EJEKIEL 21:22 - Bibəl ta Sar̄

²² Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

Bible sar

²² Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 21:22 Referans Kwoze

EJEKIEL 4:2

Gō tə́ anī ɔ́jə kadə̄ madə̄ ba̰ā̰ gə̄ gīrə̄n̄ gidən. Ī-ndēr̄ bəlo gə̄ kə́ yā rɔ̄ɔ̄nəń ō, ɔ́ý nán̄g kə̄ nja ndogə̄ mbal̄ tə́ ādə̄ ra dɔ naā tə́ bing yā kənīnəń rɔ̄ɔ̄ ō, ī-tə́ndā gérger gə̄ kə yá̰a̰ rɔ̄ɔ̄ gə̄ ādə̄ gīrə̄n̄ gidən ō.

EJEKIEL 26:9

Nin̄ a mbə́rēn̄ ndogə̄ mbal̄ yāí gə̄ kə yá̰a̰ rɔ̄ɔ̄ yādə́ gēé yā tə́nī. Nin̄ a tɔ́sə̄n̄ kújə yāí kə́ ngāl̄ ɓururu gə̄ kə sáā gində̄ gēé yā tɔ́sə̄ nujəń.

JEREMI 52:4

Kem ɓāl̄ ko̰o̰ ɓē yā Sedekias kə́ nge ko̰ ndōhó tə́ ní, kə nāā kə́ nge ko̰ kutə, kə ndɔ̄ kə́ nge ko̰ kutə kógə̄ḿ yā nāā anī, Nabukodonosor, mban̄g kə́ Babilon reē kə́ ɓūtə̄ áskar yān gēé malang yā rɔ̄ɔń ɓē kə́ Jerusalem. Ni-əndā gérger yān adə̄ sɔɔ̄ ta ɓē. De kə́ Babilon gə̄ ndērə̄n̄ bəlo adə̄ gīr̄ gidə ɓē.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ kāgə̄ nduú gə̄ beé.

JEREMI 33:4

Rɔ̄kum, Kɔ́ɔ̄ɓē Nə́ɓā yā Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

Makətūbə̄ yā Job 39:25

Ni a ndigə kōō bərúnjə́ kə́ ɓār̄ i kə sɔ̄mɔ́. Ni-ra sa̰y unəń usə rɔ̄ɔ̄ ō, ger̄ ndán̄g loo yā ngol gə̄ kə́ dɔ ngé rɔ̄ɔ̄ gə̄ tə́ ō, ger̄ kɔĺ rɔ̄ɔ̄ ō.

1 SAMUEL 17:20

Dabid ḭḭ dɔɔ́ kə gír looí ɓatə. Ə́yá̰ yá̰a̰ kul̄ gə̄ jī nge ngɔ̄m̄də́ kógə̄ḿ tə́. Ni-un yá̰á̰ ń əlanən̄neé ní ba ɔr̄ dɔɔ́ kə gō ndū Jese. Dan ń ni ugə̄ gérgereé anī ngé rɔ̄ɔ̄ gə̄ a aw̄n̄ i kə̄ ta rɔ̄ɔ̄ tə́ ō, a túrə̄n̄ i kɔĺ rɔ̄ɔ̄ ō.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:10

Jojue tāā gír de gə̄, ədadə́ na: Ā ī-túrī kɔĺ aĺ ō, ādī deē oō ndūsí aĺ ō, ādī najə̄ kógə̄ḿ teē tasí tə́ aĺ ō, kdə̄ ndɔ̄ ń m-ā m-ə́dásí kadə̄ ī-túrīneé kɔĺ ní reē ugə̄ń. Tā anī ā ī-túrī kɔĺ ɓáý.

2 MBAN̄G 25:1

Kem ɓāl̄ ko̰o̰ ɓē yā Sedekias kə́ nge ko̰ ndōhó tə́, kə ndɔ̄ nāā kə́ nge ko̰ kutə yā nāā kə́ nge ko̰ kutə kógə̄ḿ tə́ anī, Nabukodonosor mban̄g kə́ Babilon reē kə ɓūtə̄ áskar yān gēé malang yā rɔ̄ɔń ɓē kə́ Jerusalem. Ni əndā gérger yān adə̄ sɔɔ̄ ta ɓē. De kə́ Babilon gə̄ ndērə̄n̄ bəlo adə̄ gīr̄ gidə ɓē.

JEREMI 4:16

Ī-tāāī nápar de gə̄, ə́daī Jerusalem ādə̄ ger̄ gō yá̰á̰ ní. Ngé taā ɓē gə̄ ḭḭn̄ dɔ nang kə́ sa̰y ngá̰ý tə́ a reēn̄ noó. Nin̄ a əgan̄ kɔŕ dɔ ɓē bo gə̄ kə́ Juda tə́.

EJEKIEL 26:8

Ni a nujə ɓē kə́ kadií tə́ gə̄ ń ndin̄ kə gō kadə bāá ní. Gō tə́ anī, Babilon gə̄ a ndērə̄n̄ bəlo gə̄ ō, a əndān̄ ndogə̄ mbal̄ gə̄ kə́ yā kənīń rɔ̄ɔ̄ ō. Nin̄ a əndān̄ ndogə̄ der yā rɔ̄ɔ̄iń ḭ̄ ɓē kə́ Tir.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.