Biblia Todo Logo
Bib sou entènèt

- Piblisite -




EJEKIEL 21:21 - Bibəl ta Sar̄

21 Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

Gade chapit la Kopi

Bible sar

21 Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

Gade chapit la Kopi




EJEKIEL 21:21
22 Referans Kwoze  

De gə̄ túgə̄n̄ wə̄lā yā gerə̄ń yá̰á̰ kə́ bírí, banī i Kɔ́ɔ̄ɓē n i nge kəda najə̄ kə́ dɔ yá̰á̰ tə́ ní.


Najə̄ ń noō nel̄ kem nge tun̄ yá̰á̰ ní. Adə̄ un Epod ō, ɔy Terapim gə̄ ō, un ɓesə̄ ní ō, ba udə dan ɓūtə̄ de gə̄ ní tə́.


Tá Mika ngeé ń toō i de kə́ udə mbal̄ kə nja dɔɔ́ ɓēé looneé kété adə̄ Nə́ɓā. Loo ń noō tə́ Mika mēr̄ rāā ɓesə̄ Epod kógə̄ḿ ō, ɓesə̄ Terapim gə̄ ō, ba ɔr̄ ngōnən kógə̄ḿ əndān nge tun̄ yá̰a̰ yān tə́.


Majə, ɓō kaw̄ ɓē bɔbí rāāī ngá̰ý ní āw̄, ba ī-ɓogə ɓesə̄ gə̄ ń i nə́ɓā yāḿ gə̄ ní i tām̄ rí tə́?


Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.


Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.


Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.


Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.


Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.


Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.


Mban̄g a ɔr̄ najə̄ i kə ndū ko̰o̰ ɓē yā Nə́ɓāá, ni a ndóm̄ loo gān̄g sarya tə́ alé.


Josias rāā adə̄ ngé koō ta de kə́ koy gə̄ ō, kɔdə̄ sāā gə̄ ō, ɓesə̄ Terapim gə̄ ō, gotə ɓesə̄ kə́ rang gə̄ ō, gətóon̄ kɔ̄ɔ́ malang dɔ nang kə́ Juda tə́ ō, kem ɓē kə́ Jerusalem tə́ ō. Ni-rāā yá̰á̰ ń ndangən̄ kem makətūbə̄ ndū najə̄ ń Hilkia ngol ngé tun̄ yá̰a̰ gə̄ ənge kem kújə yā Kɔ́ɔ̄ɓē tə́ ní.


Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.


Anī ni-tél ədadə́ na: Ɓesə̄ gə̄ ń m̄-rāādə́ tām̄ yāḿ tə́ ní sḭḭ̄ ɔ́yiīdə́ kɔ̄ɔ́ ō, āwī kə nge tun̄ yá̰a̰ yāḿ kɔ̄ɔ́ ō. Yá̰a̰ yāḿ kə́ na̰y gətóo anī ī-tél ī-dəjemī na ké i rí n rāām̄ wa a?


Nge tun̄ yá̰a̰ əda de kə́ mí gə̄ ń unən̄ ɓesə̄ kə́ tɔ̄l̄ ō, Epod ō ɔyn̄ Terapim gə̄ ō, unən̄ ɓesə̄ ō, yá̰á̰ kə́ rang kə́ no horoó ō ní na kə́ a rāān̄ i rí n noó wa?


Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,


Balak aw̄ kə Balam dɔ mbal̄ Peor tə́ ta dəla loo tə́.


Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.


Kum kɔɔ̄ gə̄ yā Moab gə̄ ō, kum kɔɔ̄ gə̄ yā Madian gə̄ ō, ɔyn̄ yá̰a̰ gə̄ kə́ yā kəndāń nja kɔdə̄ sāā ń i Balam ní jīdə́ tə́ ba aw̄n̄. Dan ń ugə̄n̄ ɓēé looneé anī ədanən̄ kəla yā Balak ń əladə́ ní.


I beé ní āwī kə̄ ta ngáń róbə gə̄ tə́, ba de gə̄ malang ń ā ə́ngeīdə́ tū tə́ ní, ī-mērīdə́ reē loo kəsa yá̰a̰ kaw̄ kə dəyá̰ kújú tə́.


De ké mí gə̄ ní al̄ aw̄n̄ kem kújə́ ké dɔɔ́ tə́ aw̄ unən̄ ɓesə̄ kə́ tɔ́l ō, Epod ō, ɔyn̄ Terapim gə̄ ō, unən̄ ɓesə̄ yá̰á̰ kə́ rang kə́ nō horoó ō, ba nge tun̄ yá̰á̰ tá ra ndágá kə de kə́ ɓú mehḛ́ gə̄ ń yá̰a̰ rɔ̄ɔ̄ i jīdə́ tə́ ní.


Swiv nou:

Piblisite


Piblisite