EJEKIEL 22:4 - Bibəl ta Sar̄

⁴ De gə̄ malang ń oyn̄ noó najə̄n i dɔí tə́. Ḭ̄ ī-tél ɓē kə́ yḛr sɔɔ̄ń yá̰a̰ gə̄ ń de kə́ ngé ndi kemií tə́ gə̄ a tɔ́sə̄n̄ ní, ḭ̄ ī-ndɔ́tə̄ kə ndɔ̄ koyií ī-reēń ngɔr rɔ̄í tə́ i kə ta kūl̄ yá̰á̰ ń noō. A nujən̄ seí ngɔr. I tām̄ najə̄ ń noō tə́ n m-ə́la rɔ̄sɔl̄ dɔí tə́ ta kum nápar de gə̄ tə́ ní. De gə̄ kə́ kem ɓē gə̄ tə́ malang a mbóōn̄ seí.

Bible sar

⁴ De gə̄ malang ń oyn̄ noó najə̄n i dɔí tə́. Ḭ̄ ī-tél ɓē kə́ yḛr sɔɔ̄ń yá̰a̰ gə̄ ń de kə́ ngé ndi kemií tə́ gə̄ a tɔ́sə̄n̄ ní, ḭ̄ ī-ndɔ́tə̄ kə ndɔ̄ koyií ī-reēń ngɔr rɔ̄í tə́ i kə ta kūl̄ yá̰á̰ ń noō. A nujən̄ seí ngɔr. I tām̄ najə̄ ń noō tə́ n m-ə́la rɔ̄sɔl̄ dɔí tə́ ta kum nápar de gə̄ tə́ ní. De gə̄ kə́ kem ɓē gə̄ tə́ malang a mbóōn̄ seí.

EJEKIEL 22:4 Referans Kwoze

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

EJEKIEL 22:2

Ḭ̄ ngōn̄ deē, ā ī-gān̄g sarya dɔ ɓē kə́ Jerusalem tə́ tɔdɔ̄ tɔ̄l̄ naā i ngá̰ý kemeé. Majə kadə̄ ɔ́jən yá̰a̰ rāān kə́ majaĺ ngá̰ý gə̄ ādə̄ ger̄.

EJEKIEL 16:57

I kété pá tá kadə̄ teēn̄ dɔ kem ndul yāí tə́ ɓáý. Ń toō ɓáa ta i dɔí tə́ kadə̄ kadə̄ ɓē gə̄ kə́ Sodom ō, ngán ɓē gə̄ kə́ kadədə́ gə̄ tə́ ō, naā tə́ kə ɓē gə̄ yā Pilistin gə̄ ō tájīīn̄ tā. Tām̄ nin̄ kídīn̄ i kə̄ ta gə̄ tə́.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

2 YÁ̰A̰ GƏ̄ 7:20

m-ā m̄-ngīsí yā kɔr̄sí kɔ̄ɔ́ dɔ nang ń m-ādə̄sí tə́ ní ō, kújə ń toō ń m-ɔ̄r̄ kamə̄n tayā kadə̄ ɓārə́n̄ rīḿ dɔ tə́ ní, m-ā m-ún kumḿ kɔ̄ɔ́ ta tə́ ō, a tél i yá̰a̰ mēlē tām̄ ō, kur̄ kəgō ō, yā gír de gə̄ malang.

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

NDŪ NAJƏ̄ 29:24

Anī a tél a ədan̄də́ na: I tām̄ nin̄ gāngə̄n̄ madə̄ naā ń Kɔ́ɔ̄ɓē Nə́ɓā yā kaadə́ gə̄ rāā sedə́ a teēń sedə́ kɔ̄ɔ́ dɔ nang kə́ Ejiptə tə́ ní.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

TƏ́DA 32:14

Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

LEBI GƏ̄ 26:32

M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní.

EJEKIEL 23:7

Ohola rāā ájə́ba kə Asiri gə̄ kə́ ngé rāā kəla kə́ bo gə̄ ń noō malang. Kə dɔ gḛy ń ni a gḛy deē kógə̄ḿ ngá̰ý dan dəngam gə̄ ń noō tə́ malang noó, ni rɔȳ nə́ɓā yādə́ kə́ rɔ̄kum aĺ gə̄ téləń de kə́ yḛr.

EJEKIEL 23:32

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ā ā̰ȳ yá̰á̰ kə́ kem bay kə́ kógə̄ḿ beē tə́ sḭḭ̄ kə ngōkó̰ó̰í kə́ dəyá̰. I bay kə́ ta laa ō, rúu ō. De gə̄ a əgōīn̄ ō, a mbóon̄ seí ō, tām̄ bay ní rosə ngá̰ý.

EJEKIEL 24:7

Mósə́ ń Jerusalem ɓōkə́ nang tə́ ní to kem ɓēé ɓáý. Ɓōkə́n̄ mósə́ ní i dɔ mbal̄ kə́ ndágə doy tə́. De kə́ ɓōkə́ mósə́ ní dɔ dā̰ nang tə́ gətóo ō, de kə́ əga nán̄g dɔ tə́ gətóo ō.

EJEKIEL 24:8

Mā m-ə́yá̰ mósə́ ni dɔ mbal̄ kə́ ndágə doy tə́, loo kə́ deē asə kutə dɔ tū tə́ aĺ tə́, yā kadə̄ ni-rāā tá wōn̄g rāām̄ ngá̰ý ō, yā kadə̄ ni-rāā tá kadə̄ m̄-dal ba̰ā̰ ō.

EJEKIEL 36:15

Ndū gə̄ ń nápar de kə́ rang gə̄ a tájə̄n̄sí ní ō, lur ń nin̄ a lurən̄sí ní ō ní, ā ōōī to̰ alé. Tɔdɔ̄ dɔ nang yāsí a tɔ̄l̄ ngáńsí gə̄ to̰ alé. Najə̄ ń Kɔ́ɔ̄ɓē Nə́ɓā əda ní n noó.