EJEKIEL 21:19 - Bibəl ta Sar̄

¹⁹ Ngɔlaā ní, ḭ̄ ngōn̄ deē, ə́da najə̄ ń m-ə̄ndā taí tə́ ní ō, ī-ɓir̄ jīí ə́ndań yá̰a̰ nja kógə̄ḿ ō, nja jōó ō, nja mətá ō. I kaskar tɔ̄l̄ yo, i kaskar kə́ nge tɔ̄l̄ de gə̄ malang ō, kə́ nge tə́gā de gə̄ kə̄ loo gə̄ tə́ ō.

Bible sar

¹⁹ Ngɔlaā ní, ḭ̄ ngōn̄ deē, ə́da najə̄ ń m-ə̄ndā taí tə́ ní ō, ī-ɓir̄ jīí ə́ndań yá̰a̰ nja kógə̄ḿ ō, nja jōó ō, nja mətá ō. I kaskar tɔ̄l̄ yo, i kaskar kə́ nge tɔ̄l̄ de gə̄ malang ō, kə́ nge tə́gā de gə̄ kə̄ loo gə̄ tə́ ō.

EJEKIEL 21:19 Referans Kwoze

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

EJEKIEL 21:15

Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

EJEKIEL 21:18

A̰á̰ā̰, i yá̰a̰ nāā kə́ ngan̄g ngá̰ý. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 23:23

M-ā m̄-reē kə Babilon gə̄ ō, Kalde gə̄ malang ō, de kə́ kem ɓē kə́ Pekod tə́ gə̄ ō, Sowa tə́ gə̄ ō, Kowa tə́ gə̄ ō, de kə́ Asiri gə̄ a reēn̄ sedə́ ō. M-ā m-ɔ́sə dɔ de kə́ dəngam gə̄ ń noō naā tə́. Nin̄ i de kə́ balsáa gə̄ ō, majən̄ deē ō, nin̄ i ngé ko̰o̰ ɓē gə̄ ō, ngé gān̄g sarya gə̄ ō, nin̄ i ngé rɔ̄ɔ̄ gə̄ ō, ngé kəla kə́ bo gə̄ ō, nin̄ malang ní gerə̄n̄ kal̄ sə́nda majə ō.

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.

EJEKIEL 21:11

Ba ḭ̄ ngōn̄ deē ń yá̰á̰ kə́ yā kadə̄ ə̄ndā kemií dɔ tə́ to̰ gətóo ō, wurií atī ō ní, ī-tó̰ō̰ rus rus ta kumdə́ tə́ malang.

EJEKIEL 22:13

Ta i dɔḿ tə́ yā kadə̄ m̄-ɓir̄ jīḿ ba m-ə́la kum kə̄ dɔsí tə́, sḭḭ̄ de kə́ Jerusalem gə̄, sɔɔ̄ń yá̰a̰ gə̄ kə́ ə́ngeī kə ta róbə́ kə́ gōtə́ aĺ ō, de gə̄ kə́ ī-tɔ̄līīdə́ ō.