EJEKIEL 23:18 - Bibəl ta Sar̄

¹⁸ Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

Bible sar

¹⁸ Ni-rāā ájə́ba i ta kum de gə̄ tə́ malang, rāā adə̄ de gə̄ a̰ā̰n̄ rɔ̄n kə́ karī. Loo ń noō tə́ nelə̄m̄ seneé aĺ ngá̰ý, tītə̄ ń nel̄məń kə ngōkó̰o̰n kə́ dəyá̰ aĺ ngá̰ý ní.

EJEKIEL 23:18 Referans Kwoze

JEREMI 12:8

Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

PĀ GƏ̄ 106:40

Wōn̄g rāā Kɔ́ɔ̄ɓē ngá̰ý dɔ gír deē yān gə̄ tə́. Ngé gə̄ ń i yá̰a̰ halan gə̄ ní ni kidə̄də́ kɔ̄ɔ́,

PĀ GƏ̄ 78:59

Dan ń Nə́ɓā a̰a̰ yá̰á̰ ní anī, wōn̄g rāān ngá̰ý, adə̄ əya̰ Israel gə̄ kɔ̄ɔ́.

EJEKIEL 21:24

Ḭ̄ ngōn̄ deē, ī-njar róbə jōó ādə̄ mban̄g kə́ Babilon reēń kə kaskar yānneé. Majə kadə̄ róbə́ kə́ jōó gə̄ ní əlan̄ gír i kem ɓē kə́ kógə̄ḿ beē tə́. Ba ī-ndang rī ɓē gə̄ ń deē un róbə gə̄ ní anī a ugə̄ tū tə́ ní tū yá̰á̰ tə́ ba ī-tə́ndā ta róbə gə̄ ní tə́.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

EJEKIEL 16:36

Yá̰á̰ ń mā Kɔ́ɔ̄ɓē Nə́ɓā m-āwń yā kədaī ní n toó: Ḭ̄ ɔ̄r̄ yá̰a̰ rɔ̄í tə́ adə̄ gírí i karī ō, ī-rāā adə̄ de gə̄ a̰a̰n̄ gotə rɔ̄í gə̄ malang ō, dan ń ā ī-rāań ájə́ba kə ngé sāāí gēé ní ō, dan ń ā ī-rāań ájə́ba kə ɓesə̄ yāí kə́ majən̄ aĺ ngá̰ý gə̄ ní ō. Ḭ̄ āw̄ bátə́ ī-ɓōkə́ mósə́ ngání gə̄ nang tə́ ī-ndə̄jə̄ ɓesə̄ yāí gə̄ ní.

NŌŌ RƆ̄ 2:7

Kɔ́ɔ̄ɓē mbātə́ loo tun̄ yá̰a̰ yān ō, kídə̄ loo kə́ táĺ yān ō. Ni-əla ndogə̄ mbal̄ gə̄ kə́ gidə kújə́ kə́ majə ngá̰ý gə̄ kə́ Siyo̰ tə́ kem jī madə̄ ba̰ā̰n tə́. Ndū de gə̄ ɓār̄ ngá̰ý kem kújə yā Kɔ́ɔ̄ɓē tə́, tītə̄ kə́ ndɔ̄ rāā nāā tə́ beē.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

NDŪ NAJƏ̄ 32:19

Dan ń Kɔ́ɔ̄ɓē a̰a̰ yá̰á̰ ń ngán Israel gə̄ rāān̄ ní anī, ni kídə̄də́. Ngánən kə́ dəngam gə̄ ō, kə́ dəyá̰ gə̄ ō, rāān̄ yá̰a̰ adə̄ wōn̄g rāān sedə́ ngá̰ý.

IJAI 57:8

Ḭ̄ ī-do̰ō̰ kəga yāí gidə kāgə̄ ta róbə́ kújə́ tə́. Ḭ̄ ī-ɓɔ̄ɔ̄ rɔ̄í kadə̄ m-á̰a̰ī aĺ ō, ɔ̄r̄ kūbə̄ kə́ rɔ̄í tə́ kɔ̄ɔ́ ō, ba āl̄ dɔ tə̄rá yāí kə́ bo ngá̰ý tə́. Ḭ̄ ōōī naā kə kābāí gēé, i koō naā kə́ kadə̄ rāā majə seí ḭ̄ḭ́, nelī to sedə́ ō, ka̰a̰ yá̰á̰ ní ō.

EJEKIEL 23:9

I tām̄ najə̄ ń noō tə́ n m-ə́lan kem jī ngé sāān gə̄ tə́ ní, adə̄ i jī Asiri gə̄ ń ni gḛydə́ ngá̰ý ní tə́.

EJEKIEL 23:10

Nin̄ ɔrə̄n̄ kūbə̄ rɔ̄n tə́ kɔ̄ɔ́ malang ba tɔ̄l̄nən̄ kə kaskaraá ō, ɔyn̄ ngánən kə́ dəngam gə̄ ō, ngánən kə́ dəyá̰ gə̄ ō. Ni-ənge ndéy tām̄ yá̰a̰ rāān kə́ gōtə́ aĺ tə́ i tītə̄ ń noō. Adə̄ Ohola i yá̰a̰ kɔjə̄ tām̄ yā gotə dəyá̰ kə́ rang gə̄ tə́.

EJEKIEL 23:19

Ni-rāā ájə́ba i kum kə̄ kété kété, tītə̄ ń rāań kem ɓē kə́ Ejiptə tə́ dan mandən tə́ ní.