EJEKIEL 22:1 - Bibəl ta Sar̄

¹ Kɔ́ɔ̄ɓē ɔr̄ najə̄ seḿ, ədam̄ na:

Bible sar

¹ Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 22:1 Referans Kwoze

EJEKIEL 21:32

Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

EJEKIEL 22:2

Ḭ̄ ngōn̄ deē, ā ī-gān̄g sarya dɔ ɓē kə́ Jerusalem tə́ tɔdɔ̄ tɔ̄l̄ naā i ngá̰ý kemeé. Majə kadə̄ ɔ́jən yá̰a̰ rāān kə́ majaĺ ngá̰ý gə̄ ādə̄ ger̄.

PĀ GƏ̄ 55:11

Ndɔ̄ɔ́ gē, kadaá gē, nin̄ a njə̄rān̄ i dɔ ndogə̄ mbal̄ tə́. Yá̰a̰ rāā kə́ gōtə́ aĺ gə̄ ō, kə́ to yḛr kum gə̄ ō, ton̄ kem ɓēé.

Gōsə̄ najə̄ gə̄ 14:34

Háĺ kə́ gōtə́ kə́ rāā un nápar de gə̄ dɔɔ́, banī majaĺ kə́ rāā i rɔ̄sɔl̄ yā gír de gə̄.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

JEREMI 30:15

Ba̰ý á ī-nōō rɔ̄í dɔ nujə kə́ ī-nujə sák sák tə́ beē? Do yāí i kə́ dum̄ kedə̄. I ndéý kə́ m-ə́ndaī najə̄ yā majaĺ yāí kə́ ngá̰ý gə̄ tə́ ō, i najə̄ yā yá̰á̰ kə́ gōtə́ aĺ yāí kə́ ngá̰ý gə̄ tə́ ō.

EJEKIEL 35:1

Kɔ́ɔ̄ɓē ɔr̄ najə̄ seḿ, ədam̄ na: