EJEKIEL 21:9 - Bibəl ta Sar̄

⁹ A̰á̰ā̰, m̄-ndigə nujə sesí kɔ̄ɔ́ malang, de kə́ majə gə̄ gə̄gē, de kə́ majaĺ gə̄ gə̄gē. I tām̄ najə̄ ń noō tə́ n m-ā m-ɔ̄r̄ kaskar yāḿ kem hɔ̄pə̄n tə́ yā tɔ̄ləń de gə̄ malang ní. M-ā m-ə́lá gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

Bible sar

⁹ A̰á̰ā̰, m̄-ndigə nujə sesí kɔ̄ɔ́ malang, de kə́ majə gə̄ gə̄gē, de kə́ majaĺ gə̄ gə̄gē. I tām̄ najə̄ ń noō tə́ n m-ā m-ɔ̄r̄ kaskar yāḿ kem hɔ̄pə̄n tə́ yā tɔ̄ləń de gə̄ malang ní. M-ā m-ə́lá gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 21:9 Referans Kwoze

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

AMOS 9:4

Ré nin̄ aw̄n̄ ɓəloó ɓē madə̄ ba̰ā̰də́ gēé anī, m-ā m-ə́da kadə̄ a tɔ̄lə̄n̄də́. M-ā m-ə̄ndā kumḿ gōdə́ tə́ i tām̄ yā ndi majə yādə́ tə́ alé banī i yā kadə̄ yá̰á̰ kə́ to kum kaȳ aĺ teē dɔdə́ tə́.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

Makətūbə̄ yā Job 20:25

Ni mbīŕ kum gərā ɔr̄, kum gərā ní teē rɔ̄n tə́. Dan nəkɔ́ ń kum gərā teē wurən tə́ kɔ̄ɔ́ mbatə anī, ɓōĺ kə́ ngá̰ý udə kemən tə́.

JEREMI 46:4

Ī-do̰ō̰ī púsə́ gír sə́nda gə̄ tə́. Sḭḭ̄ ngé kal̄ sə́nda gə̄, ālī dɔ sə́nda gə̄ tə́! Ī-raī kə ta naá kə jākā gində̄ yāsí gēé. Úsiī kum nənga yāsí gə̄ ādə̄ ndə́lēn̄ pipir. Ə́laī kūbə̄ gində̄ gə̄ rɔ̄sí tə́.

EJEKIEL 21:8

Ā ə́dá ngán Israel gə̄ na najə̄ ń Kɔ́ɔ̄ɓē əda ní n toó: M-ā m̄-rāā yá̰á̰ kə́ tōr̄ seí. M-ā m-ɔ̄r̄ kaskar yāḿ kem hɔ̄pə̄n tə́ ō, m-ā m̄-tɔ̄l̄sí malang kɔ̄ɔ́ ō, de kə́ majə gə̄ ō, de kə́ majaĺ gə̄ ō.

Makətūbə̄ yā Job 9:22

Tām̄ yāḿ mā tə́ ɓáa i yá̰á̰ kə́ kógə̄ḿ beē, i yá̰á̰ ń noō n m-ə́da na: De kə́ najə̄ gətóo dɔn tə́ a ni nujən ō, nge tɔ̄l̄ deē a ni nujən ō ní.

JEREMI 47:7

Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

EJEKIEL 21:4

Loo ń noō tə́ de gə̄ malang a a̰a̰n̄ kadə̄ i mā Kɔ́ɔ̄ɓē n m-ə́la hor ní ō, hor ní a oy aĺ ō.