EJEKIEL 21:6 - Bibəl ta Sar̄

⁶ Kɔ́ɔ̄ɓē ɔr̄ najə̄ seḿ ɓáý to̰ əda na:

Bible sar

⁶ Kɔ́ɔ̄ɓē ɔr̄ najə̄ seḿ ɓáý to̰ əda na:

EJEKIEL 21:6 Referans Kwoze

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

DANIEL 8:27

Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

EJEKIEL 37:20

Ḭ̄ ngōn̄ deē, dugə̄jū kāgə̄ ń ī-ndang yá̰a̰ dɔ tə́ ní, ə́hɔ́də́ jīí tə́ ādə̄ de gə̄ malang a̰a̰n̄.

EJEKIEL 21:12

Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

EJEKIEL 4:12

Yá̰á̰ ń ā ə́sá ní a to tītə̄ makəla kōō ɔ́rjə beé. Ā ɔ̄r̄ makəla ní i ta kum de gə̄ tə́ malang, dɔ hor kə́ rāā kə yedə̄ de gēé tə́.

JEREMI 30:6

Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 19:10

Ā ī-tɔ̄ɔ̄ jóo man̄ ní ta kum de gə̄ ń ndān̄ tə́ ní.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

IJAI 16:11

I tām̄ najə̄ ń noō tə́ n kemḿ nōō dɔ ɓē kə́ Moab tə́ ní. Nōō yāḿ ɓār̄ tītə̄ kōō kənde kənde kə́ kugə kənīń pā beé. m̄-nōō tām̄ yā Kir Heres tə́.

EJEKIEL 21:5

Mā nge koō ta m̄-tūr̄ m-ə́da na: Á! Kɔ́ɔ̄ɓē Nə́ɓā! Najə̄ ń de gə̄ ədan̄ dɔḿ tə́ kɔ̄ɔ́ ɓá ní n toó: Deē ń noō ni ger̄ i kəga səngó ngóy.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ Israel tə́ ō.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.