EJEKIEL 22:16 - Bibəl ta Sar̄

¹⁶ Sḭḭ̄ ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ta kum nápar de gə̄ tə́, sɔɔ̄ń yá̰a̰ rāāsí kə́ gōtə́ aĺ. Banī ā ī-gerī kadə̄ Kɔ́ɔ̄ɓē i mā.

Bible sar

¹⁶ Sḭḭ̄ ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ta kum nápar de gə̄ tə́, sɔɔ̄ń yá̰a̰ rāāsí kə́ gōtə́ aĺ. Banī ā ī-gerī kadə̄ Kɔ́ɔ̄ɓē i mā.

EJEKIEL 22:16 Referans Kwoze

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

EJEKIEL 7:24

M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

EJEKIEL 39:28

Dan ń mā m-ɔ́sə dɔ Israel gə̄ kə̄ naā tə́ dɔ nang yādə́ tə́ anī, m-ā m-ə́ya̰ deē kógə̄ḿ kadə̄ na̰y kem ɓē gə̄ ń m̄-tə̄ndā m̄-tḭ̄ḭ̄də́ tū tə́ ní tə́ alé. Kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

EJEKIEL 25:3

Ə́dádə́ na kə oōn̄ yá̰á̰ ń mā Kɔ́ɔ̄ɓē Nə́ɓā m-ɔ̄r̄ sedə́ ní. Dan ń rāān̄ loo yāḿ kə́ táĺ loo kə́ karī tə́ ní, dan ń nujən̄ ɓē kə́ Israel tə́ kɔ̄ɔ́ ní, dan ń ɔyn̄ de kə́ Juda gə̄ dɔ gúú tə́ aw̄n̄ sedə́ dɔ ɓē kə́ rang tə́ ní, sḭḭ̄ ə̄gōīdə́ ngá̰ý.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 37:20

Banī ḭ̄ Kɔ́ɔ̄ɓē Nə́ɓā yājí, ájə́jí ta ko̰o̰ ɓē yā Senakerib tə́! Loo ń noō tə́ ko̰o̰ ɓē gə̄ malang kə́ dɔ nang tə́ a gerə̄n̄, Kɔ́ɔ̄ɓē, kadə̄ i ḭ̄ kógə̄ḿ beē ngóy n i Nə́ɓā ní.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

1 MBAN̄G GƏ̄ 20:28

Deē yā Nə́ɓā aw̄ rɔ̄ mban̄g kə́ Israel tə́ ɔr̄ najə̄ seneé əda na: Kɔ́ɔ̄ɓē əda na Aram gə̄ ədan̄ na mā i ɓesə̄ dɔ mbal̄ ba na mā i ɓesə̄ kə́ kum ndágə mbō tə́ alé, adə̄ tām̄ najə̄ ń noō tə́ ní m-ā m-ə́la kósə de kə́ ngá̰ý gə̄ ń toō kem jīí tə́. Loo ń noō tə́ ā ī-gerī kadə̄ mā i Kɔ́ɔ̄ɓē.

1 MBAN̄G GƏ̄ 20:13

Anī nge koō ta kógə̄ḿ ndɔ́tə̄ kə̄ rɔ̄ Akab mban̄g kə́ Israel tə́ ba əda na: Kɔ́ɔ̄ɓē əda na: Á̰á̰ kósə de kə́ ngá̰ý gə̄ ń noō a? M-ā m-ə́ládə́ kem jīí tə́ ɓōólaā. Loo ń noō tə́ ā ī-ger̄ kadə̄ mā i Kɔ́ɔ̄ɓē. Akab əda na:

Teē Ngán Israel gə̄ 8:22

Moijə tél əda Parao̰ na ré na n-rāān̄ beé anī i gōtə́ alé, tɔdɔ̄ yá̰á̰ ń n-a n-tunə̄n̄ yā kadə̄ Kɔ́ɔ̄ɓē Nə́ɓā yādə́ ní na i yá̰á̰ kə́ majaĺ ngá̰ý ta kum de kə́ Ejiptə gə̄ tə́. Ré na a̰a̰n̄də́ loo tun̄ yá̰a̰ kadə̄ Nə́ɓā tə́ anī ké a a̰a̰n̄də́ karī kanjə̄ tə́nīdə́ kə mbalá wa.

EJEKIEL 22:17

Kɔ́ɔ̄ɓē ɔr̄ najə̄ seḿ, ədam̄ na:

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.