EJEKIEL 22:7 - Bibəl ta Sar̄

⁷ De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

Bible sar

⁷ De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

EJEKIEL 22:7 Referans Kwoze

NDŪ NAJƏ̄ 27:16

Deē ń kídə̄ bɔbə̄n ō, kó̰o̰n ō ní, ndɔ̄ĺ i dɔn tə́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 7:10

Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

LEBI GƏ̄ 20:9

Adə̄ ré dəngam tájə̄ bɔbə̄n aláa kó̰o̰n anī, a tɔ̄l̄nən̄ kɔ̄ɔ́. Ni-tájə̄ bɔbə̄n ō, kó̰o̰n ō ní, mósən a na̰y i dɔn nəkɔ́ tə́.

MARK 7:10

Tɔdɔ̄ Moijə əda na kə ī-rɔȳ bɔbí ō, kó̰ó̰í ō, tá əda ɓáý to̰ na deē ń ndɔ̄ĺ bɔbə̄n aláa kó̰o̰n ɓáa, kə tɔ̄l̄nən̄ kɔ̄ɔ́.

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

Gōsə̄ najə̄ gə̄ 30:17

Ré deē kógə̄ḿ mbóo kə bɔbə̄neé ō, mbātə́ koō najə̄ ta kó̰o̰n ō anī, ká̰ā̰ gə̄ a tə́gān̄ kumən ō, kə̄rō gə̄ a əsan̄ kumən ō.

Gōsə̄ najə̄ gə̄ 30:11

De kə́rēý gə̄ ndin̄ noó, nin̄ i ngé ndɔ̄ĺ bɔbə̄də́ gə̄ ō, ngé kəda najə̄ kə́ majə dɔ kó̰ó̰də́ gə̄ tə́ aĺ ō!

Gōsə̄ najə̄ gə̄ 20:20

Deē ń ndɔ̄ĺ bɔbə̄n aláa kó̰o̰n ní, hor lámba yān a oy kum loo kə́ risə til tə́.

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 5:16

Ī-rɔȳ bɔbí nin̄ kə kó̰ó̰í tītə̄ ń Kɔ́ɔ̄ɓē Nə́ɓā yāí ədaīneé ní, yā kadə̄ ī-ndiń kə kumií ta kaw̄ jóo ō, kadə̄ rɔ̄í nelīiń dɔ nang ń Kɔ́ɔ̄ɓē Nə́ɓā yāí adī tə́ ní ō.

Teē Ngán Israel gə̄ 21:17

Deē ń tájə̄ bɔbə̄n aláa kó̰o̰n ní, a tɔ̄l̄nən̄ kɔ̄ɔ́.

Teē Ngán Israel gə̄ 20:12

Ī-rɔȳ bɔbí nin̄ kə kó̰ó̰í, kadə̄ ī-ndiń kə kumií ta kaw̄ jóo dɔ nang ń Kɔ́ɔ̄ɓē Nə́ɓā yāí adī tə́ ní.

Teē Ngán Israel gə̄ 23:9

Ā ī-rāā kum tə̄rā kə́ nge nam̄ ndoō tə́ alé. Yá̰á̰ kə́ tōr̄ ń a rāā de kə́ nge nam̄ ní sḭḭ̄ kɔ́ gə̄ ī-gerī mbak, tɔdɔ̄ kété sḭḭ̄ i ngé nam̄ gə̄ dɔ nang kə́ Ejiptə tə́ ō.

NDŪ NAJƏ̄ 24:17

Ā ī-tūr̄ gidə yá̰á̰ kə́ gōtə́ yā tə̄rā kə́ nge nam̄ aĺ ō, yā ngōn̄ hal aĺ ō. Ā ə́hɔ kūbə̄ yā dəyá̰ kə́ ngaa koy kə̄rā tə́ gíŕ yá̰á̰ kə́ ādə̄n loo tə̄nā tə́ tə́ aĺ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

PĀ GƏ̄ 94:5

Kɔ́ɔ̄ɓē, nin̄ rāān̄ kum deē yāí gə̄ ndoō tə́! Ngé gə̄ ń i deē yāí gə̄ ní, nin̄ əlan̄ rɔ̄sɔl̄ dɔdə́ tə́.

PĀ GƏ̄ 94:6

Nin̄ tɔ̄lə̄n̄ dəyá̰ kə́ ngaa koy ō, de kə́ nge nam̄ ɓē ō, nin̄ tɔ̄lə̄n̄ ngán hal gə̄ ndāńg ō.

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.