EJEKIEL 21:25 - Bibəl ta Sar̄

²⁵ Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

Bible sar

²⁵ Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ *Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

EJEKIEL 21:25 Referans Kwoze

EJEKIEL 35:5

Ngáńdáńg ní, nelī ḭ̄ kə Israel gēé aĺ ngá̰ý. Kum mbang ń yá̰á̰ kə́ to kum kaȳ aĺ teē dɔdə́ tə́ ní, dan ń gíŕ yá̰a̰ rāādə́ kə́ majaĺ ngá̰ý gə̄ gān̄g ní, ḭ̄ ə̄nīdə́ rɔ̄ɔ̄ kə kaskaraá.

EJEKIEL 21:29

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí yá̰á̰ ń toō ní: Sḭḭ̄ ī-rāāī adə̄ dɔ deē ndígə̄nal dɔ dɔ ngan̄g yāsí tə́ aĺ ō, ɔ́jiī majaĺ yāsí gə̄ kə̄ ndágá tū yá̰a̰ rāāsí gə̄ tə́ malang ō. I tītə̄ ń noō n ā ī-terīiń kemḿ dɔ yá̰a̰ rāāsí kə́ gōtə́ aĺ gə̄ tə́ ngándáńg kanjə̄ kadə̄ asəsí ní. I beé ní, madə̄ ba̰ā̰ a əhɔsí dəngáy, tām̄ sḭḭ̄ ī-rāāī adə̄ dɔḿ ndígə̄nalsí alé.

EJEKIEL 17:19

Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Usə mban̄g kə́ Israel tə́ dɔ túbə́ ń ni túbə ta kumḿ tə́ ní alé. Ni-ra dɔ ndūdə́ ń ənīn̄ naā tə́ ní alé. Adə̄ m-ā m̄-rāā kadə̄ ni a əgā kə̄rān.

JEREMI 52:2

Sedekias rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā Joakim.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

EJEKIEL 7:6

Gíŕ yá̰a̰ malang gān̄g kɔ̄ɔ́, gíŕ yá̰a̰ malang gān̄g kɔ̄ɔ́, yá̰á̰ kə́ to kum kaȳ aĺ əndā dɔ rɔ̄n danaá yā teē dɔsí tə́, ni a reē noó!

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

JEREMI 24:8

Banī Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń m-ā m̄-rāā kə Sedekias, mban̄g kə́ Juda ō, kə de kə́ bo yān gēé ō, kə gotə de kə́ Jerusalem tə́ gə̄ ō, kə de gə̄ malang ń tél ndin̄ kem ɓē ń toō tə́ ō, kə de gə̄ malang ń ndin̄ kem ɓē kə́ Ejiptə tə́ ō ní, i yá̰á̰ ń a rāān̄ kə kan̄ kótə̄ kə́ majaĺ gə̄ ní. I yá̰á̰ ń a rāān̄ kə ngé kə́ nel aĺ bátə́ gə̄ adə̄ dum kəsa ní n m-ā m̄-rāā sedə́ ní.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

PĀ GƏ̄ 37:13

Banī Kɔ́ɔ̄ɓē əgōn, tɔdɔ̄ ni-a̰a̰ ndɔ̄ yān ń a asə ní.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

EJEKIEL 7:3

Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

EJEKIEL 21:12

Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 21:24

Ḭ̄ ngōn̄ deē, ī-njar róbə jōó ādə̄ mban̄g kə́ Babilon reēń kə kaskar yānneé. Majə kadə̄ róbə́ kə́ jōó gə̄ ní əlan̄ gír i kem ɓē kə́ kógə̄ḿ beē tə́. Ba ī-ndang rī ɓē gə̄ ń deē un róbə gə̄ ní anī a ugə̄ tū tə́ ní tū yá̰á̰ tə́ ba ī-tə́ndā ta róbə gə̄ ní tə́.

PĀ GƏ̄ 48:13

Ī-njə̄rāī kə gō naá tururu dɔ ndogə̄ mbal̄ kə́ gidə ɓē kə́ Siyo̰ tə́ tə́. Ī-tə́daī kutə kújə ngɔ̄m̄ ɓē kə́ dɔ tə́ gə̄.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 49:2

Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

EJEKIEL 25:5

Raba ń i ɓē bo yāsí ní, m-ā m̄-rāā kadə̄ a tél loo ko̰o̰ yā jámbal gə̄. Dɔ nang kə́ Amon malang a tél loo ra yā batə̄ gə̄. Tītə̄ ń noō ɓáa ā ī-gerī kadə̄ Kɔ́ɔ̄ɓē i mā.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.