EJEKIEL 22:18 - Bibəl ta Sar̄

¹⁸ Ḭ̄ ngōn̄ deē, ōō! Ngán Israel gə̄ ton̄ i tītə̄ yedə̄ gində̄ beé. Ton̄ i tītə̄ yedə̄ gində̄ arjā̰a̰ ō, yedə̄ gində̄ nə̄ngá kasə ō, yedə̄ gində̄ etḛ̄ḛ ō, yedə̄ gində̄ kə́ karī ō, yedə̄ gində̄ pəlɔm ō, kum hor yā kɔdə̄ tə́ beē.

Bible sar

¹⁸ Ḭ̄ ngōn̄ deē, ōō! Ngán *Israel gə̄ ton̄ i tītə̄ yedə̄ gində̄ beé. Ton̄ i tītə̄ yedə̄ gində̄ arjā̰a̰ ō, yedə̄ gində̄ nə̄ngá kasə ō, yedə̄ gində̄ etḛ̄ḛ ō, yedə̄ gində̄ kə́ karī ō, yedə̄ gində̄ pəlɔm ō, kum hor yā kɔdə̄ tə́ beē.

EJEKIEL 22:18 Referans Kwoze

IJAI 1:22

Jerusalem, gində̄ arjā̰a̰ yāí tél i yedə̄ ō, kasə nduú yāí kə́ majə ní urən̄ man̄ tū tə́ ō.

PĀ GƏ̄ 119:119

Ḭ̄ ī-ɓōkə́ ngé kem ndul gə̄ kə́ dɔ nang tə́ dɔ bū loo tə́, i tām̄ najə̄ ń noō tə́ n nelə̄m̄ kə yá̰a̰ gə̄ ń ə́dá ní.

IJAI 48:10

m̄-tə́gósí adə̄ ūnjī i kum hor tə́, i kum hor ń a tə́go gində̄ arjā̰a̰ adə̄ unjə̄ ní tə́ alé, banī i kum hor yá̰á̰ kə́ to kum kaȳ aĺ tə́.

Gōsə̄ najə̄ gə̄ 17:3

Loo kə́ yā nō gində̄ arjā̰a̰ tū tə́ i noó ō, loo kə́ yā nō lɔ́ŕ tū tə́ i noó ō, banī i Kɔ́ɔ̄ɓē n i nge nāā ngarā̰ kem de gə̄ ní.

EJEKIEL 22:20

Nang ń gində̄ arjā̰a̰, aláa gində̄ nə̄ngá kasə, aláa gində̄ kə́ karī, aláa gində̄ pəlɔm, aláa gində̄ etḛ̄ḛ i tū tə́ ní, a ɔy yā ɓōkə́n̄ dɔ naā tə́ sululu kem yá̰a̰ ɓōkə́ yá̰á̰ kógə̄ḿ tə́, ba a əlan̄ hor gírí kadə̄ yḛḛ̄. I beé ní, m-ā m̄-rāā tītə̄ ń noō sesí ō. Kem wōn̄g yāḿ kə́ ngá̰ý tə́ ní, m-ā m̄-kán̄sí kə̄ dɔ naā tə́ ba m-ā m-ə́la hor gíŕsí tə́ kadə̄ ī-yḛḛ̄ī!

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

IJAI 1:25

Jerusalem, m-ā m̄-tūr̄ rɔ̄ḿ yā rɔ̄ɔ̄ seí. M-ā m̄-rāāī kadə̄ ā ūnjə̄ njáý njáý tītə̄ kə́ i kə katāá beē, m-ā m̄-rāā yedīí kadə̄ a yḛḛ̄ kɔ̄ɔ́, m-ā m-ɔ́ý yá̰á̰ kə́ yḛr yāí gə̄ kɔ̄ɔ́ malang.

Gōsə̄ najə̄ gə̄ 25:4

Ɔ̄r̄ yedə̄ gində̄ kɔ̄ɔ́ tū gində̄ arjā̰a̰ tə́ anī kɔdə̄ a rāań jóo.

EJEKIEL 22:17

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 22:19

I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dádə́ yá̰á̰ ń toō ní: Sḭḭ̄ malang ní ī-téliī i gində̄ gə̄ kə́ kə yedə̄də́ gēé tū tə́. Adə̄ m-ā m̄-kán̄sí kə̄ dɔ naā tə́ kem ɓē kə́ Jerusalem tə́.

DANIEL 3:6

Deē ń a ɔsə non nang tə́ yā rɔȳń aĺ anī, a ənīnən̄ kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́.