EJEKIEL 20:7 - Bibəl ta Sar̄

⁷ M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

Bible sar

⁷ M-ə́dádə́ yá̰á̰ ń toō kadə̄ rāān̄, m-ə́da na: Ādə̄ sḭḭ̄ kógə̄ḿ kógə̄ḿ ní, ə́ya̰ī ɓesə̄ kə́ majaĺ ngá̰ý gə̄ ń əsōn̄ kumsí ní kɔ̄ɔ́! Ī-lōōī rāā kadə̄ ī-téliī de kə́ yḛr gə̄ kə ta kūl̄ rɔȳ ɓesə̄ gə̄ kə́ Ejiptə tə́! Kɔ́ɔ̄ɓē Nə́ɓā yāsí i mā.

EJEKIEL 20:7 Referans Kwoze

LEBI GƏ̄ 18:3

Ī-ndájí yá̰a̰ rāā de gə̄ kə́ dɔ nang tə́ Ejiptə tə́ ń ī-ndiī tū tə́ ní aĺ ō, yá̰a̰ rāā de gə̄ kə́ dɔ nang kə́ Kanaan ń m-ā m-āw̄ sesí kə́ tū tə́ ní aĺ ō. Úniī gō ndū najə̄ yādə́ alé.

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ Israel gə̄, ī-gḛyiī koy i najə̄ rí tə́?

LEBI GƏ̄ 11:44

Tɔdɔ̄ mā i Kɔ́ɔ̄ɓē Nə́ɓā yāsí. Ā ɔ̄rī rɔ̄sí kɔ̄ɔ́ tayā tām̄ yāḿ tə́ kadə̄ sḭḭ̄ i de kə́ táĺ gə̄, tɔdɔ̄ mā i de kə́ táĺ, adə̄ ā ɔ́diī rɔ̄ dā̰ kə́ kagə nang tə́ gə̄ ń noō yā téləń de kə́ yḛr gə̄ alé.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

EJEKIEL 23:3

Dan ń nin̄ na̰yn̄ mandə ɓáý ní, nin̄ rāān̄ ájə́ba kem ɓē kə́ Ejiptə tə́. Dəngam gə̄ kógə̄n̄ naā kə mbaadə́ gēé nú. Nin̄ wār̄yān̄ kadədə́ gə̄ ń i kadə ngámandə gə̄ ní.

EJEKIEL 20:19

Kɔ́ɔ̄ɓē Nə́ɓā yāsí i mā. Ī-rāāī yá̰a̰ gə̄ ń ndū najə̄ yāḿ gə̄ ədan̄ ní ō, ə̄ndāī kumsí gír jī bēl̄ loo rāā yá̰a̰ yāḿ gə̄ tə́ ba úniī gō ō.

EJEKIEL 18:15

adə̄ ni-əsa yá̰á̰ kə́ tun̄ gə̄ dɔ mbal̄ gə̄ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ yā ngán Israel aĺ ō, ni-əla rɔ̄sɔl̄ dɔ nə̄yá̰ deē tə́ aĺ ō,

EJEKIEL 18:6

Ni-əsa yá̰á̰ kə́ tun̄ gə̄ dɔ mbal̄ gə̄ tə́ aĺ ō, rāā kəla adə̄ ɓesə̄ gə̄ yā ngán Israel gə̄ aĺ ō. Ni-əla rɔ̄sɔl̄ dɔ nə̄yá̰ deē tə́ aĺ ō, sāā dəyá̰ kə́ mósə əhɔn aĺ ō.

EJEKIEL 14:6

Adə̄ ə́dá ngán Israel na: Kɔ́ɔ̄ɓē Nə́ɓā dəjesí kadə̄ ī-tūrī háĺsí ba ə́ya̰ī ɓesə̄ yāsí gə̄ kɔ̄ɔ́ ō, ī-tūrī gidəsí kɔ̄ɔ́ ta yá̰a̰ rāāsí kə́ majaĺ ngá̰ý gə̄ tə́ ō.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

IJAI 31:7

Nə́ɓā gində̄ arjā̰a̰ ō lɔ́r ō ń i nə́ɓā kə́ rɔ̄kum aĺ gə̄ ń ī-rāāīdə́ kə jīsí kə́ najə̄ i dɔ tə́ ní, ndɔ̄ kógə̄ḿ tə́ anī sḭḭ̄ kógə̄ḿ kógə̄ḿ ā ī-mbātíīdə́ kɔ̄ɔ́.

2 YÁ̰A̰ GƏ̄ 15:8

Dan ń Asa oō najə̄ gə̄ ń noō ō, najə̄ gə̄ ń Oded nge koō ta ɔr̄ kə́ nge koō ta tə́ ō ní anī, ənge tɔ́gə adə̄ ni-rāā adə̄ ɓesə̄ gə̄ gətóon̄ kɔ̄ɔ́ dɔ nang kə́ Juda tə́ malang ō, dɔ nang yā Benjamḛ tə́ ō, kem ɓē gə̄ ń ni táādə́ gō nang kə́ mbalá yā Epəraim tə́ ní ō. Ni-rāā loo tun̄ yá̰a̰ yā Kɔ́ɔ̄ɓē ń ra ta ngōn̄ kújə́ kə́ ta róbə́ kújə yā Kɔ́ɔ̄ɓē tə́ ní adə̄ to kijə ō.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

LEBI GƏ̄ 17:7

I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.

Teē Ngán Israel gə̄ 20:4

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

Teē Ngán Israel gə̄ 16:12

n-oō tām̄ ń ngán Israel gə̄ na tāmə̄n̄ seneé ní. Ní kə ədadə́ na loo tíbí ɓōólaā na a əsan̄ dā̰ ō, bírí dəloí na a əsan̄ yá̰a̰ kadə̄ asədə́ ō. Loo ń noō tə́ na a gerə̄n̄ kadə̄ ni na i Kɔ́ɔ̄ɓē Nə́ɓā yādə́.

LEBI GƏ̄ 20:7

Ɔ̄rī rɔ̄sí kɔ̄ɔ́ kum yá̰á̰ kə́ majaĺ gə̄ tə́, kadə̄ sḭḭ̄ i kə́ táĺ gə̄, tɔdɔ̄ mā i Kɔ́ɔ̄ɓē Nə́ɓā yāsí.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

Teē Ngán Israel gə̄ 22:20

Tə̄rā kə́ ngé nam̄ gə̄ ń ndin̄ sesí ní, ā ī-rāāīdə́ majaĺ aĺ ō, ā ə́saī tətōdə́ aĺ ō, tɔdɔ̄ kété sḭḭ̄ i ngé nam̄ gə̄ dɔ nang kə́ Ejiptə tə́.

EJEKIEL 23:7

Ohola rāā ájə́ba kə Asiri gə̄ kə́ ngé rāā kəla kə́ bo gə̄ ń noō malang. Kə dɔ gḛy ń ni a gḛy deē kógə̄ḿ ngá̰ý dan dəngam gə̄ ń noō tə́ malang noó, ni rɔȳ nə́ɓā yādə́ kə́ rɔ̄kum aĺ gə̄ téləń de kə́ yḛr.

LEBI GƏ̄ 18:2

kəda ngán Israel gə̄ ndū najə̄ gə̄ ń toō: Mā i Kɔ́ɔ̄ɓē yāsí.

EJEKIEL 34:24

Mā Kɔ́ɔ̄ɓē ní, ndɔ̄ń tə́ mā i Nə́ɓā yādə́ ō, nin̄ a əngen̄ ngār kə́ tītə̄ nge kəla yāḿ Dabid ō. I mā Kɔ́ɔ̄ɓē n m-ə́da najə̄ ń noō ní.