Biblia Todo Logo
Bib sou entènèt

- Piblisite -




EJEKIEL 23:16 - Bibəl ta Sar̄

16 Dan ń ni a̰a̰də́ anī, ni gḛydə́ kə̄ ta jī tə́ noō ngá̰ý, adə̄ ni-əla de gə̄ dɔ nang yādə́ tə́.

Gade chapit la Kopi

Bible sar

16 Dan ń ni a̰a̰də́ anī, ni gḛydə́ kə̄ ta jī tə́ noō ngá̰ý, adə̄ ni-əla de gə̄ dɔ nang yādə́ tə́.

Gade chapit la Kopi




EJEKIEL 23:16
17 Referans Kwoze  

Ḭ̄ ī-na̰y kə̄ loo rāā ájə́ba tə́ kem ɓē yā ngé rāā gātə̄ gə̄ tə́, adə̄ i kem ɓē yā Babilon gə̄ tə́, kanjə̄ kadə̄ tɔ̄l̄ ɓōí.


Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.


Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!


Yá̰á̰ súū rɔ̄ gə̄ kə́ rāān̄də́ kə lɔ́rɔ́ ō, kə gində̄ arjā̰a̰á̰ ō ń m-ādī ní, ḭ̄ ɔ́ýdə́ ī-rāādə́ ɓesə̄ kə́ dəngam gə̄ tə́, ba gōtə́ anī, ī-rāā ájə́ba sedə́.


Ā á̰á̰ yá̰á̰ kə́ yáā gə̄ ō, gír̄ kə̄ kemií tə́ gə̄ a rāānī kadə̄ ā ɔr̄ najə̄ kə́ a̰a̰ gō naā aĺ ō.


Ī-ndə̄ngā mandən kemií tə́ alé, ādə̄ dɔ kumən kə́ mɔlyɔ̄ gólī alé.


Ún kumḿ kɔ̄ɔ́ ta yá̰á̰ gól̄ tə́ ō, ɔ́jəm̄ ta róbə yāí tá kadə̄ m̄-ndi kə kumḿ gogə́ ō.


J-oō naā jḭḭ kə kumḿ, kadə̄ m-ə̄ndā kumḿ dɔ ngōmandə kə́ ger̄ dəngam aĺ tə́.


I ɓāl̄ ko̰o̰ ɓē yān tə́ n Nabukodonosor, mban̄g kə́ Babilon ḭḭń dɔɔ́ yā rɔ̄ɔ̄ de gə̄ ní. Joakim əla dɔn gír tɔ́gə yān tə́ ɓāl̄ mətá, banī gō tə́ anī mbātə́ kɔ̄ɔ́.


Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.


Gō yá̰a̰ gə̄ ń toō tə́ nə̄yá̰ Potipar əndā kumən rɔ̄ Jəjep tə́, adə̄ ədan na kə to seneé.


ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.


Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.


Ḭ̄ āw̄ rɔ̄ mban̄g kə́ bo tə́ kə yibīí ō, kə ítirií ō, ḭ̄ ə́la de gə̄ adə̄ aw̄n̄ bátə́ ugə̄n̄ sa̰y ngá̰ý, nin̄ i sa̰y kə loo ń toō. Ḭ̄ ī-risə nang tə́, āw̄ bátə́ ūgə̄ loo ń de kə́ koy kɔ̄ɔ́ gə̄ ndin̄ tū tə́ ní tə́.


Nin̄ əhɔn̄ ɓōdə̄də́ kə ndāŕ ō, əndan̄ dɔdə́ kə ta kūbūú ō. De gə̄ ní i ngé rɔ̄ɔ̄ gə̄ ō, majən̄ ngá̰ý ō. Nin̄ teēn̄ i de kə́ dəngam gə̄ kə́ dɔ nang kə́ Babilon tə́ jéjé. Babilon i ɓē yādə́.


Nú ní, ni gḛy dəngam gə̄ kə́ ngé sāā dəyá̰ loo kaya tə́ gə̄ ngá̰ý. Sāā dəyá̰ yādə́ i tītə̄ yā dā̰ gə̄ beé. Nin̄ əhɔn̄ rɔ̄də́ loo sāā naā tə́ alé tītə̄ yā kərō gə̄, aláa tītə̄ yā sə́nda gə̄ beé.


Swiv nou:

Piblisite


Piblisite