EJEKIEL 22:19 - Bibəl ta Sar̄

¹⁹ I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dádə́ yá̰á̰ ń toō ní: Sḭḭ̄ malang ní ī-téliī i gində̄ gə̄ kə́ kə yedə̄də́ gēé tū tə́. Adə̄ m-ā m̄-kán̄sí kə̄ dɔ naā tə́ kem ɓē kə́ Jerusalem tə́.

Bible sar

¹⁹ I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dádə́ yá̰á̰ ń toō ní: Sḭḭ̄ malang ní ī-téliī i gində̄ gə̄ kə́ kə yedə̄də́ gēé tū tə́. Adə̄ m-ā m̄-kán̄sí kə̄ dɔ naā tə́ kem ɓē kə́ Jerusalem tə́.

EJEKIEL 22:19 Referans Kwoze

MATIYE 13:30

Ní, kə əya̰n̄də́ kadə̄ tɔgən̄ naā tə́ mbak, ré na i ndɔ̄ kəja kōō tə́ pá tá. Ndɔ̄ n noō tə́ tā anī n-a n-əda ngé kəja kōō gə̄ kadə̄ tə́gān̄ bar̄ gə̄ kété, kə tṵ́ṵ̄n̄ yā róōdə́ horó, ba kōō gə̄ tá kə ɓōkə́n̄də́ kem mō̰ȳ yān tə́.

MISE 4:12

De gə̄ ngeé ń noō ní, nin̄ gerə̄n̄ yá̰a̰ gə̄ ń Kɔ́ɔ̄ɓē ɔjə rāā ní alé. Yá̰a̰ gə̄ ń ni gír̄ rāā ní, nin̄ gerə̄n̄ kum alé. Ni gḛy kɔsə njadə́ kə̄ naā tə́ tītə̄ loo kɔsə dɔ do̰ō̰ kōō gémē kə̄ naā tə́ beē, ndágə loo kənda kōō gémē tə́ tə́.

EJEKIEL 11:7

I tām̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Ɓē kə́ Jerusalem to i tītə̄ jóo rɔ̄kum, banī dā̰ i de gə̄ ń sḭḭ̄ ī-tɔ̄līdə́ ní. Ba sḭḭ̄ ɓáa m-ā m̄-tə̄ɓāsí kɔ̄ɔ́ kemeé.

PĀ GƏ̄ 119:119

Ḭ̄ ī-ɓōkə́ ngé kem ndul gə̄ kə́ dɔ nang tə́ dɔ bū loo tə́, i tām̄ najə̄ ń noō tə́ n nelə̄m̄ kə yá̰a̰ gə̄ ń ə́dá ní.

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

EJEKIEL 22:18

Ḭ̄ ngōn̄ deē, ōō! Ngán Israel gə̄ ton̄ i tītə̄ yedə̄ gində̄ beé. Ton̄ i tītə̄ yedə̄ gində̄ arjā̰a̰ ō, yedə̄ gində̄ nə̄ngá kasə ō, yedə̄ gində̄ etḛ̄ḛ ō, yedə̄ gində̄ kə́ karī ō, yedə̄ gində̄ pəlɔm ō, kum hor yā kɔdə̄ tə́ beē.

EJEKIEL 22:20

Nang ń gində̄ arjā̰a̰, aláa gində̄ nə̄ngá kasə, aláa gində̄ kə́ karī, aláa gində̄ pəlɔm, aláa gində̄ etḛ̄ḛ i tū tə́ ní, a ɔy yā ɓōkə́n̄ dɔ naā tə́ sululu kem yá̰a̰ ɓōkə́ yá̰á̰ kógə̄ḿ tə́, ba a əlan̄ hor gírí kadə̄ yḛḛ̄. I beé ní, m-ā m̄-rāā tītə̄ ń noō sesí ō. Kem wōn̄g yāḿ kə́ ngá̰ý tə́ ní, m-ā m̄-kán̄sí kə̄ dɔ naā tə́ ba m-ā m-ə́la hor gíŕsí tə́ kadə̄ ī-yḛḛ̄ī!