EJEKIEL 22:10 - Bibəl ta Sar̄

¹⁰ De kə́rēý gə̄ i ngé ɓīī kə nə̄yá̰ bɔbə̄də́ gə̄ aláa i ngé sāā dəyá̰ kə́ mósə əhɔdə́ gə̄ dɔ gúú tə́.

Bible sar

¹⁰ De kə́rēý gə̄ i ngé ɓīī kə nə̄yá̰ bɔbə̄də́ gə̄ aláa i ngé sāā dəyá̰ kə́ mósə əhɔdə́ gə̄ dɔ gúú tə́.

EJEKIEL 22:10 Referans Kwoze

LEBI GƏ̄ 18:19

Ā ī-sāā dəyá̰ kə́ mósə rāān alé, tām̄ ni i de kə́ yḛr.

EJEKIEL 18:6

Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

LEBI GƏ̄ 20:11

Ré dəngam ɓīī kə nə̄yá̰ bɔbə̄n anī, əla i rɔ̄sɔl̄ dɔ bɔbə̄n tə́. A tɔ̄lə̄n̄ dəngam ní ō, dəyá̰ ní ō. Mósə́də́ a na̰y i dɔdə́ nin̄ kɔ́ gə̄ tə́.

1 KORḚNTƏ 5:1

De gə̄ malang ədan̄ na háĺ kə́ majaĺ na to dansí tə́, ba yá̰á̰ ní na majaĺ ngá̰ý al̄ naā, adə̄ de gə̄ kə́ nin̄ i Jipə aĺ gə̄ gə̄gē na rāān̄ háĺ kə́ tītə̄ ń noō alé. Tɔdɔ̄ ənīn̄ gotə najə̄ yāsí, ədan̄ na deē kógə̄ḿ dansí tə́ na aw̄ bátə́ sāā nə̄yá̰ bɔbə̄n loo kaya tə́!

AMOS 2:7

Nin̄ əlan̄ dɔ nge ndoō kum bumbə́rú tə́ ō, ɓōlə́n̄ gidə yá̰á̰ yā de kə́ dūú gə̄ aĺ ō. Bɔbə̄ ngōn̄ nin̄ kə ngōnōó sāān̄ dəyá̰ dɔ naā tə́ ō. I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.

1 YÁ̰A̰ GƏ̄ 5:1

Ruben i hágə Jakob ɓá tā ba ni ɓīī kə nə̄yá̰ bɔbə̄neé adə̄ télən̄ kə yá̰a̰ ndəba yān kə́ loo ngōn̄ hágə́ tə́ adə̄n̄ i ngán Jəjep gə̄. Jəjep i ngōn̄ Israel ō. Adə̄ rāān̄ Ruben i ngōn̄ hágə̄ tə́ to̰ alé. Juda i de kə́ bo tɔȳ ngákó̰o̰n gə̄ malang. Mban̄g kə́ Israel tə́ teē i gír yān tə́. Banī ta róbə kənge yá̰a̰ ndəbā kə́ loo ngōn̄ hágə́ tə́ i yā Jəjep. Rī ngán Ruben kə́ hágə Jakob na i Hanok ō, Palu ō, Hesəron ō, Karmi ō.

NDŪ NAJƏ̄ 27:23

Deē ń ɓīī kə umən kə́ dəyá̰ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

NDŪ NAJƏ̄ 27:20

Deē ń ɓīī kə nə̄yá̰ bɔbə̄neé ní, ndɔ̄ĺ i dɔn tə́, tɔdɔ̄ un i kūbə̄ ń bɔbə̄n seĺ dɔ nə̄yá̰n tə́ ní kɔ̄ɔ́. Loo ń noō tə́ de gə̄ malang a ədan̄ na: A̰á̰ā̰ ādə̄ i tītə̄ ń noō.

LEBI GƏ̄ 20:18

Ré dəngam ɓīī kə dəyá̰ kə́ mósə rāān anī, a ɔrə̄n̄də́ kɔ̄ɔ́ jōó mbak dan gír deē yādə́ gə̄ tə́, tɔdɔ̄ nin̄ jōó mbak oōn̄ naā ba ɔrə̄n̄ gó̰ý mósə kɔ̄ɔ́.

TA KƏLA 49:4

Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

LEBI GƏ̄ 18:6

De kógə̄ḿ dansí tə́ a ɓīī kə ngōn̄ kə́ dəyá̰ kə́ dan gír deē yān gə̄ tə́ alé. Mā i Kɔ́ɔ̄ɓē.