EJEKIEL 23:19 - Bibəl ta Sar̄

¹⁹ Ni-rāā ájə́ba i kum kə̄ kété kété, tītə̄ ń rāań kem ɓē kə́ Ejiptə tə́ dan mandən tə́ ní.

Bible sar

¹⁹ Ni-rāā ájə́ba i kum kə̄ kété kété, tītə̄ ń rāań kem ɓē kə́ Ejiptə tə́ dan mandən tə́ ní.

EJEKIEL 23:19 Referans Kwoze

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

AMOS 4:4

Sḭḭ̄ Israel gə̄, ī-na̰yiī kə̄ loo mbātə́ najə̄ gōḿ tə́ tə́ kə̄ nosí tə́, tɔdɔ̄ āwī kújə ɓesə̄ kə́ Betel tə́ ō, ī-mbātíī najə̄ gōḿ tə́ ɓáý to̰ kə̄ nosí tə́, tɔdɔ̄ āwī Gilgal ō. I tītə̄ ń noō n ā ī-mānīiń dɔ ndūḿ kum kə̄ kété ɓáý to̰ ní! Teē gidə gō ndɔ̄ ń sḭḭ̄ ūgīiń tə́ ní, ī-ndējī yá̰a̰ tun̄ yāsí gə̄ ō, kə ndɔ̄ kə́ nge ko̰ mətá anī, ī-ndējī kadə̄ karī yāsí gə̄ ō.

EJEKIEL 23:21

Oholiba, ḭ̄ ī-téĺ úń gíŕ ájə́ba yāí tītə̄ kə́ kété dan mandií tə́: Dan ngeé ń noō tə́ ní, ḭ̄ ə́ya̰ de kə́ Ejiptə gə̄ adə̄ kógə̄n̄ naā kə mbaaí ō, wār̄yān̄ kadií ń i kadə ngōmandə ní ō.

EJEKIEL 23:14

Banī ájə́ba yā Oholiba mān̄ yā ngōkó̰o̰n kə́ dəyá̰. Ndɔ̄ kógə̄ḿ tə́ a̰a̰ de kə́ dəngam gə̄ kə́ rāān̄də́ kadə ndogə̄ mbal̄ tə́ ō, rāān̄ man̄ yá̰á̰ kə́ kərē rɔ̄də́ tə́ ō. De gə̄ ní i kum gotə de kə́ Babilon gə̄.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

EJEKIEL 20:7

M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

EJEKIEL 16:51

Yā Samari tā anī, majaĺ ń ḭ̄ ī-rāā ní, núsən gə̄gē ni-rāā alé. Ḭ̄ Jerusalem ī-rāā yá̰á̰ kə́ majaĺ ngá̰ý gə̄ tɔȳn. Sodom ō Samari ō ń nin̄ i ngákó̰ó̰í kə́ dəyá̰ gə̄ ní, ré deē əndādə́ kadií tə́ anī, ton̄ tītə̄ kə́ nin̄ rāān̄ yá̰á̰ kógə̄ḿ kə́ majaĺ aĺ beē.

EJEKIEL 16:29

Ḭ̄ ī-na̰y kə̄ loo rāā ájə́ba tə́ kem ɓē yā ngé rāā gātə̄ gə̄ tə́, adə̄ i kem ɓē yā Babilon gə̄ tə́, kanjə̄ kadə̄ tɔ̄l̄ ɓōí.

EJEKIEL 16:25

Ḭ̄ rāā loo kə́ kḭḭ kə̄ dɔɔ́ tām̄ yāí tə́ kə̄ ta gajə róbə gə̄ tə́ malang. Ḭ̄ ún majə yā rɔ̄í ī-rāāń yá̰á̰ kə́ majaĺ ngá̰ý gə̄ loo ngeé gə̄ ń noō tə́. Ngé mān̄ róbə gə̄ malang ń noō ḭ̄ ādə̄də́ rɔ̄í ō, ḭ̄ ā ī-rāā ájə́ba kum kə̄ kété kété ō.

EJEKIEL 16:22

Dan ń ā ī-rāań yá̰a̰ malang kə́ majaĺ ngá̰ý gə̄ ń noō tə́ ní ō, ā ī-rāań ájə́ba tə́ ō ní, əga kemií dɔ ndɔ̄ gə̄ ń ḭ̄ i ngōn̄ dūú tə́ ní alé. Dɔí ndígə̄nal dɔ ndɔ̄ gə̄ ń rɔ̄í i karī tə́ ní ō, dɔ ndɔ̄ gə̄ ń ī-toń kum mosí tə́ ní ō.

TA KƏLA 38:24

Asə nāā mətá gō tə́ anī, deē kógə̄ḿ reē əda Juda na umən Tamar na rāā rāȳ adə̄ na ndān̄ ngōn̄ loo rāȳ tə́. Anī Juda əda na kə teēn̄ seneé ndágá kə róōnən̄ kɔ̄ɔ́.

EJEKIEL 23:18

Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

EJEKIEL 23:20

Nú ní, ni gḛy dəngam gə̄ kə́ ngé sāā dəyá̰ loo kaya tə́ gə̄ ngá̰ý. Sāā dəyá̰ yādə́ i tītə̄ yā dā̰ gə̄ beé. Nin̄ əhɔn̄ rɔ̄də́ loo sāā naā tə́ alé tītə̄ yā kərō gə̄, aláa tītə̄ yā sə́nda gə̄ beé.