EJEKIEL 21:12 - Bibəl ta Sar̄

¹² Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

Bible sar

¹² Loo ń ré a dəjeīn̄ na ké ā ī-tó̰ō̰ rus rus i tām̄ rí tə́ wa anī, ī-téĺ ə́dádə́ na ōō najə̄ kə́ majaĺ ō, yá̰á̰ ni na a rāā yá̰a̰ ō. Kem de gə̄ na a nujə sák sák kɔ̄ɔ́ ō, jī de gə̄ a ur̄ wak kɔ̄ɔ́ ō. Kum mbangən n toó! Yá̰á̰ ní a rāā yá̰a̰ i ngɔr ń toō tə́. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 21:12 Referans Kwoze

EJEKIEL 21:6

Kɔ́ɔ̄ɓē ɔr̄ najə̄ seḿ ɓáý to̰ əda na:

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

EJEKIEL 30:2

Ḭ̄ ngōn̄ deē, ɔ̄r̄ najə̄ ādə̄m̄, ə́da na: Najə̄ ń Kɔ́ɔ̄ɓē Nə́ɓā əda ní n toó: Ī-nōōī rɔ̄sí tām̄ yā ndɔ̄ ń yá̰á̰ kə́ to kum kaȳ aĺ a rāań yá̰á̰ tə́ ní.

EJEKIEL 21:14

Ḭ̄ ngōn̄ deē, ə́da najə̄ ń m-ə̄ndā taí tə́ ní. Ā ə́da de gə̄ na: Ōōī najə̄ ń Kɔ́ɔ̄ɓē əda ní, ni-əda na: Kaskar kógə̄ḿ n toó, i kaskar kə́ kɔl ta ō, kə́ ndə́lē ō.

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

EJEKIEL 21:11

Ba ḭ̄ ngōn̄ deē ń yá̰á̰ kə́ yā kadə̄ ə̄ndā kemií dɔ tə́ to̰ gətóo ō, wurií atī ō ní, ī-tó̰ō̰ rus rus ta kumdə́ tə́ malang.

EJEKIEL 21:13

Kɔ́ɔ̄ɓē ɔr̄ najə̄ seḿ ɓáý to̰, ni ədam̄ na:

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.

EJEKIEL 22:6

Ngār kə́ Israel tə́ ń ndin̄ kemií ḭ̄ ɓē kə́ Jerusalem tə́ ní, nin̄ kógə̄ḿ kógə̄ḿ a unən̄ i ko̰o̰ ɓē yādə́ gə̄ n a tɔ̄l̄nəń madə̄də́ gə̄.

IJAI 13:7

I tām̄ najə̄ ń toō tə́ n jī de gə̄ malang ur̄ wak ní, tɔ́gə de gə̄ teē kɔ̄ɔ́.

EJEKIEL 7:17

Jīdə́ a asə kətō yá̰á̰ kógə̄ḿ aĺ ō, tɔ́gə kejədə́ a gətóo ō.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.