EJEKIEL 21:14 - Bibəl ta Sar̄

¹⁴ Ḭ̄ ngōn̄ deē, ə́da najə̄ ń m-ə̄ndā taí tə́ ní. Ā ə́da de gə̄ na: Ōōī najə̄ ń Kɔ́ɔ̄ɓē əda ní, ni-əda na: Kaskar kógə̄ḿ n toó, i kaskar kə́ kɔl ta ō, kə́ ndə́lē ō.

Bible sar

¹⁴ Ḭ̄ ngōn̄ deē, ə́da najə̄ ń m-ə̄ndā taí tə́ ní. Ā ə́da de gə̄ na: Ōōī najə̄ ń Kɔ́ɔ̄ɓē əda ní, ni-əda na: Kaskar kógə̄ḿ n toó, i kaskar kə́ kɔl ta ō, kə́ ndə́lē ō.

EJEKIEL 21:14 Referans Kwoze

2 MBAN̄G 24:1

I ɓāl̄ ko̰o̰ ɓē yān tə́ n Nabukodonosor, mban̄g kə́ Babilon ḭḭń dɔɔ́ yā rɔ̄ɔ̄ de gə̄ ní. Joakim əla dɔn gír tɔ́gə yān tə́ ɓāl̄ mətá, banī gō tə́ anī mbātə́ kɔ̄ɔ́.

TƏ́DA 24:10

Wōn̄g rāā Balak ngá̰ý kə Balam, adə̄ ənda jīn naā tə́ kə wōngōó, ba əda Balam na: m̄-ɓāríī i yā kadə̄ ī-ndɔ̄ĺ madə̄ ba̰ā̰ḿ gə̄, ba ń toō i nja kə́ nge ko̰ mətá n ī-tɔ́r̄ taí dɔdə́ tə́ toō.

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.

LEBI GƏ̄ 26:24

m-ā m̄-mbātə́ najə̄ tasí tə́ ō. M-ā m-ə́ndásí tām̄ majaĺ yāsí gə̄ tə́ mān̄ dɔ kə́ kété nja sīrí.

LEBI GƏ̄ 26:21

Ré ī-mbātíī najə̄ taḿ tə́ adə̄ ōōī taḿ alé m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

AMOS 9:2

Ré nin̄ rāān̄ bátə́ ba udən̄ dan de kə́ koy kɔ̄ɔ́ gə̄ tə́ anī, m-ā m-āw̄ gōdə́ tə́ yā kɔydə́. Ré nin̄ alə̄n̄ bátə́ aw̄ ugə̄n̄ dɔ rā̰ tə́ anī, m-ā m-āw̄ gōdə́ tə́ dɔɔ́ yā rāādə́ kadə̄ risən̄.

DANIEL 3:19

Loo ń noō tə́ wōn̄g rāā Nabukodonosor ngá̰ý, adə̄ kumən ilən kóróró dɔ Sadərak tə́ ō Mesak tə́ ō Abed Nego tə́ ō. Ni un najə̄ ɔr̄, əda kadə̄ rāān̄ hor kə́ o̰o̰ bəlim bəlim kə́ tənga ngá̰ý ní kadə̄ təngā tɔȳ kə́ kété nja sīrí.

EJEKIEL 21:17

Ḭ̄ ngōn̄ deē, ə́ga kɔŕ kə́ ɔjə kadə̄ ə̄ndā kemií dɔ yá̰á̰ kógə̄ḿ tə́ to̰ alé! Kaskar ní i kə́ tūr̄ kə̄ dɔ gír deē yāḿ gə̄ tə́ ō, kə̄ dɔ ngār gə̄ yā ngán Israel gə̄ tə́ malang ō. A̰á̰ā̰, a tɔ̄lə̄n̄ ngār gə̄ naā tə́ kə́ gír deē yāḿ gēé. Ə́nda kadií ī-nōoń rɔ̄í.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

1 MBAN̄G GƏ̄ 20:30

Ngé gə̄ ń teēn̄ ta yo tə́ ní a̰ȳ aw̄n̄ kem ɓē kə́ Apek tə́. Banī ndogə̄ mbal̄ ń əndān̄ gīrə̄neé gidə ɓē ní tetə dɔdə́ tə́. Nin̄ i deē dūbú kutə̄ jōó gidə i sīrí. Ben Hadad a̰ȳ aw̄ udə kem ɓēé ba ɓɔ̄ɔ̄ rɔ̄n gə́lé kújə́ kógə̄ḿ tə́.

EJEKIEL 21:13

Kɔ́ɔ̄ɓē ɔr̄ najə̄ seḿ ɓáý to̰, ni ədam̄ na:

JEREMI 47:7

Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

EJEKIEL 28:23

M-ā m-ə̄nī mo̰y ngāl̄bɔ̄gīí dɔí tə́ ō, mósə a a̰ȳ nang tə́ kum róbə kɔsə yāí gə̄ tə́ ō. Madə̄ ba̰ā̰í gə̄ a ənīīn̄ rɔ̄ɔ̄ kə̄ ta gə̄ tə́ ō, de gə̄ ń ndin̄ kemií tə́ ní, ngá̰ý gə̄ a tə́sōn̄ kem ɓēé ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.