EJEKIEL 21:15 - Bibəl ta Sar̄

¹⁵ Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

Bible sar

¹⁵ Ɔlən̄ tan i yā tɔ̄ləń de gə̄, Usən̄ kaskar ní i yā kadə̄ ndə́lē pipir.

EJEKIEL 21:15 Referans Kwoze

EJEKIEL 21:10

Loo ń noō tə́ de gə̄ malang a gerə̄n̄ kadə̄ mā Kɔ́ɔ̄ɓē m-ɔ̄r̄ kaskar yāḿ kem hɔ̄pə̄n tə́ ō, m-ā m̄-tél yā kəla gogə́ to̰ aĺ ō.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ Israel tə́ ō.

EJEKIEL 15:7

M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

2 SAMUEL 17:10

Loo ń noō tə́ ká i de kə́ ngan̄g kə́ kemən i kem ɓɔl gə̄gē, tɔ́gən a ur̄ wak kɔ̄ɔ́. Tɔdɔ̄ Israel gə̄ malang gerə̄n̄ kadə̄ bɔbí i go̰ rɔ̄ɔ̄ ō, de gə̄ ń seneé ní i de gə̄ kə́ gerə̄n̄ rɔ̄ɔ̄ majə ō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

IJAI 59:10

Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

EJEKIEL 21:16

m̄-dəje kadə̄ usən̄ kaskar ní i yā kadə̄ to rāań kəla. Ɔlən̄ ta ō, ndə́lē ō i yā kəla jī nge tɔ̄l̄ deē tə́.

EJEKIEL 21:19

Ngɔlaā ní, ḭ̄ ngōn̄ deē, ə́da najə̄ ń m-ə̄ndā taí tə́ ní ō, ī-ɓir̄ jīí ə́ndań yá̰a̰ nja kógə̄ḿ ō, nja jōó ō, nja mətá ō. I kaskar tɔ̄l̄ yo, i kaskar kə́ nge tɔ̄l̄ de gə̄ malang ō, kə́ nge tə́gā de gə̄ kə̄ loo gə̄ tə́ ō.