə́ ní. Ḭ̄ ə́ya̰m̄ kɔ̄ɔ́ ba ī-rāā nə́ɓā kə́ rang gə̄ tām̄ yāí tə́, ī-nō nə̄ngá kasə horoó ī-rāā yá̰á̰ kə́rēý kə́ ɔsə kum gotə yá̰a̰ gə̄ ń a ndɔ̄ȳn̄ tə́ ní ī-rāań adə̄ wōn̄g rāām̄.

EJEKIEL 23:4

Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.