EJEKIEL 22:11 - Bibəl ta Sar̄

¹¹ Ngé kə́rēý gə̄ i ngé sāā nə̄yá̰ madə̄də́ gə̄ ō, ngé kə́ rang gə̄ i ngé sāā nə̄yá̰ ngáńdə́ gə̄ aláa i ngé sāā kem bəra madə̄də́ gə̄ dɔ gúú tə́ ō.

Bible sar

¹¹ Ngé kə́rēý gə̄ i ngé sāā nə̄yá̰ madə̄də́ gə̄ ō, ngé kə́ rang gə̄ i ngé sāā nə̄yá̰ ngáńdə́ gə̄ aláa i ngé sāā kem bəra madə̄də́ gə̄ dɔ gúú tə́ ō.

EJEKIEL 22:11 Referans Kwoze

2 SAMUEL 13:14

Banī Amnon gḛy koō najə̄ yā Tamar alé. Ni-əsō seneé ba sāān dɔ gúú tə́.

LEBI GƏ̄ 20:17

Ré dəngam taā ngōkó̰ó̰ kə́ kem bəra madə̄n, aláa kə́ kem kó̰o̰ madə̄n adə̄ gerə̄n̄ naā kə́ dəyá̰ nin̄ kə dəngam tə́ ɓá anī, nin̄ rāān̄ i yá̰á̰ kə́ to rɔ̄sɔl̄. A ɔrə̄n̄də́ kɔ̄ɔ́ ta kum gír deē yādə́ gə̄ tə́. Ni-sāā ngōkó̰o̰n kə́ dəyá̰ ɓá ní najə̄ i dɔn nəkɔ́ tə́.

LEBI GƏ̄ 18:15

Ā ī-ɓīī kə nə̄yá̰ ngōnīí alé, tɔdɔ̄ i umií.

LEBI GƏ̄ 18:9

Ā ī-ɓīī kə ngōkó̰ó̰í kə́ dəyá̰ alé, kem bəra madí aĺ ō, kem kó̰o̰ madí aĺ ō. Ká ojənən̄ i ta kújə tə́ ɓē aké i ndágá gə̄gē anī, ā ī-ɓīī seneé alé.

EJEKIEL 18:11

Yá̰a̰ gə̄ ń noō malang ní, bɔbə̄ ngōn̄ ní rāā alé. Ngōnən kə́ dəngam ní ra dɔ tə́ noō əsa yá̰a̰ kə́ tun̄ gə̄ dɔ mbal̄ gə̄ tə́ ō, əla rɔ̄sɔl̄ dɔ nə̄yá̰ madə̄n gə̄ tə́ ō,

LEBI GƏ̄ 20:12

Ré dəngam ɓīī kə umneé anī, a tɔ̄lə̄n̄də́ kɔ̄ɔ́ jōó mbak. Nin̄ lurən̄ i rɔ̄də́ adə̄ mósə́də́ a na̰y i dɔdə́ nin̄ kɔ́ gə̄ tə́.

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

LEBI GƏ̄ 18:20

Ā ī-sāā nə̄yá̰ ngōn̄ Israel madí alé, na sōgə́ ī-tél de kə́ yḛr.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

GALATƏ 5:19

Ī-gerī loo kɔjə ń dā̰ rɔ̄jí a ɔjə kəla rāān gə̄ kə̄ ndágá ní mbak: I tū rāā kaya tə́ ō, rāā yá̰á̰ kə́ yḛr gə̄ tə́ ō, rāȳ tə́ ō,

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

JEREMI 9:2

Ta ndo̰də́ i tītə̄ ga̰ gərā kə́ deē ɔr̄ gō beé. Rīdə́ ɓār̄ kem ɓēé ngá̰ý ɔjəń i dɔ sor̄ ngóy banī i tām̄ najə̄ kə́ rɔ̄kum tə́ alé. Rāān̄ kem ndul tə́ kə̄ nja naā tə́ ba mā tá ger̄mə̄n̄ alé. Najə̄ ń Kɔ́ɔ̄ɓē əda ní n noó.

2 SAMUEL 13:1

Gō tə́ anī yá̰á̰ ń rāā yá̰á̰ ní n toó. Ngōn̄ Dabid ń rīn na i Absalom ní, ngōkó̰o̰n kə́ dəyá̰ kógə̄ḿ kə́ mandə̄ ngá̰ý i noó, rīn na i Tamar. Anī ngōn̄ Dabid kə́ rang ń rīn na i Amnon ní gḛy Tamar ní ngá̰ý.

NDŪ NAJƏ̄ 27:22

Deē ń ɓīī kə ngōkó̰o̰n kə́ dəyá̰, ká i kem bəra madə̄n, aké i kem kó̰o̰ madə̄n anī, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 22:22

Ré əhɔn̄ de kə́ dəngam loo ɓīī tə́ kə nə̄yá̰ deé anī, a tɔ̄lə̄n̄də́ jōó mbak. A tɔ̄lə̄n̄ dəngam ō, dəyá̰ ō. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

2 SAMUEL 13:11

Ni-əla adə̄n, anī Amnon əhɔn ba ədan na: Ngōkó̰ó̰ḿ, ī-reē ī-to seḿ!

EJEKIEL 18:6

Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

EJEKIEL 33:26

Sḭḭ̄ ə̄ndāī tɔ́gə́sí i dɔ yá̰a̰ rɔ̄ɔ̄ yāsí gə̄ tə́ ngóy. Sḭḭ̄ ī-rāāī yá̰á̰ kə́ majaĺ ngá̰ý gə̄. Sḭḭ̄ dəngam gə̄, ī-taāī nə̄yá̰ madə̄sí gə̄. Ní, loo kadə̄ ɓē i yāsí i ba̰ý?

LEBI GƏ̄ 18:6

De kógə̄ḿ dansí tə́ a ɓīī kə ngōn̄ kə́ dəyá̰ kə́ dan gír deē yān gə̄ tə́ alé. Mā i Kɔ́ɔ̄ɓē.