EJEKIEL 21:32 - Bibəl ta Sar̄

³² Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

Bible sar

³² Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

EJEKIEL 21:32 Referans Kwoze

EJEKIEL 25:10

M-ā m-ə́yá̰ ngé ngɔ̄m̄ yá̰a̰ kul̄ gə̄ kə́ ngé ndi gotə kógə̄ḿ aĺ gə̄ kə́ dām̄ kə́ gír ɓē tə́ kadə̄ a taān̄ ɓē kə́ Moab, tītə̄ ń taānəń ɓē kə́ Amon ní. A əga kem deē dɔ ɓē kə́ Moab tə́ to̰ alé.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

EJEKIEL 21:30

Ba ḭ̄ ngār kə́ Israel tə́, ḭ̄ i nge ndaa deē ndaa kə́ to rɔ̄sɔl̄ ngá̰ý! Kum mbang a reē noó kadə̄ tɔ̄l̄ ń ā ī-tɔ̄l̄ de gə̄ ní gír a gān̄g.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

EJEKIEL 22:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 25:7

I beé ɓá ní, m-ā m-ɔ́jə́sí tɔ́gə́ḿ dɔdə́ tə́, m-ā m-ə́lásí kem jī tə̄rā gə̄ tə́ kadə̄ a ɔyn̄ yá̰a̰ yāsí dɔ gúú tə́. M-ā m̄-rāā kadə̄ nápar deē yāsí gə̄ a gətóon̄ kɔ̄ɔ́, m-ā m̄-rāā kadə̄ ɓē yāsí a gətóo, m-ā m̄-nujəsí sák sák kɔ̄ɔ́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

MISE 5:1

Kɔ́ɔ̄ɓē əda na: Ba ḭ̄ Betlehem Epərata, dan ɓē gə̄ yā de gə̄ kə́ gír kojə yā Juda tə́ ní, ḭ̄ i ngōn̄ ɓē kə́ dūú ɓá tā, ba nge ń sɔɔ̄ kadə̄ a o̰o̰ ɓē Israel tə́ ní, m-ā m̄-rāā kadə̄ ni a teē i looí. Ni i de kə́ kem kojə kə́ jóó ngá̰ý tə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.