EJEKIEL 23:4 - Bibəl ta Sar̄

⁴ Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

Bible sar

⁴ Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

EJEKIEL 23:4 Referans Kwoze

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

Makətūbə̄ ń Pol ndang adə̄ Rom gə̄ ní 7:4

Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.

JA̰A̰ 4:22

Sḭḭ̄ ī-rɔyī Nə́ɓā i kanjə̄ gerə̄n, ba jḭḭ jə-rɔȳn ō, jə-gerə̄n ō. Tɔdɔ̄ de gə̄ a ajən̄ i kə ta kūl̄ Jipə gə̄.

EJEKIEL 16:40

Gō tə́ anī nin̄ a sə̄lān̄ kósə de gə̄ dɔí tə́ ō, a tə́nīīn̄ kə mbalá yā tə́nī tɔ̄lī ō, a tə́gāīn̄ kə kaskaraá yā tə́gā gángī naā tə́ ō,

EJEKIEL 16:20

Ngání kə́ dəngam gə̄ ō, kə́ dəyá̰ gə̄ ō ń ójə ādə̄m̄ ní, ḭ̄ ī-tɔ̄l̄də́ ba ī-tun̄ ādə̄ nə́ɓā kə́ rɔ̄kum aĺ gə̄ ngeé ń noō kadə̄ i yá̰a̰ kəsa yādə́ tə́. Ájə́ba ń ī-rāā asiī aĺ i mbéé ɓáý a?

PĀ GƏ̄ 76:2

Nə́ɓā rāā adə̄ ger̄nən̄ dɔ nang kə́ Juda tə́, rīn ɓār̄ ngá̰ý dɔ nang kə́ Israel tə́.

1 MBAN̄G GƏ̄ 12:20

Dan ń Israel gə̄ malang oōn̄ kadə̄ Jeroboam na tél anī, əlan̄ gōn tə́ adə̄ reē loo kán̄ naā tə́ ba əndānən̄ mban̄g kə́ Israel tə́. I gír ɓē yā Juda ngóy kə kérneé n əhɔ gō de gə̄ kə́ gír kojə yā Dabid tə́ ní.

1 MBAN̄G GƏ̄ 8:29

Á̰á̰ kújə́ ń toō kə kumií kə́ majaá ndɔ̄ɔ́ ō, kadaá ō. Ādə̄ kumií i kə̄ dɔ loo ń ə́da na rīí na a ɓār̄ dɔ tə́ ní tə́. Ōō ndɔ̄ȳ ń nge kəla yāí a ndɔ̄yī loo ń toō tə́ laā ní.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

EJEKIEL 23:5

Banī Ohola rāā ájə́ba, tá ni i yāḿ mā. Madə̄ ɓēn gə̄ ń i de kə́ Asiri gə̄ ní, ni gḛydə́ ngá̰ý ō, rāādə́ i ngé sāān gə̄ tə́ ō.

EJEKIEL 23:36

Kɔ́ɔ̄ɓē ədam̄ na: Ḭ̄ ngōn̄ deē, ā ī-gān̄g sarya dɔ Ohola tə́ ō, dɔ Oholiba tə́ ō. Yá̰á̰ kə́ majaĺ ngá̰ý gə̄ malang ń nin̄ rāān̄ ní, ī-teēń kə̄ ndágá ī-ɓōkə́ ta kumdə́ tə́ ādə̄ a̰ā̰n̄.

EJEKIEL 23:44

Dəngam gə̄ aw̄n̄ kə̄ rɔ̄n tə́! Ohola nin̄ kə Oholiba ń i dəyá̰ gə̄ kə́ i náā gə̄gē anī a ɓīī seneé ní, dəngam gə̄ aw̄n̄ ɓēé loodə́ tītə̄ loo kaw̄ ɓē dəyá̰ ájə́ba gēé beē!

OJEE 1:3

Loo ń noō tə́ Ojee aw̄ taā Gomer kə́ ngōn̄ Dibəlaim. Dəyá̰ ní ojə ngōn̄ kə́ dəngam kógə̄ḿ adə̄n.

OJEE 2:7

Tɔdɔ̄ kó̰ó̰də́ i dəyá̰ kə́ nge rāā ájə́ba, dəyá̰ ń ojədə́ ní rāā adə̄ rɔ̄sɔl̄ utə̄ gidə rɔ̄n malang kɔ̄ɔ́. A̰á̰ā̰, ni-əda na m-ā m-ún gō ngé sāāḿ gə̄ ń nin̄ i ngé kadə̄m̄ yá̰a̰ kəsaḿ ō, man̄ ka̰yḿ ō, kūbə̄ bḭḭ̄ batə̄ ō, kūbə̄ lḛ́ḛ ō, yibə̄ ō yá̰a̰ ka̰ȳ gə̄ ō ní.

JEREMI 3:7

M-ə́da kə̄ kemḿ tə́ na: Rāā yá̰a̰ gə̄ ń noō malang gír gān̄g anī a tél yā reē. Ba ni-tél reē alé. Juda kə́ sew aĺ ń i ngōkó̰o̰n kə́ dəyá̰ ní a̰a̰ yá̰á̰ ní ō,