EJEKIEL 23:3 - Bibəl ta Sar̄

³ Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

Bible sar

³ Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

EJEKIEL 23:3 Referans Kwoze

LEBI GƏ̄ 17:7

I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.

EJEKIEL 16:22

Dan ń ā ī-rāań yá̰a̰ malang kə́ majaĺ ngá̰ý gə̄ ń noō tə́ ní ō, ā ī-rāań ájə́ba tə́ ō ní, əga kemií dɔ ndɔ̄ gə̄ ń ḭ̄ i ngōn̄ dūú tə́ ní alé. Dɔí ndígə̄nal dɔ ndɔ̄ gə̄ ń rɔ̄í i karī tə́ ní ō, dɔ ndɔ̄ gə̄ ń ī-toń kum mosí tə́ ní ō.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

EJEKIEL 23:21

Oholiba, ḭ̄ ī-téĺ úń gíŕ ájə́ba yāí tītə̄ kə́ kété dan mandií tə́: Dan ngeé ń noō tə́ ní, ḭ̄ ə́ya̰ de kə́ Ejiptə gə̄ adə̄ kógə̄n̄ naā kə mbaaí ō, wār̄yān̄ kadií ń i kadə ngōmandə ní ō.

EJEKIEL 23:19

Ni-rāā ájə́ba i kum kə̄ kété kété, tītə̄ ń rāań kem ɓē kə́ Ejiptə tə́ dan mandən tə́ ní.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

NDŪ NAJƏ̄ 29:16

Yá̰á̰ kə́ to yḛr kum gə̄ ō, ɓesə̄ kāgə̄ gə̄ ō, ɓesə̄ mbal̄ gə̄ ō, ɓesə̄ kə́ rāā kə gində̄ arjā̰a̰á̰ gə̄ ō, kə gində̄ lɔ́rɔ́ gə̄ ō ń nin̄ aw̄n̄neé ɓē yādə́ tə́ ní sḭḭ̄ á̰a̰ī.

JEJU TEĒ KUM JA̰A̰ 11:8

Ba nīńdə́ a to ndágə loo kə́ kem ɓē bo ń unən̄ gidə rī kə̄ gogə́ əndān̄ dɔ tə́ na i Sodom ō Ejiptə ō ní tə́. Əndan̄ Kɔ́ɔ̄ɓē yādə́ kə mayá̰ tū kāgə̄ kə́ dēsə́ tə́ i loo ngeé ń noō tə́.

EJEKIEL 23:4

Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

EJEKIEL 23:43

Loo ń noō tə́ m̄-gíŕ yá̰á̰ m-ə́da na: Nge ń hál rāāī yān taā tɔ́gən tɔȳ yā madə̄n gə̄ ní gə̄gē, un rɔ̄n rāań ájə́ba ɓáý to̰!

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

EJEKIEL 16:15

Banī ḭ̄ ə̄ndā kemií dɔ majií tə́ ō, ī-rāā ájə́ba tām̄ rīí kə́ ɓār̄ ngá̰ý tə́ ō. De kə́ dəngam gə̄ malang ń a mānə̄n̄ róbó noō ḭ̄ ī-ɓīī sedə́. Ḭ̄ ī-tél i yá̰a̰ yādə́.

EJEKIEL 20:7

M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

EJEKIEL 23:34

Ḭ̄ ā ā̰ȳ yá̰á̰ kə́ kem bay ní bátə́ kadə̄ təgā ō, ā ī-tɔ̄ɔ̄ bay ní kə gɔgií ō, gájən gə̄ ɓáa ā ī-já̰a̰ń dɔ mbaaí gə̄ ō. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.