EJEKIEL 23:25 - Bibəl ta Sar̄

²⁵ Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

Bible sar

²⁵ Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

EJEKIEL 23:25 Referans Kwoze

EJEKIEL 23:47

Ī-tə́nīdə́ kə mbalá gēé ō, ī-tɔ̄līdə́ kə kaskaraá ō! Ī-tɔ̄lī ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō, ī-tə́laī hor dɔ kújə yādə́ gə̄ tə́ ō!

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

PĀ KƏ́ MAJƏ 8:6

Ə̄ndām̄ dan wurií tə́ ō, dɔ jīí tə́ ō tītə̄ tambō̰o̰ beé. Tɔdɔ̄ tár i yá̰á̰ kə́ a ɔsə kə deé kə ngangá ngá̰ý tītə̄ yo ō, nii i yá̰á̰ kə́ a rāā háĺ kə́ ngan̄g ngá̰ý kə deé tītə̄ loo kə́ ɓádá beē ō. Nii i ta ndo̰ hor kə́ təngā ō, a ndang deē tītə̄ man̄ beé ō.

Gōsə̄ najə̄ gə̄ 6:34

Tɔdɔ̄ jang i yá̰á̰ kə́ a rāā ngaa dəyá̰ kə wōngōó ngá̰ý adə̄ ndɔ̄ dal ba̰ā̰ tə́ anī kumən a o̰o̰n alé.

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

EJEKIEL 23:29

Nin̄ a rāāīn̄ yá̰á̰ kə́ tōr̄ tām̄ nel̄də́ seí aĺ ngá̰ý. Yá̰a̰ malang ń ḭ̄ ə́nge kə ta kūl̄ kəla rāāí ní, nin̄ a ɓogən̄ kɔ̄ɔ́. Nin̄ a əya̰īn̄ gírí karī. Loo ń noō tə́ de gə̄ malang a gerə̄n̄ hálí kə́ to rɔ̄sɔl̄ ń i hál rāā ájə́ba ní.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.